مطوع ..ملتحي ..ثوبه قصير .....

[لألىء منثورة]

السلام عليكـــــــــــم

جديدة بالتسجيل

قديمة بالمتابعة
...........

بدخل على طول في الموضوع..

هذا الله يسلمكم أخوي ملتزم ما عليه كلام

وامي دايم تسولف عنه يوم كان صغير وتقول كان يحب يحفظ القران ويحضر حلقات التحفيظ والتجويد
وسجل بنفسه في الحلقات...:yaaaaaarb: وتدعيله دوم الله يوفقه

المهم مرت السنين وكبرنا وبعد ماخلص ثانوي جلس بالبيت

لين قبلته اكثر من جامعه

عكس اخواني الباقي(ماشالله ماراح اقول كم اخواني بس ماعندهم الاانا بنت واختي)

كلهم ماشي حالهم بدراسه بس ماصار لهم مثل حظه


امي كل يوم والثاني ماعندي احد راح جامعه عدله وعيال خالاتكم

ماشالله عليهم دكتور ...ومدرس ..و..و

قرر اخوي يسافر يدرس مع انه كان ضد بس قال لأمي لخاطر عيون الوالده

وراح ....هذا الكلام قبل 4 سنيين وشوي

بينا وبينه مكالمات بس

جاتني عيال ماشافهم

اختي تزوجت وجابت ...واخواني الأولاد 2 تزوجوا

اشياء واجد تغيرت.....


وقبل رمضان بيوم جا اخوي

امي من الفــــــــ:eh_s(11):ـــــــرحة بكت وانا بعد



تتوقعون واحد جاي من غربه كـــــــــــيف بيكون....


كيف شكــــــــــــله
.
.
.
رجع ملتحي لحيته طويلة وثوبه قصير
.

.
الكل استغرب شكله في البداية


متغيييييييييييييير 90/100

نجي لصلب الموضوع
اخوي هو اصلآ ملتزم من قبل وراح توه صغير لحيته لسى وحنا اخوي الكبير امام مسجد
بس لحيته موطويله عاديه

ماتغير في اخلاقه ...مزحه ...حبوب فديته مثل ماهو
بس احس وجه نوراني اكثر يوم اخذ اسبوع تعودنا على شكله الجديد

حتى لحيته حبيتها

هناك يقول ياخذ دروسه ويرجع ويسوي بعض النشاطات الدينيه
هو وربعه المطاوعه
حتى بريطاني معاهم حبهم واسلم وصار زيهم


مالنا بطويلة بس لازم اقول اشوية تفاصيل :080402ask_prv:ما اقدر امسك لساني

اخوي باقي له بيرجع يسافر ثانية
بس يبقى يتزوج وحنا قلنا مايصير يروح بدون زواج

الصدمه

خطبنا له اكثر من وحده وكل وحده ترفض لأنه
(مطوع)


المطوع ماله رب ...صايم مصلي مزكي مايبصبص
يخاف من ربه بيراعي هله

غير كذا مو مثل حلاتنا كل يوم وثاني مشكليين في عمرنا نبقي نملي عيونهم بس

ونقرب شوي من هالبلاوي الي يطالعون

وكل يوم والثاني متشكيين منهم


لايكون مفكرين المطوع مايقول كلام رومنسي

بالعكس كل السنع عنده كلامه درر

مو مثل النسخ واللصق الي يقولن لنا
لأن من قلب مايعرف يكذب لحب حب

وحتى لو ماحب هالحرمه يضل يراعيها يخاف الله فيها


اخوي الكبير وهو امام مسجد لمرضت زوجته او حملت يقوم هو بنفسه بها

يسوي فطور عياله الصبح قبل يروحون المدرسة

هذا بعد احن منه

اذكر قبل 15 سنة يوم خطبنا لأخوي الكبير طاروا من الوناسة فيه

الكل يبقيه

شنو تغيير مخ البنات تبرمج على روايات ...مجسم ...وسكسوكه
ومزيون ...ومن هالخرابيط

او مسلسلات تركيه كلها دموع وخيانة و...و

اخوي مايطالع التلفزيون يقراء واجد

نادرآ نشوفه يجلس يطالع له برنامج

قلت له انا موكل التلفزيون موزين فيه وفيه

يقول مااحب اشغل عقلي ونفسي فيه اشياء تتبرمج بعقولنا مع الأيام

نشوف الشيء الي كنا نعيبه عادي

وفعلآ هذا الي صار

عندي كلام واجد وتعليقات بس طولت عليكم

س:لوجاك مطوع بتوافقيين

واذا رفضتي ليه



ودعواتكم الليلة متقدميين لبنت اهلها ملتزميين
انشالله يوافقوون


وسلامتكم
​

 

[Hello_kitty]

الله يوفقه ويجمعه مع بنت الحلال الطيبه اللي تسعده ويسعدها

بالعكس انه اشوف بهالوقت البنات يتمنون واحد ملتزم يخاف ربه

بس يمكن اذا مطوع يتخوفون ان وايد حكر وممنوعات او ان اكثر المطاوعه معددين وماخذين على حريمهم

