معا نحو جسد منحوووت

[طريق السعاده]

اي صح اهملت امس واليوم مامشيت لكن باذن الله من بكرا برجع احط وقت للمشي بيومي

 

[ليدي بجد]

الله يسهل لك المذاكرة. وتجيبين الدرجات النهائيه يارباه. اساليني عن جو المذاكرة. عززززاب. ودك تاكلين خرابيط طول اليوم بس لو أطول أصابع رجولي كان تسليت بقضم اضافرهم ايييه. الله يسهلك ولي. حتى انا المفروض اذاكر. ماجله اختبارنصي لماده هذا الترم وماده فاينلها مآجل من الترم الي فات. يعني ماده كامله مااعرف عنها شي لحد الان. الله يستر. راح أبدا من يوم الأحد او الاثنين


امس موديين دبش عروسه فطبعا لقينا مالذ وطاب قدامنا. وماكلت غير لقيمات يقمن صلبي لقمتين بسبوسه صغار لقمتين حلا شوكلا. ٤ لقم حلا ثاني. لقمي. صغااار بطرف الملعقه. والله اجاااامل. كلي وكلي. غثوني. ايه الي تلذذت فيه مكرونه بالبشمل. مقدار اربع او خمس لقم.
مع اني من الساعه وحده الظهر. صاحيه. على نسكافيه بس. على الساعه ١ ونص بالبيت. أكلت. كم حبه مطبق لقيت زوجي شاريه وماكل. يغذي عمره من واري ههههههه. وشربت حليب بالعسل. >>>ام الخلطه العجيبة
بصراحه انغيث من حكايه الحليب ورى الأكل الغريب الي كلته. بس تصدقين لحد الان مواصله ما كلت شي!!


الله يعين بكره وراي مشاوير بروح ابيض اسناني. واستلم فستاني من الخياطة. وبارروح. صالون اجري حوار هام مع الكوفيره. مدري. بيمديني والا لا. ودي اخلص. عشان أبدا مزاكرره. >>>والله مصطفى مايقربلي


المشكله المفروض السبت القياس الي هو اليوم. بس ما نمت وصحيت للحين فاليوم عندي للحين جمعه!!!
مشكله صراحه

 

[طريق السعاده]

هههههههههههههههههههههههههههههههه امااا اصابع الرجلييين هههههههههههههههههه منن جددد انا اصير اكره وجبات البيت او الوجبات الرئيسيه وابي بس هالخرابيط لازم مع كل كاس مويا شيء يتوكل هههههههههه ومع كل بريك احطه لنفسي حاجه اكلها


المهم ي جميله ذاكري وبطلي كسل انا نفسك عندي حوسه فالنوم واعتبر بروفسوره في تخبيص النوم يعني احد يفطر العصر "<

معلينا لاااازم تبدين تذاكرين انا اختباراتي فاينل تبدا بيوم 25 من هالشهر هجري طبعا يعني باقي اسبوعين بالضبط

ومره حايسه نفسي لان مرتاحه طول الترم والحين توني افتح المناهج واشوف وش فيها :/ < الترم الجاي ببدا من البدايه مرح اكسل

اممم

انا نمت الفجر وصحيت 2 ونص لما صحيت قست وزني بس الميزان عطاني قرائتين وبكتبها الثنتين خخ مدري وين الصح

لما احط الميزان ع الفرش يعطيني 60,8 ولما احطه ع السراميك او البلاط يعطيني 61,5

وزنت اكثر من مره وهذي القرائتين تطلع لي وقررت اخذ الي ع السراميك لان الصيدلي قالي احط الميزان ع سطح مستوي ف اعتقد الفرش يغير القرائه مادري


عموما الحمد لله ع كل حال توقعت اني دخلت عالم الخمسينات لكن باقي لي كيلوين ولازم اطيرهم

 

[ليدي بجد]

صباح الخير.

كيفك انشاء الله بخير


مبرررروك النزول والميزان بعد هههههه خلاص قربتي من الستين. والنزول البطئ يضمن ما ترجعين بسهوله لوزنك. عكس الي تنزل بدايت قاسي 3او4. بالاسبوع. بس توقف. ترجعهم بسهوله


امس نمت تقريبا عشر الصبح وصحيت. وحده والحين نمت ١٢ باليل وصحيت على كابوس الساعه ٢ ونص. أعوذ. بالله لي يومين اصحى خايفه احس بتاخرني الكوفيره وبعيش قلق فضيع .



