مطلقه وهي حامل هل تطلق الحامل؟

[العائله]

السلام عليكم بنات تكفون ابي نصيحه من اخت لاخت انا تعبانه نفسيا واحس بموت من كثرة تفكير انا عندي خمس اطفال وحامل بالشهر تاسع زوجي طلقني قبل اسبوعين. ورحت بيت اهلي زواجي معاه14سنه بس اغلبيته مشاكل تقريبا كل سنه او سنتين لازم اروح بيت اهلي زعلانه. سبب طلاقي منه كان زوجي نايم دخل عليه ولده يقوله عن خدامتي دخلت انا قلتله انا تعبت كل شي فوق راسي وانت ماغير نوم او طالع برى ماتدرى عن شي المعم نادى خدامه هاوشه ويوم شاف خدامه زعلت طالعني وقال كلمة علي عصبت انا قلتله عدل اسلوبك معاي تعبت من هالحياه والله ان طلاق ابرك قال تبين طلاق قلت ايه قال انتي طالق تدرون شنو صار فيني بغيت اموت بجيت بجي وخذيت عيالي ورحت لاهلي انصدمت انه باعني بسهوله بعد هالعشرهسافر اسبوع توقعت يوقفني يقول لاتروحين بس ماصار هالشي بعد سفرته يرسلي بالواتسب ارجعي وانا احبج ومن هالكلام بس حاط علي اني انا السبب وانا اللي لازم اتغير قلت وانت. مشكله حاط الاغلاط فيني ومايعترف باغلاطه تعبت بنات ترى قبلها فتره قلتله تعال ابي اتفاهم معك في امور حياتنا طبعا هالكلام قبل طلاق قال مابي اتفاهم معاج وراح للديوانيه واشياءواجد قالها لي مرات اقول اتطلق وارتاح من مشاكل معاه وعلشان عيالي بعد يرتاحون ومرات اقول عيالي اخاف يضيعون بهالطلاق ومقهوره حيل منه انه ماقدر اني حامل ومحتاجه كلمة حلوه. منهوطلقني وانا حامل سمعت حامل ماتطلق بقولكم شي انا عند اهلي وماحد يدري بسالفة طلاقي غير وحده من خواتي كبيره مطلقه وعندها بنت وقلتلها لاتعلمين خواتي هي تقولي خليه يولي وارفعي عليه قضيه وتطلقي بلا مذله معاه انا محتاره وتعبانه عيالي بيصيرون سته وبكون عند اهلي مع حريم اخواني امي متوفيه ولبوي متزوج مرة ثانيه ومايدري عنا وزوجي مهملني وموقايم في واجباته 14سنه ماتعدل فيها شنو رايكم بنات شنو تنصحوني فيه ابي نصيحه اخت تقولولي شسوي وحده من خواتي كانت تقولي قبل يوم كنت ازعل معاه لاتسمعين لاحد ولاتفكرين بالطلاق قربت ولادتي ومادري شسوي نصحوني تكفون احس بموت لو ماكان عندي عيال كان اشوى احس اني ضايعه وموعارفه شي وابي اعرف الحين انا مطلقه وهل تعتبر طلقه الاولى وصج اذا ولدت تخلص عدتي واذا برجعله بعقد جديد قلبي يعورني احس فيني خوف ومانام الليل وكل يوم اخاف اولد ومارديتله مادري شنو ابي مابي عيالي بدون اب وتعبت من هالزوج الاناني حيل محتاره:eh_s(2):

 

[العائله]

تكفون بنات ردوا علي

 

[شندوخه]

والله اختي اللي اعرفه الحامل تطلق وتنتهي عدتها بالولاده

بس نصيحتي لج استخيري بالرجوع له واستشيري شيخ دين بموضوع الطلاق اذا كان بعقد جديد

 

[العائله]

شدعوه بنات بس وحده ردت علي ابي نصيحتكم لو كنتوا بمكاني شنو تسون. وبدعيلها من كل قلبي اللي تنصحني

 

[M!ss CoLoRz]

اختي

الريال طلق والموضوع طلع من يدج وانتي غلطانة ما قلتي حق اهلج ، الطلاق ما ينخش

عدتج الين ما تولدين شرعا سواء راح ثبت الطلاق في المحكمة او لا ... انتي احين في حكم المطلقة وفي الشهر التاسع يعني إذا لج نية ترجعين له ضروري احين تقومين تخبرين اهلج باللي صار يا ترجعين على ذمته قبل الولادة يا بعد الولادة مادري صراحة شلون يصير ترجعين له

تسألون شيخ اضمن لأنه حتى رجعتج في صيغة لازم يقولها وامور تصير

 

[Aloe Vera]

لازم تستشيرين شيخ و اذا زوجج مايشرب و لاعنده علاقات مع حريم و محافظ على صلاته و يصرف عليكم بدون بخل شديد فكري عدل عدل و استخيري و انا اشوف انج تحديتيه و قلتيله طلق بتحدي عشان جذي اهو طلق لانج تحديتيه

 

[جنون هاجري]

ان شاء الله انك مو مطلقة
والي صار لحظة غضب وازل باللسان
واذا تحبي تتاكدي عندك هيئة كبار العلماء بالسعودية
وبعدها عليه يقوم بدفع مبلغ تكفير عن الخطا
لان الطلاق ابغض الحلال عند الله

 

[أم حسوون]

السلام عليكم ، لا تسألينا عن الطلاق المفروض تسألين مفتي وبعدين حتى لو تطلقت اذا كانت الطلقه الاولى تقدرين ترجعين ، أنا ما أعرف ظروفج ، بس اذا عندج ٦ وهو رجال مصلي مسمي لا تسرعين وفكري عقب الطلاق هل حياتكم بتكون أسهل أنت وعيالج ، استخيري وردي بيتج علشان هالعيال ، وإذا فيه مشاكل طولي بالج ولا تعاندين زوجج خصوصا قدام أحد وحاولي تكسبينه بحسن خلقج وبصبرج وادعي ربج والله كريم.