صدقيني مدام اخوج بهالصفات ونيته طيبه الله كاتبله وحده احسن من كل اللي تقدم لهم وبيلقى كل خير

ان شا الله

 

[Model Look]

انا بالعكس واايد احب المطوع اللي يخااف الله معني انا حدي فري ومن النوع اللي احنا عندنا البنت تسافر بروحها عاادي

وسبحان الله احس المطاوعه طيبين ويخافون الله وانا مستعده كنت البس عباه اذا تقدملي مطوع وشرط

بس قدري اتزوج زوجي واهو نفسنا فري بس مايصلي معنه حيل طيب واخلاق (يصلي بس مقطع ولازم اقول)

والله يهديه ان شالله

والله يوفق اخوج ان شالله ويلقى بنت الحلال اللي تقدره وتحبه

 

[Mrs_Orchidia]

لوول ماشاءالله
الله يثبته ان شاءالله و يكتب له كل خير

اسمحيلي حبيبتي .. بتخطبون .. خطبوله وحدة نفسه على مايته .. مو وحدة عاديه تخطبون لها واحد ملتزم و لحية
ماراح يتآلفون
و حتى الشباب اللي مو ملتحين و دشاديشهم طويلة .. هم خيرين و صالحين


العيب مو من الناس و لا من اخوج .. العيب منكم ما تخطبون له بنت نفسه
يعني هالايام البنات يبين عليهم
الملتزمة و الدينة واضح عليها مثل الشمس
و الفري و العادية يبين عليها
فاختصروا على نفسكم وقت و احراج و نقوا له بنت من نوعيته ترضى فيه

و الله يتمم على خير ان شاءالله

 

[جولينار]

انا تزوجت وخلاص



بس فعلا النظرة للمطوع سطحية جدا



ونصيحتي لاتخطبون له بنت عادية


دورو الملتزمة هي اللي تتمنى مطوع

 

[pusy cat]

الطيبون للطيبات والخبيثون للخبيثات

دوروله وحده ملتزمه تستاهله

في بنات يخافون من المطوع مايدرون ان المطوع يخاف الله فيها اكثر من غيره

يعني لو تقوله رفقا بالقوارير يستوعب هالكلمه مو مثل غيره يعاملها جنها واحد من الربع واذا قلتيله رفقا بالقوارير تطنز عليج مع ان هذا كلام الرسول عليه الصلاة والسلام

 

[honey 2010]

حبيبتي كوني واثقه ان نصيب اخوووووج لسه ما ياااااه والله يكتبله اللي فيه الخير بس دوروا وحده تكون ملتزمه افضلل

 

[فلنتينو]

ماعندهم سالفه اللي ترفض مطوع؟؟

 

[إباء الروح]

كلامك صحيح
عندي واحد من خواني مو مطووع بس ملتزم ..يعني يبي مره حشمه متغطيه عباتها سنعه ...
زين في نااس والله هم اللي يبونه بس ماصلحوا لنا ..

وفي بنات احنا انعجبنا بشكلهم واهلهم ملتزمين بس للاسف ..في وحدها كلمتها اقالت لا انا ماابي واحد ملتزم يحكرني يكفيني اخوي؟
طيب تزوج وحده في البداية اهلها زينيين ولما قلنا لها اهو يبي ويبي ...قالت اوكي ...لا عباة كتف ولا نقاب وحشمه واحترام ...
كل شيء قالت ان شاء الله
بس تزوجوا قلبت بين الوجه الشين ...
صبر صبر المر وفي النهاية اكتشف انها تكلم شباب ؟؟تخيلوا كانت تكلمهم من قبل ماتنخطب لخوي ...
طبعا طلقها ..والله اخوي علمنا بس حلف علينا مانعلم احد ..طبعا علم واحد كان واسطه من اهلها ..عشان يعرف ليش ...
كانت تصرفاتها مو طبيعية وحده ...استغفر الله ...
انزين احين تزوج وحده ثانيه وهذي اهلها كلهم التزام والله مرتاح وياها والله لا يغير عليه ..والله مدلعها دلع وهدايا وحركات ومفاجأت انا زوجي ماعمره فكر يسوويها ..
انا اشوف بعض الملتزمين بالعكس يكونون عارفن حقوق المرأة عدل ...
الخلاصة دوروا عدل مو حده ترضى في البداية وهي مفكرة اهم شيء تمسك زوج بعدها تبين على حقيقتها.

