معاق .؟ وشنو يعني ليش نظرة البشر جذي ؟

[a7ebah]

السسسلام عليكم


شلونكم بنوتات

بعرف العالم ليش عقولها صغيره ؟
ليش العالم صارو ما يحسون بغيرهم :eh_s(2):

يعني حريم كبار او رياييل
اليهال ما نشره عليهم
الشرهه عالاهل اللي ما يعرفون يربون

ادري مو فاهمين الموضوع
بس ليش الحين اذا الناس شافت شخص معاق يضحكون عليه ؟
ويقعدون يقطون نغزات وضحك بصوت عالي
ليش اهو مو بشر حاله حالهم

انا عندي اخو فيه اعاقه
اهو ماشاء الله عليه متزوج والله يحفظه لنا :yaaaaaarb:
وزوجته مافيها اي اعاقه والله يحفظها يارب

بس يكره يطلع معانا او مع زوجته والسبب نظرة الناس
وكلامهم له
واحنا نشوف بعيوننا ونسمع كلامهم
بعرف لهالدرجه البشر ما يحسون بغيرهم
اذا انتو الله عطاكم النعمه
ليش تضحكون عالعالم

ابي رايكم بهالفئه اللي ما تستحي صراحة ؟
والله انا لأني مقهوره كتبت الموضوع

 

[أحلى البشر]

معقوووله اكو ناس تضحك عالمعاق ؟ ليش شنو فيه يضحك ؟ اللي يضحك انسان سخيف وتافه او مريض نفسي
حبيبتي لايتضايق اخوج اكثر الناس ابتلاء الانبياء واجره عند ربي كبير ولايهمونه ناس مرضى

 

[a7ebah]

معقوووله اكو ناس تضحك عالمعاق ؟ ليش شنو فيه يضحك ؟ اللي يضحك انسان سخيف وتافه او مريض نفسي
حبيبتي لايتضايق اخوج اكثر الناس ابتلاء الانبياء واجره عند ربي كبير ولايهمونه ناس مرضى

والله ياكثرهم هالناس

حتى امس بالسوق يمكن ما كملنا نص ساعه
و3 حريم كبار موقفين ويضحكون

اي والله صج ناس مرضى

بس ما نقدر نقوله مالك خص فيهم
ما نحب نحسسه بهالشي

الله ياخذ حقه من هالبشر

 

[سكوتي بذوقي]

المعاق ماله رب يعني

ليش الناس يضحكون

المعاق حاله من حال البشر ويمكن يكون أفضل من البعض بشغلات

ربي يحرمه من شغله ويعوضه بشي ثاني سبحان الله

واللي يضحك مسيره يبتلي

المعاق مافيه شي بشر حاله من حالنا

اختي لاتزعلين وحسبي الله على اللي يضحكون

بياخذون جزاهم من الله

موفقه يارب

 

[a7ebah]

المعاق ماله رب يعني

ليش الناس يضحكون

المعاق حاله من حال البشر ويمكن يكون أفضل من البعض بشغلات

ربي يحرمه من شغله ويعوضه بشي ثاني سبحان الله

واللي يضحك مسيره يبتلي

المعاق مافيه شي بشر حاله من حالنا

اختي لاتزعلين وحسبي الله على اللي يضحكون

بياخذون جزاهم من الله

موفقه يارب

والله ادري الناس اللي يضحكون ما عندهم عقل

بس شنسوي شلون نعدلهم

الله ياخذ حقه منهم :eh_s(2):

 

[MayOumii~]

الي يضحك عالمعآق بيي له يووم يعرف ان الي يضحك عليه احسن منه
وشدرآج ترى الله يمهل ولا يهمل...يمكن يبليه بعيآله
وانتي اكيد تعرفين الضنى غآلي حيييل .. انا مآشوف فيهآ شي
انا فيني عيب وفي نآس يسمونه اعاآقة
الا واهيا ضعف النظر الشدييييييد .. يعني لو احد وآقف على بعد مترين مآ اميز ملآمح ويهه ))=
والحمدلله على كل حآل...صج سآعآت اسمع طنآزة ويمكن امي وابوي لمن يعصبون يقطوون علي كلآم شكبره
وانا ابجي بروحي
مرآت يآثر مرآت لا بس شي يحز بالخآطر اذا احد عآيرني بشي مو بيدي ))=