المهم. اليوم العصر وزنت. والحمد لله ماتوقعت انزل. لأكن وزني صار ٩٥ ونص. هيييييييييييييييييه


يارب بكره ما يغير رايه. ويدخلني الستينات


طررريق الله يعينك. بس باقي اسبوعين. على الفاينل !! خلاص. شدي. حيلك. اقوووووووى شي. اصلا تدرين المفروض ما تدخلين. نت ولا تطالعين. تلفزيون. الا بوقت الأكل ويكون هو عباره عن البريك تبعك يادوووب.
وإنشاء الله تبشرينا بنجاحك. وانت بعد في هذي قدهاا
يالله من بكره لا أشوفك. بالموضوع. ذاكري. وحاولي. بس ما يزيد وزنك. بسسس انسي النزول الان تماما
. ياويلك تقوليين نزلتي هههههه
يعني لو كلتي غلط نوعا ما وهذا شي اكيد احرصي. تمشين كل يوم نص ساعه يوم بعد يوم. ولو يوم بالغت بالاكل امشي فيه بعد لو ما كان يوم مشي . واوزني. كل يومين. تتاكدين. لو زاد. تتقللين من الاكل الغلط وتمشين. اهم شي توزنين كل يومين. ثالث يوم. وهذا الي يحدد نشاطك


هاه. شرايك>>>ودهاا تاخذ بريييك معاك هههههه




بنسبه لنظامي اليوم وجبه وحده. ٢فخذ دجاج. مع نص خبزه ونص كاس شراب غازي توت بالفراوله
اكلتها ١٠ باليل. والعصر. كنت برى فأكلت بسكوت صغير خفيف مع ماء وسلامتي

 

[طريق السعاده]

مبروووووووووووووووووووووووك كلللووووووووووووووووووووووووووشششش فرحت لك ان خلاص وصلتي للخمسينات

خايسه هالخمسينات تتغلى علينا هههههههههههههههههه يلا عقبالي يارب وننزل كمان فيها

اتوقع عندك زواج وحده من خواتك او كذا مادري بس الف مبروووك جعل ربي يوفقها ويهنيها ويسعدها ويارب يكون يومكم حلوو ومرتب وكل شيء نفس ماتتمنون اعرف شعورك وكل هالاحلام بس من الربكه والتفكير لاتشغلين بالك كثير ان شاء الله كل شيء يصير نفس ماتبون ..

بالنسبه للنت انا مستحيل ماشبك نت عادي هههههههه ثلاث سنين فاتو وانا كذا اذاكر والابتوب مفتوح جنبي نفسيا ارتاح خخخ
مرتبه وقتي وباذن الله اعدي هالفتره ع خير ..

بالنسبه للوزن مادري شقولك بس ان شاء الله انزل انا مارح اضغط ع نفسي عادي يعني ومارح اجيب العيد باكل ع خفيف لكن المشي مستمره عليه ويارب يساعدني


يلا حبوبه محدده لنفسي نص ساعه بريك و طااارت

 

[ليدي بجد]

صباح الخير

شفتي ما بغينا نشوف الخمسينات. الله يبارك فيك. بصراحه. اهم شي عندي حاليا ما اطلع عن الستين. لان هذا هدفي الاول حاليا. وحققته. ولله الحمد
الزواج بنت اخو زوجي لو اختي اظن انتحرت ههههه بس ما عندي خوات اصغر كلهم اكبر مني
والله يبارك فيك وعقبالك يارب. تبشريني بخطبتك قررريب بالي يستاهلك ويسرك

 

[طريق السعاده]

اهاا الله يسهل اموركم ويارب يطلع كل شيء مثل ماتبون واحسن

 

[طريق السعاده]

مساء الخيرات

اليومين الي فاتو مامشيت ماكان لي خلق :/ امس مشيت 20 دقيقه ع السير

اليوم صايمه وتوني صحصحت من شوي ف مابدى برنامجي اليوم لكن حبيت ارفع الموضوع واطل اسلم عليكم

 

[طريق السعاده]

السلام عليكم

انا حزينه ع نفسي هالاسبوع كله غلط وجبت العيد اليوم كليت وجبه من ماك

ماينفع هالوضع المشكله مو قادره اسيطر ع شهيتي فجاه انفتحت بشكل مو طبيعي وماني جوعانه بس اكل !


