معدل النبويض الطبيعي ؟؟؟

[فيلسوفه]

السلام عليكم

يا خواتي ابي مساعدتكم .. انا صارلي 7 شهور احاول احمل بس للاسف ماكو شي و انا مو بالكويت ببريطانيا لان ريلي يدرس هناك .. رحت الطبيب و سوتلي تحليل التبويض الي 21 من الدوره و طلعلي نسبة التويض 20 و الدكتوره كاتبه تعليق على التحليل ان مافي تبويض و سويت الشهر الي وراه و نفس الشي 20 و كاتبه مافي تبويض .. حبيت اعرف جم المعدل الطبيعي للتبويض :bbbiu: ؟ ؟ و هل في اكل يقوي التبويض اقدر احصله ببريطانيا ؟؟
يارب ارزقني و ارزق كل محرووم بالذريه الصالحه يارب :yaaaaaarb:

 

[سعودية بالكويت]

أسأل الله العظيم الرحيم الكريم

أن يرزقك الذرية ويشفيك من كل داء

ويفرحك بغربتك بالذرية السليمة الصالحة

ماعندي فكرة عن نسبة التبويض بالتحليل

أنا اللي أعرفه تعرف جودة التبويض بحجم

البويضة من خلال السونار الداخلي بيوم 13 أو 14

من الدورة والحجم الجيد للحمل يكون 18 وطالع

الله يرزقك من واسع فضله​

 

[Dodo80]

حبيبتي الي اعرفه حجم البويضه 20 مشاء الله وايد حجمها مناسب استغربت من كلام الدكتوره

 

[بحرينيه كوول21]

ماعرف صراحه
اب لعيوونج

 

[فانتا ستروبري]

رفع لعيونج وعسى الله يرزقج يارب
​

 

[درة أهل الطولات]

حجمهااا حلو بالعكس

 

[فيلسوفه]

مشكورين خواتي .. ما ادري ليش كاتبه مافي تبويض مرتين اسوي هل تحليل و يطلعلي 20 و تقول ماكو تبويض .. المشكله ببريطانيا او بالمنطقه الي انا فيها اذا براجع الدكتوره مواعيد و مواعيدهم بعيده انطر مده يالله بعد شهر يعطوني موعد .. بس وايد مستغربه اذا تقولون 20 زين عيل ليش كاتبه مافي تبويض ؟؟ّ!!!!

الله ارزقني بذريه صالحه وسالمه و صاحيه و ارزق كل محروم يارب

 

[وَرْدَة الْقُلُوْب]

حبيبة قلبي
اني كثر قياس حجم البويضة صار لي معلومات عنها
وهو انها عندج عالية
وجاهزة للتلقيح
ربي يرزقج بالذرية الصالحة المعافاة
ويرزقني
ياكريم يا جبار

 

[مسك الجنه]

بالعكس معدلها زييييييين دشي قوقل وكتبي حجم البويضه 20 وشوفي شنو يطلع لج ​

 

[Dodo80]

[size="[size="5"]5"]
ااختي تبين نصيحتي لاتسمعين كلام الدكاتره

في دكتور قال وحده من قريباتي انها عقيمه المخزون المبيض عندج زييرووووو يعني انسي تييبين عيال وكفخت عمرها المسكينه

وماشاء الله تبارك الله عندها الحين 5 عيال 4 صبيان وبنت .

انا وحده ماقمت اصدقهم كل شي باييد رب العالمين (اذا قال له كن فيكون)[/size][/size]

 

[فيلسوفه]

وااااااي يا بنات ما تصدقون اشلون ريحتووووني .. الحمدلله و الشكر لك يارب .. الله يبشركم بالخير
يارب ارزقني و ارزق كل محروم ياااااارب .. اذا التبويض زين على كلامكم يمكن هرموناتي فيها شي !! انا لمن رحت للدكتوره قتلها سويلي بعد تحليل هرمون عشان اكون شايفه الصوره كامله جدامي قالتلي ما نسوي الا للحالات الي صارلها سنيني ماحملت !! الله يخلي الكويت و دكاترتنا يسوون كل التحاليل مره وحده عشان تكون الصوره واضحه جدامهم .. يارب ارزقني بذريه صاحيه و سالمه و صالحه عاجلااا يا ارحم الراحمين و ارزق كل محرووم يارب