واذا على سآلفة شلون توقفينهم عن حدهم..خيقولهم
الله خلقني جذي والله اذا حب عبد ابتلآه..
وانا رآضي بحآلي والحمدلله على كل حآل
غيري الي مآ يتحرك وغيري الي مآيشوف انا احسن من غيري والحمدلله

 

[g76aniya]

مايبتلى الا المومن ..
وربي اختار اخوج بالاعاقه لانه انسان مومن
وعسي ربي يشافيه وياجره

انا طول عمري لما اشوف معاق مااحس شنو يعاني بس ادعي له بقلبي الله يشافيه ويعافيه

بس قبل سنة تقريبا بس حسيت
كنت رايحه الترفيهيه مع قروب اهلي
ويدتي الله يطول بعمرها اذا مشت واايد تتعب
فاخذنا لها ويل جير من ادارة الترفيهيه
المهم عند وحده من الالعاب يدتي قامت من الكرسي جان اقعد مكانها
والله اني انصدمت من نظرة الناس لي
شي غرييييب
حسيييت اني من كوكب ثاااني
نظرة استغراب وعطف وشي ماينوصف
كرهت وضعي على طول قمت
في ناااس بهالزمن عقلها اصغر من الصغير
واتفه من التافهه
اذا شافت معااق
عبالها شايفه فضائي

الله يآجر كل معاق ويشافيه ويعافيه ويرزقه من اوسع ابوابه[/font]

 

[@ كويتيه @]

حبيبتي استغفرا الله ودج الله يبلي اللي يضحك على المعاقين ويخلي الناس تضحك عليه عشان يحس بأحساس اللي كان يضحك عليه بالاول استغفرا الله

الله المستعان خيتوو

 

[مسك حياتي]

الله يهديهم ان شاء الله ...

المفروض يحمدون ربهم عالعافيه مو يضحكون على غيرهم ...

صراحه شي يزعل مسلمين جذي نظرتهم حق المعاق شخلينا حق اللي ماعندهم دين ...

المعاق قبل كل شي انسان الواجب احترام انسانيته و مشاعره ...

و اصلا المعاق معاق بعقله مو بجسده ...


شكثر من ذوي الاحتياجات الخاصه سووا انجازات الاصحاء ما سووا ربعها ...

لانه هالشي يرجع حق استخدام الانسان لعقله قبل جسده ...

الله يهديهم و يفتح بصيرتهم و يكونون اعقل و يغيرون نظرتهم ...

يعطيج العافيه ...

 

[7lawah]

آستغفر آلله آلعظيم ،
يضحكون ع شنو بآلضبط ؟ ليش مآ يدرون إن هذي خلقة ربي .. و إن آلله م يبتلي إلآ آلمؤمن ‘
و صدقيني آلفئة هذي ، مآ هم إلآ مرضى نفسيين .. مو عبط أو خبآل أو حقآرة ، مرضى نفسيين .. آلله يشآفيهم إن شآء آلله . . . .
و عسى آلله يوفق أخوج و يهدي خلق آلله / ..


,

 

[منو انت]

استغفرالله العلي العظيم هذول ناس ناقصه والله

 

[أغلى أمنياته]

ثقي بالله مافي احد يعيب الا يبتلي::
امي تقول سالفه وحده رايحه الجمعيه جان يجيها واحد بيشل الاغراااض عنها وما يتكلم اطرم وقامت تعيب عليه//
وتضحك ،،
والله يابنات عندها سبع من عيالها طرماان:
ا
الحمدلله على كل نعمه​