 

[أم حسوون]

السلام عليكم ، لا تسألينا عن الطلاق المفروض تسألين مفتي وبعدين حتى لو تطلقت اذا كانت الطلقه الاولى تقدرين ترجعين ، أنا ما أعرف ظروفج ، بس اذا عندج 6 وهو رجال مصلي مسمي لا تسرعين وفكري عقب الطلاق هل حياتكم بتكون أسهل أنت وعيالج ، استخيري وردي بيتج علشان هالعيال ، وإذا فيه مشاكل طولي بالج ولا تعاندين زوجج خصوصا قدام أحد وحاولي تكسبينه بحسن خلقج وبصبرج وادعي ربج والله كريم.

 

[العائله]

مشكورين على الردود والله يساعدني في اللي فيه خير يارب

 

[العائله]

بنات بليز ابي ردود واجد ابي نصايحكم

 

[العائله]

ابيكم تنصحوني حدي تعبانه

 

[Aloe Vera]

ماقلتيلنا عن اخلاقه محافظ على صلاته؟ يصرف عليكم بدون بخل؟ عنده علاقات مع حريم و سفرات و شرب ولت لأ؟ عشان نعرف ننصحج

 

[حمرة الورد]

اختي صعبه تتطلقين صدقيني ردي لزوجج وعندج الله يحفظهم خمسه والسادس بالطريق صعبه

 

[Royof]

للاسف يقع الطلاق بس عدتج تنتهي بس تولدين

من رايي اصبري واحفظي بيتج وزوجج هالدنيا مافيها احد مرتاح ولا راح تدوم وانا اختج هونيها وادعي ربج

 

[Royof]

للاسف يقع الطلاق بس عدتج تنتهي بس تولدين

من رايي اصبري واحفظي بيتج وزوجج هالدنيا مافيها احد مرتاح ولا راح تدوم وانا اختج هونيها وادعي ربج

 

[New_bride]

انتي استفزيتي الريال

وهو كان في حالة غضب

الطلاق يقع عليج بس اذا هي اول طلقه او الثانيه تقدرين ترجعين له

تحملي واصبري دام زواجج ١٤ سنه وعندج عيال

رجعي بيتج اذا تقدرين وهو زين انه طلب منج ترجعين يعني بتكونين راجعه برضاه

 

[♥MaSteRiyA♥]

والله ما عندي فكرة بهالموضوع
بس ان شالله تتعدل العلاقات و تردون مثل الأول و أحسن :yaaaaaarb:​

 

[Patcholli]

مسكين الريال نايم ومسمعته هالكلام اللي يغث يعني شنو متوقعه منه يسوي خدامه وحاطلج بعد تبينه يقوم يغسل ويخم معاج ؟؟
اختي اسلوبج غلط الريال يكره هالاسلوب يبي يرتاح فبيته ويتدلع ويحس انه ملك
انتي تعبانه من عيالج ومو منسقه امورج يبيلج حل حق هالمشكله
لاتسمعين كلام اختج اهي مطلقه وتبيج مثلها يعني ؟؟ حرام عندج 5 شبتسوين فيهم ؟؟
ثاني شي انتي اللي لازم تتغيرين المشاكل اذا ماوصلت لي الشرف والخيانه والطق ماتستدعي الطلاق
لازم تغيرؤين اسلوبج واذا مو متحمله عيالج دخليهم حضانه نادي اي شي يلهون فيه وترتاحين شويه
ردي بيتج وقصري الشر وترى الزعل الزايد يزيد المشاكل والجفى بين الزوجين والريال ماينهد كل هالمده بروحه بالبيت بدون حرمه خصوصا بهالزمن
ردي بيتج وبوسي راس ريلج وابدي صفحه حلوه ويديده معاه ريحيه ودلليله ودلعيه حتى لو عصبي حتى لو نفسيه بالدلع راح يلين مو تدلعين ربع ساعه وتطلعينه من عينه تالي لا استمري على اسلوب الثنيه الرقيق ودايما حصني بيتج وعيالج بالقران وراح يهدي كلشي بينكم ان شاء الله
وروحتج لبيت اهلج على كل مشكله تطيحج من عين الريال قعدي فبيتج حتى لو زعلانه لاتكبرين الامور وتسببين لويه وتضخمين الامور وتخربين بيتج

 

[اهذريبك~]

حرام عليج وعيالج بتشردينهم ومحد بيبقى لج طول العمر غير رجلج امج و ابوج مو دايمين
لج و اخوانج كل واحد بيلتهي بزوجته و عياله

تعوذي من ابليس و خليه شوي عشان تصير قرصه له و يتعدل اسلوبه معاج بس لا تفكرين بالانفصال بالمره برقبتج 6 عيال و مافي بيت خالي من المشاكل