انا خايفه يضيع تعبي ولازم اوقف هالمصخره قبل ارجع ازيد كم كيلو

مادري وش اسوي بس حيل متضايقه وخانقتني العبره والدنيا صاكه فيني

اففف ضغط اختبارات وضغط نفسي وموضوع مهم شاغلني و تانيب ضمير ع هالخبصه ومو قادره اضبط نفسي احس بنفجر من الضيقه

اااااه يارب ساعدني

 

[طريق السعاده]

اليوم ماذاكرت ولا مشيت اصلن كل الاسبوع مامشيت ولا سويت تمارين ولا شيء وبس قاعده اكل واذاكر واليوم ماذاكرت وكمان ماسويت شيء مقهووووووووووووووووووره وكارهه هالشيءء

:eh_s(2)::eh_s(2): وربي اكتب وابكي من القهر :lkmnkl::eh_s(16):

 

[lebanon night]

بدي مقاسي ينزل من 44 الى 38 - 36
عبالي اخسر من 20 الى 25 كيلو
عبااااااااااااالي حبيبي ... دخلت اليسا بالموضوع

 

[طريق السعاده]

شدي حيلك وبالتوفيق يارب

< تحسن وضعي هاليومين بديت امسك نفسي وامس مشيت نص ساعه واليوم بعد بمشي
والحمد لله ع كل حال

االاكل بديت انتظم شوي للحين في خبصه بس الوضع تحت السيطره هع

قعد احاتي ونفسيتي مره تعبانه واضيع هالضيق الف فالمنتدى يارب تعدي هالفتره ع خير

 

[طريق السعاده]

يومي امس كان حلو

ماشيه تخفيف ومن الساعه 8 بالليل وقفت اكل ومشيت ساعه ع السير وشربت لتر ونص مويا

اليوم فطرت شكشوكه( حمسه بيض وطماطم وبصل وفلفل بارد ) ونص خبزه وشوي جبن سائل
تغديت رز ودجاج لان كنت فالبر بس ماكثرت يعني يمكن 7 ملاعق صغيره مو ملعقه الطعام نفس مقاس ملعقه الشاي هع
والمغرب كليت تمرتين وقهوه وشريحتين بسكويت دايجستف مع فنجالين شاي

مادري وش بكمل يومي بس الاكيد بمشي بعد شوي ان شاء الله ومادري يمكن ماتعشى واصلح لي فوشار او يمكن اتعشى بعدها امشي


ليدي ويينك فاقدتك والله

 

[طريق السعاده]

رحت قطعت لي طماطه وخياره وحبتين خس سويتهم سلطه والتتبيله غطا زيت زيتون وشوي كمون وشوي ليمون

وسلامتكم

احين بقوم امشي

 

[طريق السعاده]

مساء الخيرات

رجعت الحمد لله للطريق الصح ورجعت التزم بس بطريقه صحيه وبدون ما ااثر ع نفسي عشان هالفتره لازم اكلي يكون متوازن وبنفس الوقت صحي

الثلاث ايام الي راحو كنت بيرفكت وكل يوم مشي ساعه اخر اليوم والعشا يكون بدري حيل او ماتعشى

اليوم قعدت من النوم متاخره شربت كاسه مويا
مافطرت طوالي تغديت تقريبا كوب رز ابيض وشوي حمسه فاصوليا وجزر وصحن سلطه
ع المغرب كليت حبه شوكليت وبعده بشوي كليت 3 حبات بسكويت وبيالتين شاي

ع الساعه عشر ونص تعشيت كم لقمه تميز وفول وعدس وحبتين مطبق تقريبا التميزه كبر كف اليد

والحمد لله

بعد شوي بمشي مدري كم المده بس لو ماطولت بخليها اقل شيء 30 دقيقه

 

[طريق السعاده]

اب

اوووف الموضوووع ليه كذا مافي احد

ليدي وين رحتي بطلتي دايت !

طمنيني عليك وحشتيني والله

انا ماشيه بالدايت الحمد لله رغم اختباراتي بس قدرت اسيطر ع شهيتي بس موقفه مشي لين اخلص اختباراتي تقريبا هالاسبوع اخر شيء

اليوم وزنت والحمد لله وزني صار 59,9

اخيررا شفت الخمسينات الحمد لله حمد كثير

الله لايضيع لي تعب يارب

 

[الغسق و الأفق]

السلام عليكم و رحمة الله و بركاته
انا حاب اشارك معاكم
وزني 70
و طولي 150
صج. ملييييييت من الكرش و ملييييييت من الزوائد
ابي ابلش ريجيم صحي مابي ريجيم يسبب تساقط بالشعر او الذبول
اليوم بروح اشتريلي ماجله اسبوع

و اتمنى لي و لكم التوفيييق

 

[طريق السعاده]

عليكم السلام

تنوري حبيبتي شدي حيلك وفالك الرشاقه باذن الله

 

[ورده شوق]

معاج وبقوه جسمي قبل الولاده روعه وتالي قلب?
اختج تعاني من دهون متركم?الزنود
والمؤخره ذهبت ادراج الرياحً?
الوزن 74
الطول 57
يعني يبيلي ريجيم وبقووووه?
معاج ?

 

[طريق السعاده]

بالتوفيق اختي شدي حيلك وخل نشوف حماااس