معاشات الصيف

[ريانا]

شلونكم ابلات حلوات وعسولات
يمكن الموضوع بدري عليه بس لان المشكله عندي ازليه فابي رايكم وحلولكم

شلون طريقتج بتقسم معاش الصيف؟؟؟؟؟؟؟:bbbiu:
انا بصراحه كل سنه اغلط نفس الغلط من ينزلون مره وحده يبتدي الصرف واذا سفر بعد اكثر ايي شهر 8 عالعيد ماكو شي:eh_s(16):
واهو اهم شهر لان يصدف العيد وتعرفون تحضيراته
اشوه انهم يخصمون دايركت القسط ولا بصير مطلوبه

قوليلي انتي شلون طريقتج الي منها توفرين وتقسمين راتبج على اشهر الصيف بذكاء؟؟؟

ناطره ردودكم الحلوه :yaaaaaarb:

 

[asma]

عليكم بالعافيه بس عن الحسبه لاتقل بركتهم ترى ناس شكثر حاطها عينها عليكم

ماوقف كوادركم غير عيون الناس

 

[ريانا]

الله يجزاج خير

بس بنات انا موقصدي نحط ارقام انا اقصد طريقتكم في تقسيم المبلغ يعني مره سمعت ان ممكن تبلغين الماليه ينزلونه كل شهر هل هالكلام صحيح؟

 

[ريانا]

شدعوه ابلات بس انا عندي هالمشكله ؟؟؟

 

[غلاى الغويليه]

مادرى انا طالبه
بس ماينزلكم معاشات بالعطله ؟؟


غريبه . ان شاء لله احد يفيدج ويرد عليج

 

[FJ style]

حبيبتي تقدرين تطلبين من البنك ينزل لج كل معاش بشهره

انا طريقتي اول ما ينزلون اشيل الالتزامات مالت ال ٤ اشهر

مثلا التزامات البيت والمصلريف اللي انا عادة ادفعها
وبعدين اشيل مبلغ معين اللي حق العيد واشيل شي حق رمضان ومصاريفه

وعقب اخشهم بجنطة خاصة (سامسونايت)

واتمتع بباجي المعاش

 

[ريانا]

مشكوره حبيبتي على رايج

يله ابلات نبي تجاربكم ليش ماكو تفاعل

 

[أميرة طفولتي]

مثل ماقالت الاخت الي قبلي

اول شي لازم تشيلين كل الالتزامات الي عليج
مثلا لو كان عندج قسط حق شي معين تشيلين القسط حق ال4 شهور
لو مكالمات مثلا هم تشيلين حق ال 4شهور وقيسي على باقي الاشياء...

من اول ما تنزل المعاشات اشيل المبلغ الي ابيه حق مصاريف رمضان
والقرقيعان وتجهيز بدل العيد طبعا انا عارفه شكثر احتاج
وكل مره احط زايد وما احط حده حده عشان يكفيني
تدرين بعد سوالف المعارض ما معارض ماتخلص ماشالله

واذا كنت حاطه فبالي سفره هم احط مبلغ على جنب

والباجي عاااااااااااااااد مطاعم وبلعه
ههههههههههههههه


هذي الطريقه الصحيحه انج تقسمين شغلج وكل
مبلغ بروحه احسن ماينزل المعاش كامل وكل
مره تروحين تسحبين وتسحبين ماتحسين بعمرج
الا وانتي قاعده عالحديده

 

[( المـلاك )]

انا تعيين يديد
و عن نفسي مفكرة اسوي هالطريقة

اسحب المعاش من البنك كله
و اسويلي 3 اظرف
كل ظرف احط فيه معاش

و اصرف كل معاش بشهره بروحه
لا جنه نازلي معاش طقه وحده ولا شي

اخلي الوضع طبيعي مثل ما اهوه

 

[MISS SMAIL]

متى تنزل معاشات الصيف ...<<< حيل مستعجله
لاني تعيين جديد وابي اعرف

 

[بنات حواء2]

رايي من راي الملاك
3 اظرف تخشين فيهم معاش كل شهر
و بس

 

[مشتطـه]

