مطلقه من سنتين

[روحي تحبك 2]

انا تطلقت من سنتين وانحرمت من نص عيالي لان ابوهم اخذ البنت الكبيره والولد الكبير وساكن معاهم برا الكويت وانا توقعت اني اقدر اتحمل افراقهم بس ماقدرت اتحمل لاني مت والله بدونهم
وابي منكم تنصحوني لاني صج احس اني ميته ومو عايشه مع الناس

 

[زوجة عزيز]

الله يعينج حبيبتي ويصبر قلبج ان شاء الله تفاهمي معاه ولج حق في انج اتشوفينهم او اذا في مجال اتردين له ردي له والله يوفقج ويجمعج بعيالج ان شاء الله

 

[سكوتي بذوقي]

الله يعينك اختي

ويصبرك يارب كلميه وشوفي حل

مايصير يمنعك من عيالك

 

[! بــدويه وآآيــد !]

،



حبيبتي والله عورتي قلبي
دقي كلمي عيالج دام انهم كبار وفاهمين
او دخلي احد بينكم وحاولي تردين لـ زوجج مو لسواد عيونه عشان تظلين قريبه من عيالج
عسى الله يمسح على قلبج يااارب ويجمعج فيهم

 

[فلنتينو]

ذكرتيني بسالفة رفيجة اختي
نفس سالفتج بالظبط
حتي صارت ضعييفه موت من الهم اللي ذبحها
عورتي قلبي

الله يردهم لج عاجلا غير اجل ياااارب

 

[لمى...]

يمه ياقلبي ماحب هالسالفة حرمان الأم من ضناها.........

ليش خليتيه ياخذهم الله يعين قلبج .................

ماحد راح يحس فيج كثري ياما من الليالي اللي سهرتها خوف من حرماني من حبيبتي فكيف

لو صدق حرموني منها ..................

الله يردهم لك ويقر عينج بشوفتهم مالج الا الله ادعي واختمي القرآن ترا راحة مابعدها راحة ......

واقرأي سورة البقرة بنية رجوعهم لك وعيشهم معاكي واستغفري دايما...........

 

[لولو سيتي]

اللهم يا جامع الناس ليوم لا ريب فيه اجمع بينها وبين عيالهاعلى خير

 

[خالف تعرف]

بيعيشون هناك ولا لهم جيه اذا لهم جيه سيده القانون معاج اذا ماكان طلاقج مو بصالحج

 

[Lo0o0lY]

اللهم يا جامع الناس ليوم لا ريب فيه اجمع بينها وبين عيالهاعلى خير

اللهم اميــن ..

الله يعينج ويهونها عليج ويمسح على قلبج

 

[ودآعتك قلبي]

الله يفرج عنج , كثري دعااء بهل شهر الفضيل , وكلمي ابوج أو أكبر أخوانج يكلمه عيااآلج لج حق فيهم ..

 

[ام زهقانه]

الله يصبر قلبج ويجمعجج معا هم عن قريب امين

 

[نـعـومـه]

ليش موعايشين معاج موالمفروض معاج !؟؟

حتى لو معاه موالمفروض لج ايام معينه ينامون معاج

 

[أغلى أمنياته]

الله يجمعج بعياالج عاجلا غير اجلا​

 

[طوووطه]

الله يجمعج فيهم

 

[هيبة ملك]

الله يجمعج بهم

عورتي قلبي

 

[احبك ياحبي]

ياربي ياربي ياحي ياقيوم ترد عيالج عليج رد جميل واصبري وابشري والله ماراح ينسونج وراح يردون لج انتي الام ومهما طال الوقت انتي عندهم غير والله قطعتي قلبي والله ماراح انساج بدعاء والله كانج تتكلمين عن حياتي وطفولتي الصعبه:eh_s(11):

 

[مصممة أزياء]

حبيبتي ذكرتيني بالايام التي مضت كنت اتحسر البنت اشوفها في المدرسة بس الولد يقلبي مااقدر مضت اشهر
لحد ماقدرت اخدهم منه بالقانون واخدتهم ربك كريم
الحي في الطلب والدعاء ووسطي رجال دين يسعو للخير من بلدك اللي انتي فيها
والبلد اللي هو فيه وبعض اقاربه لاتتركي باب الا تطريقيه لاتنسي هم محتاجينك اكثر من حاجتك لهم
الجرح في قلوبهم اعمق انتي ام ولاتركني ابد للاستسلام لواقع ممكن يشتت اولادك
مو زين لا للبنات وللاولاد ولا لك الجئي لمحامي شاطر واسئليه هل بالامكان تكسبي حظانتهم لو رفعتي عليه دعوة وهل بالامكان يرجعوهم لك ويطالبوه بالتنفيد .. يارب يقلبي تفرحي برجعتهم وانا حاسة فيك لا ليلك ليل ولا نهارك نهار
الله يكون في عونك
ونصيحة فضفضي اكثر لاتكتمي تتعبي لوحدك وماتلاقي من يرشدك

 

[Roooo7i_T3sh8a]

الله يجمعج فيه يارب ويصبر قلبج ان شاء الله
كثري استغفار بـ نية انهم يرجعون لج
والله يفرج عليج ان شاء الله

 

[عاشقة هواك]

الله يعينج

 

[ظل الياسميـن]

الله يصبر قلبج
وان شاء الله عيالج راح يردون لج
اليوم قبل باجر
بس اني كثري من الادعيه انهم يردون لج وادعيلهم انه الله يحفظهم من كل شر

لا حول ولا قوة الا بالله