معاملة خواتي لي ولبنتي تعبت من كل شي حولي حتي اهلي

[لوف لايف]

بنات انا عندي بنت واختي الاكبر مني عندها 3 بنتين وولد
خواتي كلهم يثموتون علي عيالها مع انهم غثيثين ويمشون ويطقون خواتي ويسبون
بس هم مدلعينهم حيل ويشترون لهم الهدايا وكل شي
وانا بنتي دمها خفيف الكل يقول عنها هالشي
اهلي يكرهونها تخيلوا خواتي الثنتين يوكلون عيال احتي الكبيره
ولما تشوفوهم بنتي تقرب تبي تاكل معاهم يصرخون عليها وينادون الخدامه عشان توكلها
بنتي صارت تكرهم لان معاملتهم لها قاسيه

انا اشوف وانقهر جدام عين بنتي يعطونهم ويشترون لهم ولايعطون بنتي
مع اني اختهم

مره كنت عندهم تعبانه حراره وانفونلزا قمت الظهر بشوف بنتي وينها لقيتهم يلاعبون ولد اختي
وقلت لهم وين بنتي قالوا ماندري طلعت مثل المينونه ادور عليها اخر شي طلعت مع الخدم بغرفتهم

مرات احسهم مو خواتي قبل كانت معاملتهم لي انا بالذات قاسيه بس ماكان يهمني
الحين مع بنتي اموت من القهر صرت مازورهم الا بالاسبوعين مره

حتي زوجي قام يحس بس مابي ابين له ان اهلي متضايقين مني

تكفون ابي حل وياهم ولما اواجهم يضحكون علي ويقولون انتي معقده والحين بتعقدين بنتج

 

[M!ssq89]

وي والله انا حاسه فيچ حاولي تعرفين شسبب

ليش يكرهوونها

حرام بنتج لا تتعقد والله قلبي عليها عوضيها باي شي

واي صج ريلج لا تبينيله انج متضايقه من اهلج

حاولي تقولين اي شي انج تبين تكونين معاه اكثر

واهم شي بنتج والله

عورتي قلبي

 

[كويتيه برونزيه]

الله يهدي قلبهم

يعني هذي طفله شنو ذنبها وترا تحس

مالج الا حل واحد حاولي لما تروحين لاتاخذينها معاج سلمي وقعدي وردي بيت
ولما تردين البيت شتري هدايا وقوليلها هذي من خالتج فلانه وخالتج فلانه

على شان يحسون فيها ويشتاقون لها

والله يعينج يا قلبي ما في احد مرتاح

 

[هنووفوو]

لااااا حراااام
اوك اذا يقسون عليج انتي كبيره وفاهمه يعني ماتشيلين عليهم
بس بنتج اذا كرهتهم من الحين الكره يكبر معاها
مسكيينه عورت قلبي
لازم تشوفين شالسالفه كلميهم

 

[ستانلي]

صحيح الدنيا مافيها احد مرتاح المفروض يشيلونج فوق عيونهم انتي وبنتج

 

[كيوي كويتي]

ماعليه حبيبتي شتسوين اذا اهما كانوا قاسين معاج
اكيد بيقسون على بنتج وبيعاملونها نفس الطريقة
انا انصحج ماتتأخرين عن زوارتج لهم يعني روحي بس لاتنامين
وروحي متأخر عالساعه 7 وقعدي ل 10 وطلعي
وادري انها صعبه بس حاولي تييبين لهم هدايا باسم بنتج عشان يحسون شوي على دمهم
وبعدين بنتج طول ماانتي عندهم خليها يمج وضحكي وسولفي معاها
عشان تحس باهتمامج ماتشوفهم مهتمين فيهم واهي واعليا بروحها مع الخدامة
وحتى لمن يوكلون اليهال روحي قعدي عندهم ووكلي بنتج معاهم

 

[l0ooo0ly]

الله يهديهم
طيب حاولي تكسبينهم بأي شي
مثلا جيبي لهم أي شي وانتي رايحة لهم مثل هدية بسيطة وحطي كارد واكتبي فيه من كلام حلو واخر شي اسم بنتك وخلي بنتك هي الي تعطيهم او توزع عليهم

واذا دخلتي عليهم خلي بنتك تسلم عليهم وتبوس روسهم اذا هم كبار وقولي لهم ببدا اعودها من ألحين تحترم خالاتها وحسسيهم انهم لهم الأولوية بحياتك

حتى بنتك حببيها بخواتك وانتبهي تقطعينهم من بعض كلش ولا قطع صلة الرحم حتى لو استمرو بمعاملتهم السيئة ترى انتي الي على حق وهم الغلط

علميها تضمهم وتقولهم كلمة حلوة مثلا احبك ياخالتي ... ألخ

مدري انا قلت لك الفكرة العامة وانتي واسلوبك معاهم

بس ترى بالحسنى تأكدي انك راح تكسبينهم 100% طال الزمن والا قصر

 

[لوف لايف]

ينات انا بنتي طبعها حلو وتضحك للكل ووتضمهم بس اهم كسروا فيها

الله يهديهم والله

 

