معاناتي انا كويتيه ومتزوجه خليجي

[جاليسا2007]

بنات انتوا خواتي
الله يعطيكم العافيه بدون تجريح لاني اللي فيني كافيني:eh_s(2):
ترددت مرات كثيره قبل الكتابه لاني لا أحب ان افرغ همي الا للذي خلقني
ولكن انا بشر وحبيت افضفض
انا كويتيه ومتزوجه خليجي وعايشه معه في بلده والحمد لله عايشه بكرم من الله ولكن من مده ثلاث سنوات
زوجي بدأت حالته الماديه تضعف شيئا فشيئا حتى وصلت الى ضيق العيش
وأجار شقتنا على الابواب ...وابنائي ومصاريفهم والمسؤوليات الماديه في ظل الحياه الصعبه
فحاول زوجي بكل مجهوده ان يدبر شغله ثانيه تساعده وانا ايضا اشتغل في صالون لصديقتي أضع مكياج بنسبه فلوس خمسين بالميه نصف لي ونصف للصاحبه المشغل
والحمد لله اني نجحت ولكن زبائني قليلين وشغله زوجي ربحها قليل لا يكفي مصاريفنا ذات الحاجه الشديده والاوليه ...مرات تدمع عيوني على نفسي ...الله يفرجها
بنات شوروا علي ماذا أفعل ؟؟؟؟
او دعوه من دعواتكم لاختكم
تسلمون لي

 

[عرباوية من قدي]

تعالو للكويت وخلي زوجج يشتغل عسكري لانها شغله معاشها قوي وقدمي على بيت وتوظفي بديرتج وظيفتج ناطرتج ومعاش الكويتيين عالي بدل هالبهذله والخليجي ترى يشتغل بالكويت بالحكومه والله يفرجها عليج

 

[منو انت]

عسى الله يفرجها عليج يارب


اذا زوجج يقدر يحصل نفس شغله بالكويت وبراتب اكثر ليش ماتستقرين معاه بالكويت بعد حالج حال شكثر كويتيات مستقرين مع ازواجهم بالديره وحياتهم حلوه

وانتي بعد تقدرين تشتغلين انتي بنت الديره احسن من الغريب

 

[جروح عيت تروح]

والله مادري شنو اقول لج بس ماحبيت اقراء بدون مادعي لج

الله يفرجهاا عليكم يارب ويتغير حالكم للاحسن

 

[* Snow White *]

تعالو الكويت عيشو فيها، واهوه راح ياخذ راتب زين بالكويت مثل باجي الخليجيين
وانتي راح تكونين موظفه كويتيه
ومنها تقدرون بعد تبنون بيت
وحاولو اتاجروون، تبنون بيت ابديرته او بالكويت او اي شي
المهم تاجرونه

 

[هوااااويه]

يا قلبي مثل ما قالوا الاخوات تعالي للكويت الوضع احسن لأن زوجج خليجي
والله يعينكم
وعليج بالاستغفار ​

 

[سكوتي بذوقي]

الله يفرجها عليكم يارب

 

[جاليسا2007]

يارب يقضي حوائج كل وحده واستني وردت علي بدعوه حلوه
خواتي الكويتيات...زوجي صعب يترك بلده ويعيش في الكويت ويترك اهله

 

[عاشقة ايبودي]

الله يفرج همكم هذا اللي بقوله اللهم امين ..
قلبو انتي منزله الموضوع صح تبين مشوره او حل ...
بعطيك حل وهو بأذن اللي ماتنام عينه مضمون بشرط تسوينه
قسم بالله لتشوفين خير عمرك ماحلمتي به ...
سهل مره ....
والله ورب الكعبه ويجعلني ما اتوفق ان كذبت انك ااذ سويتيه بتعيشين عيشة الملوك والله العضيم ...

شوفي جيبي صندوووق وحطيه عندكم انتي وزوجكــ .. اول ماتقومين الصبح حطي به فلوس منك انتي وزوجك وعيالك كلكم اللي تقدرون عليه عليه لو ريال لو نص ريال
يعني ارخص شي بعملتكم وكل صبح كذا لمدة معينه حدديها انتي وزوجك اذا خلصت هالمده مثلن اسبوع
طلعي اللي بالصنودق ووديه لعايله محتاجه ودي لهم هالفلووس او وديها لخيريه اذا تبين اظمن لج |..
ككررري هالحركه اكثر من مره وربي لتشوفين خير مرررره كثثيييييير وصدقيني بتدعين لي من قلللبج
\\\\\\\\\\\\\\\\\\\\وهو شي سهل يعني مو مره غالي وعادي لو المبلغ قللليييل /////////////
وبعد شي ثاني انا مجربته اذا شفتي شي حلو انتي وعيالك عوديهم يقولون ماشاء الله ونسأل الله من فضله بتأخذين مثله وأحسن
وعن تجربه والله من معلمتي تقول علمتي اولادي عليها وتقول جاهم احسن من اللي شافوه

