مطلوب شقق فندقيه في الشارقه او دبي

[al-3azeza]

بنات ابي شقق فندقيه بالشارقه اودبي بس سكونون نظااااف حمولتي بيروحون ويبون يعني بحدوداتكون الليله 30 او 40 بس اهم شي النظافه لانهم بيطولون عاد انا قلت مالي الا بنات المنتدى يالله اهووو قلطووو وقولوا

 

[PearL]

مشاركة: مطلوب شقق فندقيه في الشارقه او دبي

عندج بدبي شقق الخبيزي اليله على 50 دينار يقولون ما رحتهم اتحصلينهم من السفريات واذا تبين بدبي انا العام نزلت بفندق بالشارقه مينوووون من الموقع وفيه شقق فندقيه وينفع حق عوايل واتعرفين الشارقه انظيفه للعوايل ماكو وصاخه وغير هذا الفندق اجبال قناة ما ادرى شنو نسيت اسمها جدامنا بحر وسيرك وموجع يديد اتروحينه مشي وتحت قناه وركبي الطراد ويمهم عين الامارات مثل لندن ايي روعه صراحه وغير هذا في باصات كل يوم اتوصلج من الساعه9ونص الصبح توديج دبي سيتى سنتر وتاخذج الساعه 1ونص ومن دبي سيتى سنتر انتى تقدرين تطلعين اى مكان يقربونج اشوى اتوفرين سعر التاكسي والعصر بعد يوصلونج الساعه 3ونص واردونج من دبي سيتى سنتر الساعه 9ونص باليل روووووووعه خوووش خدمه ويستقبلونج من المطار ويردونج
اى نسيت اسم الفندق اسمه
Royal crown hotel
سعره 35 دينار باليوم الشقه تتكون من غرفه ماستر وغرفة نوم ثانيه وتكرمين حمامين وصاله وطاوله طعام و مطبخ شراييييييييييييييييييييييييييييييييييييييييييييييج ؟؟؟ اوكي مووو

 

[al-3azeza]

مشاركة: مطلوب شقق فندقيه في الشارقه او دبي

بعد عمري يا بريييييييييييييييييييييييييييييييييييييييييل ويه ويه الله يرزقج اللي في بالج مشكوره حبيبتي

 

[طوق البنفسج]

مشاركة: مطلوب شقق فندقيه في الشارقه او دبي

عندج المها ريجنسي بعد بشارجه واايد حلو و نظيف و هادي يصلح حق العوايل تلقينه عند السفريات

 

[ميراندا]

مشاركة: مطلوب شقق فندقيه في الشارقه او دبي

عندي بالشارقه امباسي للشقق الفندقيه .. سكنا فيه انا و ريلي و اليهال وايد نظيف و حلو و يصلح حق عوايد
خذينا شقه كبيره فيها صاله و غرفتين نوم و حمامين و مطبخ و المطبخ مجهز بالكامل و خدمتهم حلوه

هذا رقمهم : 065739777

انشالله يعجبكم و ترا حتى اسعارهم مناسبه

 

[al-3azeza]

مشاركة: مطلوب شقق فندقيه في الشارقه او دبي

مشكوره حبيبتي طوق البنفسج

مشكوره حبيبتي ميرندا اشلون الولاده ودلوله

 

[ميراندا]

مشاركة: مطلوب شقق فندقيه في الشارقه او دبي

العفو ام حمني حاضرين

والله الحمدلله الله سهل علي و ولدت بدون مشاكل و تعب الحمدلله من فضل الله و فضل دعواتكم .. .. و دلوله تمام قاعده يمي اعلمها عالمنتدى عشان تدخل لي اكبرت انشالله هههههههه

 

[طفوش]

مشاركة: مطلوب شقق فندقيه في الشارقه او دبي

حبيبتى فية فندق الضيافة 2 قبال الريف مول وفية خلفة بقالة ومصبغة يعنى تووووووب

مورقم واحد لانة موحلو

فية الديباج الخبيصى خلف حمراء مول يعنى تطلعين من الفندق وتدخلين السوق وكلة مطاعم وحلووووو

