معرض الغذاء 2010

[البنوسه]

مساااااكم او صباااااحكم
فل ونرجس وكادي

ابي اسئلكم ياالطيبات يا الغاليات منو فيكم راحت معرض الغذاء هالسنه واللي موجود حاليا بمشرف بارض المعارض
واللي راحوا عفيه قولولنا شنو المميز فيه وشنو مشترياتكم وشنو لفت نظركم من بضايع او ماكولات اوحتى اسعار
والله يبلغنا وياكم رمضان ونحسن وياكم صيامه وقيامه
----------------------------------------------------

 

[شوقي وغلاي]

ما رحتله بس ناوية ان شاء الله ...

 

[البرق80]

مارحت يريت اللي راحوا افيدونا

 

[أغلى حبيبه]

رد : معرض الغذاء 2010

اي والله قولو لنا شنو المميز هالسنه

 

[أم حموووود]

أنا رحت له وشريت كتاب المطاحن وبهارات من اليمني وشريت آلة لف الورق عنب بس طلعت خرطي

 

[الشامريه]

توني كنت بسوي نفس موضوعج

 

[M!Ss Smart]

لي رحت بقووول

 

[MoonDiamond]

أنا رحت له وشريت كتاب المطاحن وبهارات من اليمني وشريت آلة لف الورق عنب بس طلعت خرطي

الة لف الورق عنب مو خرطي
انا قلت نفسج اول ما شريتها
بس تفاجأة الخدامه تلف ورق العنب مرتب وصغار وقتلها انتي شاطره
جان تقول مدام هذي انتي يجيب وايد زين
جان توريني الالة وسوت جدامي جم وحده اصدمتني
قتله هم شاااااااااطره
وكان ودي ابوسها بس مابستها
عاد انتي عابلي فيها وبتعرفيلها

وابروح السنه ادور مسدس اللقيمات
ويا رب القاه

 

[*((كـارينـا))*]

انا رحت السنه إل طافت كان حده عادى والأسعار نفس السوق وحده زحمه داخل المعرض والمصافط انسي تحصلييين

 

[البنوسه]

بجم خذتوها بنات الة لف ورق العنب؟؟ واي ماركة لانه يقولون ماركات ؟؟

وجان زين تحطولنا صورتها

وبنات يعني يسوى الروحه والا لا

:080402ask_prv::080402ask_prv::080402ask_prv:

 

[ام عبودي1]

حلو انا استانس عليه وان شاء الله ناويه عالاسبوع الياي اروحله

والله بالعكس ,, حلوة اسعارهم وتقدرين تاخذين الكميه اللي تبين ..

بس عيبه ازعاج والزحمه والمسافط ...

 

[**توفا**]

إن شاء الله أروح

 

[أم حموووود]

شريت ألة لف الورق غنب ب5 دنانير بس دبل فيها مكانين تسوين حبتين مع بعض
هم شريت فرامة للورقيات هذي ممتازة سويت التبولة بثواني وكلهم صناعة سورية وأخذت قطعة فخار تحطينها على الورق عنب عقب ماتلفينه عشان تثبته بصراحة ممتازة

 

[أم حموووود]

الة لف الورق عنب مو خرطي
انا قلت نفسج اول ما شريتها
بس تفاجأة الخدامه تلف ورق العنب مرتب وصغار وقتلها انتي شاطره
جان تقول مدام هذي انتي يجيب وايد زين
جان توريني الالة وسوت جدامي جم وحده اصدمتني
قتله هم شاااااااااطره
وكان ودي ابوسها بس مابستها
عاد انتي عابلي فيها وبتعرفيلها

وابروح السنه ادور مسدس اللقيمات
ويا رب القاه

إن شاء الله بجربها مرة ثانية وإن شاء الله تضبط بس مسدس اللقيمات موموجود دورته

 

[Om Ghalia]

شريت ألة لف الورق غنب ب5 دنانير بس دبل فيها مكانين تسوين حبتين مع بعض
هم شريت فرامة للورقيات هذي ممتازة سويت التبولة بثواني وكلهم صناعة سورية وأخذت قطعة فخار تحطينها على الورق عنب عقب ماتلفينه عشان تثبته بصراحة ممتازة

الفخارة روووووووووووووووووووووووووووووووووووووووووووووووووووووووووووووعة أنا يبتها هدية حق كل خواتي

 

[شوقي وغلاي]

رحت اليوم واخذت كبب مثلجة شكلها يهبل حدها مني اخذت بطاط مع اشبنت وبرغل والسمبوسه تونس حييييييل صغيرة بس عاد الطعم مدري عنه الهندي ما رضا اني اذوق يقول الكبب اللي عالطاولة للعرض 65 حبة ب 5 دنانير ...وهذا اعلانهم

[/url][/IMG]

[/url][/IMG]
واخذت بهارات من اليمني واخذت زيت زيتون ودبس رمان ومربى مشمش من السوريين وحافظات ايطالية من صالة الاواني
واوراق ملونة اللي تنحط بصحن الكيك عجبتني الالوان اللي منزلينها ....

وبس ... المعرض هالسنة ما في شي جديد ...

 

[بشاير السعدون]

انا رحت وشريت كبب مثلجة من شركة سما لبنان وتقدرين
تذوقينهم قبل لا تشترين ووايد حلوين ال35حبة ب2 دينار
واشتريت زرديشت من البحريني وتمر وايد حلو وطعمة روعة وبلاش سعره على 1 دينار
وفي وايد مشاركين بس من الزحمة ما قدرت واشتريت دراعة قطن تهبل حق زوارة
الحمولة ب6 دنانير وسلامتكم

 

[costa chic]

امي شرت
حلاو انجليزي عجيييب



اما هذا بسكوت منوع شي بنكهه البيتزا و شي بنكهه الجبن من المعرض العائله اتوقع بصاله 6

 

[قهوة عربية]

حبيباتي اللي شروا كتاب المطاحن ...شنو فيه جديد ...؟

يسوى نشتريه ...!! لإني أتابع كتب انتصار المطوع (المطاحن ) وأشتريها أول بأول

وشنو اسمه ...وسعره

مشكورين

 

[أنفاسي دخون]

المعرض ما فيه زود عن كل سنه وكتاب المطاحن ماشي حاله تلاقينه بكورنر المطاحن بـ 3 دنانير الا 50 فلس