والله يفرج همكم ويرزقكم الرزق المبارك والحلال ويبعد عنك الحرام
اللهم ارزقهم من رزقك رزقن دائم لايزووول اللهم امييييييييييييييييييين

 

[محتارة وبصيح]

شوفي انتوا حاولوا قدر ما تقدرون توفرون فلوس ووقفي حمل لين تحسن الظروف

 

[جاليسا2007]

الله يفرج همكم هذا اللي بقوله اللهم امين ..
قلبو انتي منزله الموضوع صح تبين مشوره او حل ...
بعطيك حل وهو بأذن اللي ماتنام عينه مضمون بشرط تسوينه
قسم بالله لتشوفين خير عمرك ماحلمتي به ...
سهل مره ....
والله ورب الكعبه ويجعلني ما اتوفق ان كذبت انك ااذ سويتيه بتعيشين عيشة الملوك والله العضيم ...

شوفي جيبي صندوووق وحطيه عندكم انتي وزوجكــ .. اول ماتقومين الصبح حطي به فلوس منك انتي وزوجك وعيالك كلكم اللي تقدرون عليه عليه لو ريال لو نص ريال
يعني ارخص شي بعملتكم وكل صبح كذا لمدة معينه حدديها انتي وزوجك اذا خلصت هالمده مثلن اسبوع
طلعي اللي بالصنودق ووديه لعايله محتاجه ودي لهم هالفلووس او وديها لخيريه اذا تبين اظمن لج |..
ككررري هالحركه اكثر من مره وربي لتشوفين خير مرررره كثثيييييير وصدقيني بتدعين لي من قلللبج
\\\\\\\\\\\\\\\\\\\\وهو شي سهل يعني مو مره غالي وعادي لو المبلغ قللليييل /////////////
وبعد شي ثاني انا مجربته اذا شفتي شي حلو انتي وعيالك عوديهم يقولون ماشاء الله ونسأل الله من فضله بتأخذين مثله وأحسن
وعن تجربه والله من معلمتي تقول علمتي اولادي عليها وتقول جاهم احسن من اللي شافوه

والله يفرج همكم ويرزقكم الرزق المبارك والحلال ويبعد عنك الحرام
اللهم ارزقهم من رزقك رزقن دائم لايزووول اللهم امييييييييييييييييييين

حبيبتي انشاء الله بسويها
الله يعطيج كل ما تتمنين وكل وحده ردت علي

 

[سفيره الكويت]

تعالي الكويت وخليه يشتغل شركه خاصه وانتي باحدى الوزارات وبس ؟!

 

[سفيره الكويت]

يارب يقضي حوائج كل وحده واستني وردت علي بدعوه حلوه
خواتي الكويتيات...زوجي صعب يترك بلده ويعيش في الكويت ويترك اهله

الغرب خلو بيوتهم واهلهم من اجل لقمه العيش الكويت ديره خير ولله الحمد يقدر يشتغل بشركه خاصه

براتب وقدره وانتي باحدى الوزارات او بشركه نفسه وبس حليتي مشكلتج

 

[جود المري]

أسأل الله الذي قال وقوله الحق ادعوني استجب لكم

أن يصب عليكم الخير صباً صباً وأن لا يجعل عيشكم كداً كداً وأن يرزقكم من حيث لا تحتسبون

..

حبيبتي أوصيك بالإستغفار الله الله بالإستغفار فما والله وقع بلا إلا بذنب ولا رفع إلا بتوبه والفقر لا شك أنه من البلاء فألزمي الاستغفار واوصي زوجك وأبنائك به وبإذن الله سترين العجب العجاب :


يقول من هو أرحم بك من أمك :

... ((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ
وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))..


وفقكم الله

 

[جوانا2011]

الحل ردي للكويت وقوليله
ديرتك الي رزقي فيها

 

[آطخمـُ عنزيـهِ]

الله يفرجها عليج

 

[فديت حلاتي]

الرجعه للكويت موحل !

مومعقوله الرجل بيترك اهله وبلدته وبيروح الكويت !

مالك غير الدعاء وماضاقت الا لتفرج و الله سبحانه هو مقسم الارزاق

ربك كريم بس انت كثري من الدعاء وقراءة سورة الواقعه ممتازه للرزق

 

[آميرة<<نفسسى]

الله يفرح كربتكم

وانا ضد انش تجين الكويت دامه مش كويتى

اكيد مراح يلاقى شغل ويترك ديرته

استغفرى وادعى الله ازمه وتمر ان شاء الله

 

[$حبيبة عبودي$]

صح كلام البنات حاولي فيه زززززني عليه
بطريقه تشجعه انه يجي اغريه بالماده والسكن
وان شاءالله يوافق ..

 

[مشآعل مطير]

الله يرزقك حبيبتي من حيث لآتحتسبين
آكثري من الآسستغفآر والله يفرج همك يآرب

..