نحن هنااااااااااااااا
أولا شكرا ليلى حبيبتي عالموضوع الحلو ومبروك صدور روايتك
ثانيا بأقدم لكم تغطيتي المتواضعة لمعرض الرياض الدولي للكتاب
رابط موقعه الالكتروني
http://www.riyadhbookfair.org.sa/Pages/Default.aspx
فيه خاصية البحث عن الكتب (كتابة أسم الكتاب بس أو المؤلف اختصارا للوقت وعشان تعرفون فرق الأسعار بين دور النشر) , فيه سعر الكتاب قبل وبعد الخصم (سجلوها عشان ما يغيرون عليكم السعر ) ,وأسم المؤلف ودار النشر .. الخ
للمعلومية خاصية البحث تعمل فقط وقت المعرض (من 10 ص إلى 10م ماعدا الجمعة من 4م إلى 10 م) ما أدري ليه ؟؟
للمتابعة المباشرة للمعرض قناة الثقافية السعودية تعرضه طوال اليوم
فيه ركن مميز جدا لنادي القراءة بجامعة الملك سعود مسوي فعالية خراااااااااااااااافية
تدوير الكتاب , اللي عنده مجموعة من الكتب خلص منها يبدلها بكتب الركن دون مقابل , أول مره يشاركون بالمعرض سابقا كانت الفعالية تقام بأسبوع في السنة داخل الجامعة , حسب علمي مايبدلون الكتب الدراسية وطبعا الكتاب يكون بحالة جيدة
حساب النادي بالفيس بوك لمتابعة الفعالية
http://www.facebook.com/#!/rcksu
قائمتي للمعرض بصور أغلفة الكتب ونبذة بسسيطة عن سبب اختياري لبعضها
http://www.facebook.com/#!/media/set/?set=a.336186586433897.99312.100001276764796&type=1
وطبعا مو بس هذي فيه غيرها حاطه عيني عليها بس تكيسلت أنزل صورها
بتلاقون الباقي اللي ممكن أشتريه بصفحتي بال Goodreads
http://www.goodreads.com/user/show/5174818-biochemist
وبما أن المعرض في يومه الثالث ماراح أروح إلا بعد ماتخف الزحمة ماأدري متى وأن شاء الله بأوافيكم بمشترياتي
* وياحبذا لو تصرفون فلوسكم لأن أحيانا مايكون فيه صرف ويضيع وقتكم على هالسالفة
:eh_s(11):