واي شوقتوني انا توني متخرجة وانطر الديوان عشان اقدّم

 

[donat]

انا السنه مفكرة اسوي هالطريقة
انا عندي حساب حصادي في الاهلي المتحد و تدرين هذا الحساب عليه سحوبات يومية و شهرية و ربع سنويه
راح احول رصيد الصيف كله على هالحساب و بخلي معاش شهر بس في حساب الراتب و كل شهر راح احول
بس معاش شهر يعني 25 من كل شهر راح يكون بحسابي مبلغ كثر معاشي الشهري بس

بجذيه انا قصيت على روحي ان معاشي قاعد ينزل شهر بشهره و ثاني شي استفدت من المدة اللي بتقعد فيها الفلوس
بحساب حصادي لان السحب يومي و اسبوعي ....

اتمنى اكون عطيتج فكره يديده

 

[ريانا]

روعه جد افكاركم تهبل

اعجبتني فكره الاظرف بس احسها خطره يبيلها خوش تجوري 
واني اشيل الالتزامات فكره ممتازه وحلوه
وهم فكره التحويل بس هذي ممكن تخليني اسحب بدون ماحس
ممكن احط ظرف واكتب عليه الالتزامات من بره واكتب فيه كل مبلغ وحق التزامه واحطهم بهالظرف
مثلا ظرف اكتب فيه مكالماتي واحط مبلغ وظرف العيد ومبلغه مثال جذي هم فكره

 

[ريانا]

اب اب

 

[طالبة1990]

احس الاظرف مو عملية ومو أمان

ماحب اخلي كاش بالبيت

الأحسن كل شهر تسحبين مصاريفج والتزاماتج


يعني شهر ٥ تسحبين مثلا ٦٠٠ وتخلينها بالبيت لمصاريفج وفواتيرج واقساطج لشهر ٥

والشهر اللي عقبه نفس الشي مع تاريخ المعاشات تسحبين التزاماتج لهالشهر


طبها مو شرط نفس المبلغ كل شهر

لازم نحط بعين الاعتبار ان ورانا صيف وناس تسافر وعندنا رمضان وقرقيعان وبعده العيد

ولاتنسون بعده الهم الاكبر العودة الى المدارس



يعني حاولوا مصروف شعر ٥ و ٦ يكون اقل شي وتوفرون قد ماتقدرون


بس تدرون وين المشكلة

ان الكلام سهل جداا والتطبيق مستحيل جداا


<<< ليش التحبيط

 

[حسن الخاتمة]

عليناوعليكم ان شاء الله بالعافيه نصيحتي فتحي حساب ثاني بنفس بنكك ولاتخخذين عليه بطاقه وبلغي البنك كل آخرشهرينزل معشك منهل حساب لماحسابك الي متعوده تصرفين منه وتقدرين انتي بعد تحولين بالنت اناحسابي علي بيت التمويل وهذه احسن طريقه

 

[ام حنااين]

تو التاس على راتب الصيف شذكركم فيه

اللي سالت عن الموعد تنزل رواتب الصيف نهاية شهر 5

اذكر الصيف اللي طاف وحدة من بنات المنتدى حطت طريقة بس ماعرف اضيف رابط

قالت الفكرة اظرف تحطين في واحد مصاريف العيد والثاني العودة للمدارس والثالث رواتب الخادمة يعني تقريبا فكرتها بهالطريقة حسب التزاماتج

وتعيشين حياتج بالباقي

تصرفونه بالعافية مقدما

 

[ريانا]

حبايبي مشكورين على ردودكم استفدت وايد والله
بالنسبه لحساب ثاني قصدج يعني احول عليه مبلغ الالتزامات او الصرف يعني؟؟؟؟
ام حناين نورتي الموضوع بس صدقيني مابقا شي ونصير بشهر خمسه احنا اليوم بشهر ٢ 
ان شاءالله يارب نصرفه بالحلال وعسى ربي يكتبلنا فيه الخير وبنات لاتنسون الصدقه

 

[Om_RaYomaH]

اسحب اللي احتاجه واخليه بظرف
والباقي بالحساب
والكرت عند الوالده
لاني اعرف نفسي ايدي تحكني