فية البستان ريزدنس شوى بعيد خمس دقايق بس نظيف وتحتة سوق ومطاعم وسوبر ماركت والعاب اطفال وسوق شامل وصالون وماكدونالدز

وكلهم محترمين يعنى مافية بار للسكر وغيرة

ورحلة سعيدة قولى لحمولتك هالله هالله بالصوغة لى ولك هههههههههههههههههههه

 

[جارة القمر]

مشاركة: مطلوب شقق فندقيه في الشارقه او دبي

om-7amany

البستان رزيدنس

الخبيصي اللي وراء حمر عين

وفي اللي قالت عنه ميرندا

 

[كويتية أمورة]

مشاركة: مطلوب شقق فندقيه في الشارقه او دبي

عندج بدبي شقق الخبيزي اليله على 50 دينار يقولون ما رحتهم اتحصلينهم من السفريات واذا تبين بدبي انا العام نزلت بفندق بالشارقه مينوووون من الموقع وفيه شقق فندقيه وينفع حق عوايل واتعرفين الشارقه انظيفه للعوايل ماكو وصاخه وغير هذا الفندق اجبال قناة ما ادرى شنو نسيت اسمها جدامنا بحر وسيرك وموجع يديد اتروحينه مشي وتحت قناه وركبي الطراد ويمهم عين الامارات مثل لندن ايي روعه صراحه وغير هذا في باصات كل يوم اتوصلج من الساعه9ونص الصبح توديج دبي سيتى سنتر وتاخذج الساعه 1ونص ومن دبي سيتى سنتر انتى تقدرين تطلعين اى مكان يقربونج اشوى اتوفرين سعر التاكسي والعصر بعد يوصلونج الساعه 3ونص واردونج من دبي سيتى سنتر الساعه 9ونص باليل روووووووعه خوووش خدمه ويستقبلونج من المطار ويردونج
اى نسيت اسم الفندق اسمه
Royal crown hotel
سعره 35 دينار باليوم الشقه تتكون من غرفه ماستر وغرفة نوم ثانيه وتكرمين حمامين وصاله وطاوله طعام و مطبخ شراييييييييييييييييييييييييييييييييييييييييييييييج ؟؟؟ اوكي مووو

بيرل خوش معلومات يعطيج العافية بس ايهو اللي مانحصله بالسفريات؟ وليش؟
انا عجبني وصفج صراحة شوقتيني

 

[PearL]

مشاركة: مطلوب شقق فندقيه في الشارقه او دبي

بيرل خوش معلومات يعطيج العافية بس ايهو اللي مانحصله بالسفريات؟ وليش؟
انا عجبني وصفج صراحة شوقتيني

يعافييج يا عمرى شقق الخبيزي انا حصلته عن طريق السفريات اب 50 بس ما ادرى شلون مكانهم
بس شقق فندقيه الى بالشارقه الى بفندق رويال كراون هوتيل ما حصلتهم عن طريق سفريات رحتلهم بنفسي ... وتدقرين تحصلينه عند سفريات ثانيه سفريات عن سفريات تختلف وشوفى موقعهم على الانترنت

http://www.royalcrownhotelshj.com

 

[ورد البحرين]

مشاركة: مطلوب شقق فندقيه في الشارقه او دبي

صباح الخير
جربي راديسون ساس بالشارقة وايد حلو أحنا سكنا فيه فندق 5 نجوم وبيج

 

[شهدQ]

مشاركة: مطلوب شقق فندقيه في الشارقه او دبي

انا سامعه بالضيافه 2 والبستان سعرهم حلو ونظاف وعائليه

 

[دبلوماسيه]

مشاركة: مطلوب شقق فندقيه في الشارقه او دبي

http://www.dubai.ws/a_index.htm

 

[Macro]

مشاركة: مطلوب شقق فندقيه في الشارقه او دبي

يقولون سيتي سنتر فيه شقق فندقيه يمدحونه بس ما جربته <<<< وليش رازه الفيس خخخخخ

 

[bambena]

دقيت على رويال كراون قالي شقه غرفتين نوم الليله 700 درهم مع افطار و 600 بدون افطار