[درة أهل الطولات]

الله يهديهم

 

[NaYoob]

ميخالف حبيبتي خلج العاقل بينهم ويعني مهما يسوون انتوا أهل والظفر ما يطلع من اللحم

طوفي لهم وحاولي تسوين اي شي تكسبينهم مثلاً سوي عزيمه لهم وحق اليهال ولعبي عيالهم

مع بنتج مسابقات وهدايه حاولي تتقربين من خواتج يعني مثلاً دقي على خواتج وقوليلهم انا عازمتكم

برا ويبوا عيالكم معاكم يعني هل سوالف يمكن الله يهديهم بس لا تقطعين الزواره وهذه صلت رحم لازم تروحين

حتى لو ماكنتي حابه بس هذولي اهلج حبيبتي ومثل ما قتلج حلج انتي العاقله واهم اكيد رح ايي يون ويتفشلون

على عمرهم باللي قاعدين يسوونه في بنتج وفيج وحاولي انج تحببين بنت بخالتها تقوليلها كلام حلو عندهم عشان

بنتج تحبهم مو ما تحبهم يعني جذي والله يخليلج بنتج ويحفظها لج ولريلج والله إن شاء الله يهدي خواتج

 

[Ms Mera]

خلي علاقتج فيهم سطحيه حرام لاتقعدين بنتج معاهم خير شر بتصير شخصيتها مهزوزه وما عندها ثقه بنفسها
احنا فيتنا اختي نفسج وايد تسكت والكل يزف عيالها مساكين يكسرون خاطري واهي عادي عندها اما اختي الثانيه
الي يقول لعيالها كلمه تقول قيامتهم وما تقعدها والكل يدلع عيالها مع انه عيالها ثقيلين دم وما ينبلعوووون ههه
الناس صارو نفس الحيوانات الي بالغابه القوى ياكل الضعيف والبقاااء للاقوى << تشبيه بليغ

 

[((البرنسيسا))]

حبيبتي جبيبي هدايا لليهال وخلي بنتك توزعهم

او حتى توزع حلو عليهم ترى الحلا له مفعول عجيب عند اليهال

وإن شاء الله تنحل مشكلتك

والله يقربكم من بعض ويصلح بينكم​

 

[امل وكلي آمآل]

بنتك كانها انا يوم كنت صغيره الحين ماواطن طاريهم مااشوفهم الا بالعيد سلام لله وبالله بس عشان مااصير قاطعه رحم والحين الدور على بناتي مايبون يروحون لاهلي واذا غصبتهم قعدو يصيحون بس اتعذر لامي اي شئ -

 

[♥ SWeeRa ♥]

مادري شقول
بس شنو السبب اللي خلاهم يقسووون عليج من قبل الزوااج

 

[malte]

بينيلهم أنج ماترضين عليها
وحسسيهم أن غلاتها من غلاتج
أنا خالتي عندها ولد وحيدها مسيكينه بس خوالي ما يواطنونه بعيشة الله كله يتطنزون عليه بالمجالس ويدقرونه وروح ييب وروح هات
وليما الحين الولد عمره 19 سنه وأهم نفس المعامله وامي تقول المحبه من الله ياما كلمناهم بس ماكو فايده
أنتي لاتسمحين حق أحد يغلط عليها وأهم بكيفهم مو لازم يلملمونها أنتي لميها

 

[جوانا2011]

طولي بالك ولا يهمك لاتقطعينهم ونفس الوقت لاتكثرين الزيارات وخليها مده قصيره وحاولى وقت زيارتك لهم بنتك تكون يمك وتلاحظينها ..والله يوفقك يارب

 

[xprincessx]

انتي لا تواجهينهم بهالطريقة
يعني اذا بنتج راحت عند خالتها و زفتها و نادت الخدم يوكلونها
قطي كلمة على اختج شدعوه ! وكليها تحبج راحت لج ، جذي يعني
لمن يستفزج شي علقي عليه بنفس اللحظة على ضحك
لا تشيلين بقلبج و تفاتحينهم بالموضوع بعدين

 

[nono93]

حبيبتي ماكو الا تقطين نغزاااااااااااااااااااااااات

قولي بضحك سالفتج








والله يهديهممممممممممممم

 

[كتكات احمر]

الصراحة القسوة اتيي من حريم الاخوان
يعني خالتها ولا عمتها ماتحب بنتج من معاملة حريم الاخوان
انا جذي عندي بنت اخوي ما احبها لان اصلا امها قاطعتنا بالمرة لا سلام ولا كلام
ولا تذكر احد ولا تسال عن امي بس اللهم مسكوا عيالي وانتوا بالطقاق لا مجاملات ولا حب
ومو معلمة بناتها على السلام اول ما يدشون ولا الكلام الحلو والضم والتقبيل
اشنبي فيها بالطقاقحق اخوي خذا طبعها الخايس
بالطقاق حبوني ولا ما حبوني عصبن عليهم انا خالة وعمة مالهم مفر هههههههههههههه
ترا على المعاملة والمجاملة والحب الصجي

 

[كتكوته ورديه]

حاسه نفس حالي