معاناتي،،

[عسولته]

السلام عليكم بنات،،،عندي مشكله وابي افضفض انا اهلي زوجوني بالغصب وصارت مشاكل بيني وبين زووجي وحملت وجبت واستمرت المشاكل وطلبت الطلاق لاني تعبت ومابي اظلم غير بنتي معااي وطلقني وقعدت عند اهلي ولا راضين ارجع لوظيفتي ولا راضين اصدق اوراقي بالمحكمه عشان ابي معااش مطلقات بصرف على بنتي وابوها مايدز الا بالشهر خمسين دينار ولا تكفي وانا تعبت نفسيتي افكر شلون اصرف على بنتي،،ليش الاهل جذي احسهم ضد المطلقه؟؟

 

[ناتشوو]

ذكر الحقيقة ناقصة أسوأ من الكذب


اكيد في شغلات ماذكرتيها
الله يهدي بنات المسلمين
ليش تكونين بس معارضة لاهلج
قالو يمين رحت شمال
ليش ماتصيرين ع قلبهم

ياعزيزتي
برو آباءكم تبركم أبناءكم

ياليت تقرين ردي
وتتقين الله بالاهل

 

[Senora]

الله يهديج بس ... ترى الاهل عزوة وسند لج .... راجعي نفسج وحاسبيها وشوفي تصرفاتج علشان ما تخسرين كل شي

 

[كليـ دلعـ]

شقالت البنت!؟

تطلقت لانها مومرتاحه

واهلها رافضين توظف ورافضين معاش شؤون

هذا اللي وضح من الموضووع

من وين طلعتوو انها عاقه باهلهاا

وماذيتهم!؟

!؟

 

[خوخة سمسم]

شقالت البنت!؟

تطلقت لانها مومرتاحه

واهلها رافضين توظف ورافضين معاش شؤون

هذا اللي وضح من الموضووع

من وين طلعتوو انها عاقه باهلهاا

وماذيتهم!؟

!؟

معاج ...

يعني ابي اعرف من وين استنتجتوا ان الحقيقه ناقصة ولا تعلمون الغيب ..
وتدشون بذمم الناس وخلاص..

وينه العقوق فالموضوع ؟؟:gr4uu:

 

[خالتي قموش]

انا رديت اقرا الموضوع من الاول
ما شفت شي يستدعي الردود
من حقها تشتغل و تعتمد على روحها
هي ما سبت اهلها
هي تبي تصرف على بنتها
وما الومها
الحياة صارت غاليه
وزادت المتطلبات
و50 ما يكفون شخص
فماا بالكم 2

صج 50 ما يكفون
رصيد و اكل ولا شرب
طلعات
تسوق
شوفو انتم عاد احتياجات المره
من حقها تتوظف
والشغل ماله دخل بعقوق الوالدين
وترا اهلها مو دايمين لها
الله يطول بعمرهم

 

[ليه الجفآ]

الله يهديهم

ويصلح حالج يارب

كلمي امج تقربي منها ..

او اختج الكبيره .. او ابووج ..

اي احد قريب منج ..

وضحي له اللي انتي حاسه فيه وبخاطرج وكل شي ..

هذول اهلج ولازم تدخلينهم وتحسسينهم بوضعج ..

واكيد راح يفهمونج ويساعدونج ..



..​

 

[لوفيه]

انتي امشي بأوراقج حبيبتي

طالبي بحقوق بنتج
٥٠ دينار شتسوي فيها ؟

بس مو معقوله محد بعايلتج يقدر يساعدج

لازم في واحد الله هاديه ..

مووفقه

 

[zgrtya]

امممممم

ما عليه حبيبتي تصبري هالجم شهر على ما يفهمون وضعج و يتأقلمون معاج و مع بنيتج ..

انا اقولج .. إذا رفضوا يروحون معاج و يراكضون ؟؟ لان مالهم شغل فيج او بالكويتي مالهم خلقج !!

حطيلج محامي زين ياخذ حقج من طليقج .. و حق بنيتج بعد !!

ما فيها شي ترى !!

طلبي نفقه لج و لبنتج )

و شوي شوي بيفجون عنج و اشتغلي

 

[قاهره عذالي]

الله يساعدج ويكون بعونج
يمكن اهلج للحين مصدومين من وضع الطلاق وبنتهم جايتهم مطلقه ومعاها بنت
فمثل ما قالت وحده من البنات انتي روحي وراجعي باوراقج

 

[صمت المرافئ]

ما عندي لج رد غير الصبر
ترى بعض الأهل يسوون جذي عقاب لبنتهم لأنها تطلقت
صبري جم شهر تبرد السالفة
ولما يشوفون طليقج ما يصرف عليج وعلى بنته
واهم راح يصرفون
تلقائيا راح تتعدل الأوضاع بإذن الله
ويخلونج تشتغلين علشان يرتاحون من المصرف
الله يكون بعونج ...
أوصيج بالصبر والصلاة والدعاء
عسى الله يفرج لج
​

 

[الجوهرا]

كلمي امج او ابوج وفهميه الوضع
او يمكن يبونج تعرفين قيمة زوجج
بس فهميهم ان ال50ماتكفي كلش

 

[&&&&&&&&]

حاولي فيهم قلبي والأهل ما يرضون على بنتهم الغلط

قولي ما تكفيني انا وبنتي الخمسين دينار

الله يكون بعونك ​

 

[!الجادل الصعب!]

اتوقع عندهم امل يردج عشان جذي مايبون يصدقون الاوراق
بالمحكمه ..
وعما بعينه والله معاش الحكومه لبنته ٧٥ ويادوووب .. منقصه بعد !!
في حالة انهم مانعينج تطلعين وهذا الي اتوقعه لان بعد مانعين الوظيفه
مالج الا تحايلينهم .. لاتعاندينهم لان انتي حاليا تحت رحمتهم وادعي لهم بالهدايه
وان ربي يفرجهآ عليج ..
في حالة بس مايبون يوقفون معآج .. اردا محامي يخلص اوراقج ويسحبه بالمحاكم ويطلع
حقوقكم من عينه ..! *

 

[انثى عاشقة]

الله يفرج همك ويعينك
انتي استغفري واكثري من الدعاء
قعدي مع احد عاقل من اهلك وكلميه بهدوء
من حقك تتطلقين اذا انتي مو مرتاحة
ومن حقك تعيشين حياتك بكرامة بعد الطلاق
​