مطلوب دوا بيبي كال

[@مراحب@]

السلام عليكم بنات
ولدي مسكين عمره شهرين وما ينام ساعه كامله ذابحته الغازات وكاسر خاطري ما بقي شي ما عطيته ولا فاد معاه واللي تعرف وحدة تبيع دوا بيبي كال تقولي او تراسلني عالخاص وبكون شاكرة

 

[@مراحب@]

بنات وين ردودكم

 

[mama-dodo]

حرام عمره شهرين وتعطينه ادويه
شربيه كمون احسن
انا بنتي كنت اشربها كمون
وكانت ترتاح حيل

 

[فاقده ابوهاااا]

انا ولدي كان اخس من ولدج لدرجه خفت يكون فيه شي وكل يوم بالمستشفيات وعطيته كل شي ولا فاد
نصيحه لا تعطينه بيبي كال رفيجتي عندها ويابتلي علبيتين من لبنان بس ما خذيتهم اشكره مكتوب عليه نسبه كحول وللعلم ترى يأثر علي عقله بالمستقبل

 

[الأميرة جوري]

كمووووون رووعه

 

[c a t w o m a n]

انا اخذه من لبنان والله ما شفت منه بالكويت

 

[manoooram]

كمون يريح البطن وخففي عليه الأدويه أحسن صغيرون

 

[مسك الاثاره]

حبيبتي انا نفسج قالولي عطيه بيبي كال ووصيت ويابولي اياه وقبل لا اعطيه كان عنده مراجعه برويال حياة عند دكتور الاطفال جنسيته لبنانيه
امبيييييييييييييه ماتدرين اشسوى فييييني قااالي هذل الدوا يؤثر على مخ البيبي بالمستقبل ووااااايد مايدروووون لمن عيالهم يكبرون من وييين تجيهم الامراض يقول كله من هالادويه الي فيها كحووول
حبيبتي عطيه كاز بيمبي ممتاز حق الغازات او سويله ينسون وكمون احسن من هالادويه

 

[Winter Q8]

نقط ديسيفلاتل احسن شي حق الغازات

 

[اللولو الغالي]

اسم الله عليه
والله الام من تعبها وخوفها على بيبيها تدور اي شي يريحه وهم يريحها
بس من ردود البنات بين انه له سايد افيكت
فشتبين فيه
غازات ابرك من اي مرض ثاني لاسمح الله
اصلا الطفل في هالعمر لاااازم يكون بجاي والغازات تتعبه ونومه مو مضبوط
انا بنتي اللحين عمرها ٣ اشهر الا جم يوم
والله ما تسنع نومها ومزاجها الا قبل اسبوع تقريبا عسئ الله لايغير
ومايشوف شر وليدج

 

[طيبة83]

بيبي كال مب زين يقولون يسبب صرع

عادي حبيبتي تحملي وعطيه شوي ماي غريب

 

[نور الدنيا 88]

انا ولدي اكثر بيبي كان يحن ة كنت كاسرة خاطر الكل
خخذيتله اعشاب من العطار خلطه رضيع بنص دينار عبارة عن ينسون حبه حلوة كمون بابونج
انقعها بماي مغلي قفشه صغيرة لمدة عشر دقايق و اححطها ببمته مع شويه نباته زينه حق الغازات و انومه على بطنه و مرتين باليوم ماي غريب

ولدي توا بيتم خمس شهور توا بصير هادي الله يتمم ان شاءاله