مطلوب حواي يبيع ادويه نفاس جاهزه

[Violetta]

السلام عليكم
ابي حواي القى عنده ادويه نفاس جاهزه لانه بصراحه الحريم غاليات
و شكرا

 

[بسبوسه بلجبنه]

عطاره الاريج رووووعه شوي عليه اهو صااير بالاندلس بنفس المجمع اللي فيه سوق فجر وادعي لي

 

[ياحبنيلك]

مرحبا يالغاليه
اذا بتسمعين مني خليج من الحواي تكفين ما انصحج والله
وانا عن نفسي مجربه علاج خبيرة الاعشاب ام خالد
اللي هني بالمنتدي من قبل ٣سنين والحين انا حامل بالثامن
وانشالله ادش شهري همن بطلب منها
وصدقيني والله والله والله وربي فوقي ان ام خالد ما اعرفها
بس خذيت منها بولدي الاولي من كثر ما امدحوها البنات
والحين انا اللي امدحها لج علي مسؤليتي وانا حامل وربي فوقي
وخليج من الحواجين لاتروحين سمعي نصيحتي يالغاليه
وربي يقومج بالسلامه انشالله

 

[Violetta]

اي دزيت لها بعرف مكوناتها و اسعارها و ناطره

 

[ياغفور اغفر لي]

حبيبتي اعرف وحدة خواتي ياخذون منها شغلها نظيف وروعة وسله كبيرة وكاملة ومكتوب عليهاا كل شي وحتا التمرة معفوسة وجاهزة كل هذا ٥٠ او ٦٠ بس اذا تبين رقمهاا طرشي لي غ الخاص واخذه لج من خواتي

 

[om MaRyooM]

ماعندي فكرة والله


وبصراحة مثل ماقلتي اسعار الحريم حيل بالعلالي

 

[aya faid]

اب


اب

 

[&موناليزا&]

المنتديات فيها طريقة اللهوم والاعشاب سووي لج بنفسج افضل واضمن

بس لا تاخذين طريقة نظام فيافي لان ما يمدحونها

 

[ناني سيكرتس]

اخذي من ام خالد خبيرة الاعشاب ترا شغلها يهبل ونظيف واهي خوش وحده, تقولج بالضبط شنو محتاجه وشنو مو محتاجه.
ان شاء الله باخذ منها الاغراض حق ولادتي لاني ما اثق الا فيها ...

 

[نارنجه]

الحسووو اخذيه من سمراء عدن اضبط حسووووو
وحتى بااجي شغلاته من كركم و غيرة كلهاااا فرش و مو قديمة

وعندج ماركه اسمها اطيب نظيفه تهبل بعلب بلاستك تلاقينها بجمعية الروضة و مشرررف بس حسوهم مو مثل سمراء عدن لا تاخذينه
فلفل اسود و زهورااات و رشاد نجدي و وايد اشياااء

المرة اخذيها من العطار اليمني الي بسووق الديرة صوب خامات الدشاديش يكون لونهااا احمر ما فيها سوااااد كلش
واذا حصلتي علج البان النظيف اخذي منه

وفي عندج قشر القهوة تلاقينه بالكيلو و نظيييف عند ملوت التمور الي صوب سوووق لندن وعندهم زنجبيل اخضر و شاي اخضر مع زنجبيل وايد سوالف عندهم و لاتنسين تاخذين منهم تمررر يفيدج

و في خلطة الخمس فناجين تلاقينها بالنت انتي تقدرين تسوينها ما يبيلها شي

ويحليلها ام مريوم حطت غرشه صغيرة ماي نعناع من العويد على مااظن شريتها صوب العسل مالهم
واذا تبين عشبة عباءة السيدة تلاقينها بالعطااار الايراني الي يم المبرقعه بالسالمية القديمة و عنده خوش سكر نبااات نظيف
والعطار الي قبال فاشن مل يسوي خلطة حق المغص للبيبي و عنده سوالف خلطات نفاس بس امي الله يرحمها ما كانت تاخذ شي جاهز منه اهي بنفسها تسوي لنا

عموما كل عطار تدشينه ساليه شنو عندك سوالف حق النفاس من اعشااب و ادوية و اختاري منه

يمكن هذي اهم الشغلات الي اعرفها وان اشاء الله باخذهاا

وعندج بالجمعيات انواع مختلفه من شاي الاعشاب الي صايرة بورق هذي حدها مريحه

وسلامتج قرقرت وايد

واكيد لاحظتي ان اغراضي مطشرة يمين و يسار مو من عطااار واحد هههههههههههه

 

[يا عيون سمي]

توفره لج خبيره اعشاب

احس شغل حريم اضمن من الحواي

 

[خفايا البحر]

البنات مااقصرو

 

[ليمار الكويت]

ام خالد هني بالمنتدي والله عن تجربه شخصيه بولاداتي تهبل تهبل تهبل وشغلها روعه نظيف وشي متعوب عليه تعطيج الكورس كامل حق بعد الولاده مع الارشادات كل شي شلون تستخدمينه والمده والطريقه الصراحه روعه
اخذي شغلها وانتي متطمنه
موفقه