 

[alhnan]

خذي حبوب كلوميد مرتين باليوم من ثاني يوم الدورة لمدة 5 ايام يزيد التبويض و يكبر البويضات

 

[alhnan]

نسبة التبويض غير حجم البويضه اللي عندج نسبة التبويض وهذا هرمون بس ما اعرف بالضبط شنو واعتقد انه نازل حسب ما سمعت

لكن حجم البويضه غير بالسونار يبين وتكون زينه من حجم 18
الله يرزقج الذريه الصالحه المتعافيه و يرزقنا

 

[فيلسوفه]

الكلوميد اقدر آخذه من غير وصفة طبيب ؟؟ و سمعت من وحده بالمنتدى ان شرب عصير الانناس ينشط التبويض و على كلامها تشربينه لمدة 15 يوم ينشط مثل مفعول الكلوميد ؟؟ في وحده ماره عليها هل معلومه ؟؟؟

 

[شمخانيه]

الله يرزقك
اختي ما بينتي بالضبط
حجم البويضه ما ينقاس بالتحليل ينقاس بالسونار الداخلي واذا الحجم 20 فهذا ممتاز ولا تحتاجين كلوميد

المشكله انه يكون تحليل التبويض يعني اف اس اتش هوه 20
يكون صج كلامها ما فيه تبويض
حددي شنو التحليل ومتي حللتي وراح نساعدك بالتفسير حسب خبرتنا بتاخر الحمل

 

[إرتعاشة ناي]

الله يرزقج ويرزقني معج
يارب

 

[فيلسوفه]

انا حللت دم يوم 21 من الدوره و النتيجه طلعت 20 و الدكتوره كاتبه على التحليل ملاحظه مافي تبويض يعني مو حجم البويضه 20 لأ هذا تحليل الاباضه .. الي عندها خبره تساعدني يعني نسبة التبويض واطيه و اذا نازله اهي اصلا جم معدلها الطبيعي يعني وايد نازله ولا اشوي ؟؟ و من شنو يصير جذي هل خلل بالهرمون ؟؟ و اشلون ممكن ارفع النسبه ؟؟
اللهم ارزقني و ارزق كل محروم يارب

 

[laaloo]

حبيبتي الي اعرفة كل ما قل نسبة هرمون اف اس اش كان احسن واحسن شي 1-6 .. اما نسبة التبويض الي تنقاس ابتحليل يوم 21 من الدورة هذا نسبة التبويض عندج و20 زين ..
انا حجم البويضة ينقاس ابسوتلر داخلي مو بتحليل دم ..
والله يرزقج وطمنج يارب *

 

[كيم بنت مناحي]

ان حجم البويضة ينقاس ابسونار داخلي مو بتحليل دم

 

[مهرة الخليج]

حبيبة قلبي بالعكس انتي بلندن علاجهم وكشفهم احسن بكثير
والدليل ان الدكتوره عملت لك اهم تحليل قبل لا تبدا العلاج معك
وهو تحليل معرفة نسبة التبويض عندك وهذا ما يسويه عندنا الا القليل من المستشفيات الخاصه
تبعث تحليل دم للمعالجه عن تاخر الحمل للندن لتوافيها عن طريق مختبراتها بنسبة التبويض قبل لا يخبصون فيها
نسبة مخزون التبويض عندك ضعيفه وهذا ما تحاول ان توضحه لك الدكتوره
وهي لا تتكلم عن حجم البويضه مثل ما البنات اعتقدوا هي تقول لك واحد من الاثنين
يا اما مخزونك للتبويض ضعيف او انها تقول لك هرمون ال fsh وهو المسؤول عن التبويض عالي جدا حيث انه لا يحب ان يرتفع عن 10
والله الموفق​