 

[** باربي **]

اهم الخسرانين

بس يمكن ماخذينها نضره انه المطوع من ورى الناس شي ثاني

او انه يتزوج عليها ..او او

المهم الحل تخطبولة بنت ملتزمة عشان يتكافئون ويتوالمون

لانه البنت العادية راح تيننة ومصيرهم بيكون مو حلو

بس اذا دينة راح تعينه ويعينها وتييله مثل ما يبي ما يتعب وياها ويضغط عليها بأفكارة وتسمع كلامة

وياكثرهم بنات الحلال والمتلزمات

والله يرزقة ببنت الحلال ياارب

 

[ابدا يالغالي مانساك]

الناس بعضهم مو الكل ماخذين فكره عن المطوع انه مزواجي عن نفسي صادفة سالفة وحده تتكلم فيها ان فيه مطوع خطب له وحده ووفققوا وتم الزواج وصار هالشخص مو قد الثقه ومصار نصيب بينهم والحمدلله علي كل حال وطلق البنت لانه بيرد لزوجته الاولي وهو لما جا يخطب البنت جذب عالناس انه مطلق زوجته فبنظري طلع مايشرف المطاوعه فان من وجهة نضري ماتمكلم ان المطاوعه مايعجبوني بالعكس بس مو الكل نفس الشي وربي يوفق اخوج وبشرينا عنج

 

[غـلاوي تش]

يويلي ماعندهم سالفه
شوفي حنا هم خطبنا لاخوي ولما قلنا لهم مكان شغله قالت يويلي ليكون مطوع<< ام البنت

قلنا لها لا مو مطوع وحتى لو مطوع شفيها قالت لا بس خاف يلبس بنتي عباية راس ولا ماتشوف تلفزيون واغاني ويمنعها تسووق وجذي

بالعكس ماشوف فيها شي بس شي يصدم الوحده ترفض مطوع لؤووؤل والله ادعي يجيني مطوع عشان يقدر يقدرني ويصوني واقلها يحفظ لسانه من السب والخيانه

 

[ام الحلوااات]

اللـــــــه يــــوفـــق اخــــــــــوج ويـــرزقــــــه ببـــنـــت الــحــــلال اللــــي تــــســــر خـــاطـــــره وتـــعـــيـــنـــه عـــلــــى امـــور ديــــنــــه​

 

[سفيره الكويت]

الفكره اللي وضعها المجتمع عن المطوع هي السبب بنفور البنات عنه يحكرها يضربها يجبرها هذا فكرها ولكن نست انه لكل انسان شخصيته قد يكون انسان مثقف + متدين رجل يتحاور معاج ويدلعج ويحبج ومادري شنو اخره بو عيون زايغه الحلو اخرتها خيانه ومشاكل
وطلاق اتمنى انه يتم تغيير صوره المطوع عند البنات

 

[ياناسينا]

عسى الله يرزق اخوج بالمرة الصالحة اللي تسعده وتهنيه وبشرينااا

 

[بنوته كيوت q8ya]

الله يرززقه ببنت الحلاال اللي تسعده اللهم امييين..ياارب تسعد كل المتزوجيين اللهم امييين

 

[صادقة بكلمتي]

الله يرزقه البنت الصالحة والزينة ويفرحكم فيه اللهم امييييييييييييييييييييييين واحسينوله الاختياااااااااااااار عدل والله انا زوجي ملتزم ولا يخون ولا يسافر و و وويصلي بس اكيد مو مثل المطوع احمد الله على نصيبي بس لو يرد فيني الومن جان خذيت مطوع وكسبت دنياي واخرتي عدل الله يهدينا ويتجاوز عنا اللهم اميييييييييييييييييييييييييييين الزمن هذا صاير غريب وينخاف منه الله يستر علينا وعلى جميع بنات المسلمين اللي تعرف قيمة المطوع اللي ريلها معيشها بعذاب ولا اطلقت من ريال تتمنى تاخذ واحد يخاف ربه عدل وملتزم بحقوقها ويراعي الله فبيته بس شنقول الله يهدي الجميع ويفرحكم باخوج حبيبتي وبشرينا ان زوجتوه

 

[زوجة عزيز]

الله يرزقه ببنت الحلال

 

[(((دلال)))]

والله ماعندها سالفه الي ترفض مطوع داخليا وظاهريا الرجال الصالح نعمه وماتدرين يمكن خيره لاخوج ان ماصار نصيب لان الي تعيف الرجال الصالح ماعليها حسووووووفه وانا اختج

 

[دوووووووووووبا]

لوول ماشاءالله
الله يثبته ان شاءالله و يكتب له كل خير

اسمحيلي حبيبتي .. بتخطبون .. خطبوله وحدة نفسه على مايته .. مو وحدة عاديه تخطبون لها واحد ملتزم و لحية
ماراح يتآلفون
و حتى الشباب اللي مو ملتحين و دشاديشهم طويلة .. هم خيرين و صالحين


العيب مو من الناس و لا من اخوج .. العيب منكم ما تخطبون له بنت نفسه
يعني هالايام البنات يبين عليهم
الملتزمة و الدينة واضح عليها مثل الشمس
و الفري و العادية يبين عليها
فاختصروا على نفسكم وقت و احراج و نقوا له بنت من نوعيته ترضى فيه

و الله يتمم على خير ان شاءالله

مثل اللي بقوله بالضبط :rerrerek: