مطلوب اغراض تموين

[ليالي العمر]

السلام عليكم ورحمة الله وبركاته

العنوان واضح حبيباتي

اللي عندها فائض او ما تحتاج اغراض التموين

انا اشتريه منها

( مثلا رز -حليب- زيت _سكر _ سمن _ دجاج -عدس - اي شي )

وانا اعرف في كثير عائلات ما يستهلكوا كل الكمية ويبيعوه او يتصدقوا فيه او يكبوه فانا اشتريه منهم
او في عائلات ما يروحوا يصرفوا اغراض التموين انا اخذها عنهم

وانا اعرف بنات الكويت فيهم الخير وما يقصرون

بإنتظار ردودكم

وشاكرة لكم​

 

[الباروونة]

للررررررررفع

 

[om mariam]

اب لعيونج

 

[q8dvd2000]

اب اب

 

[ليالي العمر]

شكرا لكم خواتي على مروركم

 

[@ام سلطان@]

حبيبتي دزي مسج او واتس اب على هالرقم 50244734

 

[ليالي العمر]

شكرا لكي حبيبتي راسلتك لكن مافي رد

 

[(Q8 MOON)]

السلام عليكم
اختي امانة اامنج وبذمتج

انتي تبينه لأعمال الخير والثواب ولا للبيع ؟

واذا للخير الله يوفقك وبسألج اذا احد عنده

واذا للبيع مالي شغل

 

[صريحة جدا جدا]

للرفع

 

[Hello_kitty]

التموين تصوفه الدوله ربي يحفظها لنا حق الكويتيين عشان تساعدهم بالمعيشه

وكل مواطن ياخذ حصته او اللي يحتاجه ومايصير ناخذ زياده عن حاجتنا عشان نبيعه ولا نتصرف فيه

لان يكلف الدوله وقاعد تدفع فلوس عليه والمشايخ عندنا طلعوا فتوى يحرمون الصدقه من التموين
احنا كل نشهر ناخذ اللي نحتاجه بس مثل هالشهر ما خذينا العيش وجم شغله لان زايده عندنا

واللي يبي يتصدق يتصدق من ماله الخاص واذا تبين تشترين الجمعيات واسواق الجمله بكل مكان ماردت على التموين

وبعدين سؤال برىء تاخذين كل هالكميات من الناس وماشالله رايحه تصرفين التموين ببطاقتهم شتسوين في التموين كله? اذا قاعد تتاجرين فيه يا ويلج من

الله وكل فلس خذيتيه حرام انتي واللي ساعدوج واسمحولج تتلاعبين بالتموين اللي الدوله اللي تدفع عليه مبالغ مو شوي

الله يحفظ هالديره واهلها من الطمع والحسد ويخلي خيرها لاهلها يارب

 

[Miss Cherry]

هلوو كاتي قلتي اللي بقوله


اللي بيتصدق يتصدق من ماله مو من تموين اهو مو دافع فيه شي قاعد يكلف الدولة ياخذونه مو محتاجينه ويتاجرون فيه .. وحتى لو يتصدقون فيه افتوا الشيوخ انه الصدقة ما تجوز من التموين اللي يكلف الدولة وتصرفه لنا مجاني

 

[omra]

اللة يجازيكم كل خير كلامكم كله عدل والله يحفظ كويتنا

 

[عاشقة هواك]

اب اب

 

[Fstani]

عدددل كلاامكم بناات







،،.

 

[ليالي العمر]

شكرا لكم خواتي على ردودكم الطيبة وعلى خوفكم على كويتنا الحبيبة وبخصوص الفتوى انا ماعندي علم فيها

وانا مابخذها ابيعها ولا اتاجر فيه لا سمح الله ولا باخذها حق نفسي انا اعرف ثلاث عوائل متعففة وضعهم المادي جدا صعب والمواد الغذائية غالية بالنسبة لمزانيتهم

وعائلتان منهم من درعا عندهم اطفال وعلاج ومدارس وبسبب سوءالاوضاع وتردي الوضع وهدم منزلهم حبيت والمصاريف ترق معيلهم الوحيد وانا بس مهمتي اني اوصل ارقامهم او للي يحبوا يساعدوهم بس ولا انا لا اخذ ولا ابعث ولا اجيب ولا اشتري هما يتفاهموا معهم انا بس نزلت اعلان كمساعدة وكسب ثواب وانا والله نيتي صافية بس افرحهم واخفف عنهم معاناة المعيشة واعتقد في كثير ناس رب العالمين كافيها ومنعم عليها و تدور على المحتاجين لتطعمهم وتدرسهم وتعالجهم تقربا لرب العالمين

وانا اشوف ان اي فعل للخير مو حرام ..
مو معقوله اساعد في اطعام عائله فقيره من خير الله ومن فلوسهم مو ببلاش وبعدين أأثم على هالشي(( الله واعلم))

وبالنسبة للاخت اللي تقول الجمعيات موجودة يروحوا يشتروا منها مافي فرق احب اقولك ان الفرق نص السعر يعني مثلا لما تاخذ العيش من التموين 50كيلو بأقل من7 دك وبالجمعية ال20كيلو مو اقل من 8دك مع هالعائلة تفرق معاهم

وبالنسبة لسؤالك (( سؤال برىء تاخذين كل هالكميات من الناس وماشالله رايحه تصرفين التموين ببطاقتهم شتسوين في التموين كله? )) لله الحمد للان لم يصل اي شيئ لهذه العوائل اي مساعدات من مواد غذائية او غيره

واذا تقدروا تساعدوهم بغير المنتجات التموينية اكيد يكونوا شاكرين فضلكم وخصوصا من ناحية التعليم لانهم حاولوا مع كثير لجان المساهمة في دفع الاقساط المدرسية بدون فائدة

واللي يحب ارسله ارقامهم او عناوين سكنهم او سجلاتهم المدرسية للاطلاع والتأكد من اسلوب معيشتهم

والله على ما اقول شهيد

دامت كويت العز ودام شعبها

 

[قسي قلبك تعيش]

ممكن معلومات عن الخاص واذا في عوائل بالكويت يكون افضل مع الارقام

 

[ليالي العمر]

السلام عليكم

شكرا لكي اختي والله يجعله في ميزان حسناتك

في لجنة تكفلت بتعليم الاطفال وتلبية احتياجاتهم بعد ما اطلعت على اوضاعهم ومستوى معيشتهم

وهما اتكتفوا بهالشي

جزاكم الف خير