مطلقه ..... مطلقه ....... وش رايكم يابنات

[محبة1]

امممممممم بنات انا سابقا نزلت موضوع وراح اكمل هالموضوع هو عن اخويه

الموضوع السابق هنا

طبعا بعد فره وفره وكان جميع البنات اختفوا من البلد سبحان الله

فيه بعض العوائل للاسف رفضوا مع عقليه قديمه انهم مايزوجون غير جماعتهم فقط

وفيه بنات ماعجبوا اخويه بالشكل ..

واخيرا اخيراا حصلنا ولكن مع الآسف البنت مطلقه وعمرها 29 سنه

طبعا ابوها يقول سبب الطلاق ان زوجها كان لما تزوجها بدون عمل وكان بالنهار نايم وباليل بالشوارع فرفره الي الصباح ويجي وينام وبسس هذي حياته

يقول جلست معه وحاولت مافيه فائده وبعد سته شهور طلقها طبعا في محاكم وطلب طلاق ولا هو كان نايم وسهران بالشوارع ولا يحضر المحكمه وقت الشيخ يطلبه غير ابوها جاب له شرطي لحد بابه وراح معه اجباري وطلق بالثلاثه ...

ابو هالبنت رجال طيب واخلاق عاليه ويقول لااخويه مو مشكله النظره الشرعيه تبيها حاضرين اي وقت حدد وتعال اذا صار نصيب خذها مافيه الله يرزقك بغيرها

هالحين محتاره هل انصح اخويه بالزواج من مطلقه علما انه لم يسبق له الزواج ابدا يعني هو اول تجربه بحياته بالعربي هل ممكن تنجح هالزواجه ولا تكون فيها مشاكل
عشان انا سامعه ان البنت الي مجربه الزواج وحركات خاصه من الزوج الاول وبعدين ماشافتها بنفس القوة بالزواج الثاني اهني تبداء المشاكل وانتوا فاهمين قصدي اكيد كو كلهم بس فيه نسبه كبيرره تفكر بالشكل هذا اخويه يقول ابي وحده مغمضه انا اعلمها وكل شيء جديد عليها عشان لاتستغرب ولاتحط مقارنات بين زوجها السابق وزوجها الحالي وانتوا وش رايكم

رجااء خاص اقل شيء ارفعوا الموضوع مابي اشوف مشاهدات 30 الف وردود 20 رد فقط

والله يوفق كل بنت رفعت او ردت وقالت رايها بحريه او قصه صارت لااحد من اهلها او صديقاتها ارجوكم لاتبخلوا عليه خلوني احكي هالكلام لااخويه من تجاربكم يا بنات ياحلوات:eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7):

 

[حياتي_بنتي]

مو شرط مطلقه يعني مو زينة... اللي عليكم انكم تسالون عنها وعن عايلتها واذا ماقالو عنهم الا الخير واهو شافها وارتاحلها وارتاحتله ماكو اي مشكله..

بالعكس انا اشوف المطلقه مقروصه وراح تدير بالها بزواجها الثاني

رفيجتي تطلقت من واحد يطقها بس كانو للحين بس ملجه ماخذاها والحين تزوجت من واحد اول مره يتزوج ومستانسين يموتوت علي بعض وعندهم بيبي

مو شرط المطلقه احسن ولا اللي عمرها ماتزوجت.. يفرق عالشخص نفسه

 

[شادن33]

شدراكم يمكن هالمطلقه افضل عن غيرها بميه مره
المهم الاخلاق ياحبيبتي وما عندها عيال
لا تظلمون بختكم وخليه يستخير
وبالنهايه اهو صاحب القرار

 

[انثى عاشقة]

المطلقة ميزتها واعية وحريصة ع بيتها اكثر من الي ماجربت الزواج
سواء مطلقة او بكر فيهم الخير
انتو استخيرو وربي يقدم لكم الخير
اهم شي دين البنت واخلاقها ..​

 

[لـــيل]

المطلقه مالها رب بلعكس يمكن تكون واعيه وفاهمه بس اهم شي النظره الشرعيه والاستخاره ويكون اخوك وهي مقتنعين ف بعض وهو بعد يكون واعي ومقتنع فيها مو يعايره ويبدون مشاكل والله يوفقهم يارب

 

[pink Barbie]

مافيها شي شنو يعني مطلقه ؟؟
دام البنت زينه واخلاق وسمعه بعد ليش التردد ؟
وخل يستخير احسن

انا ولا مره سمعت ان المطلقه تقارن طليقها بزوجها
وايد اعرف مطلقات رفيجاتي اعرفهم شخصيا يعني ما عمرهم قارنوا
وبعدين شتقارن اذا طليقها تقولين كله برا البيت وما طولت معاه بعد

مثل ما قلت لج الاستخاره افضل
وموفقين يا رب :**

 

[ضــمــاد]

اهم شرط انها تكون حلوه يعني بيضاء طويله رشيقه مو مليانه وبس هذي شروطه بالنظره الاولى

يقول لو بس تعرف تقراء وتكتب فقط

أسمحيلي ..

أخوج تفكيره بسيط جدا ً .. ( سطحي ) .. لانه ركز على المظهر وحذفة اشياء مهمه

انتي اذا تبين سعادة وراحة أخوج نصحيه .. قوليله الشكل بالزواج مو مقياس .. أنا ما أقول أخذ وحده مو حلوه

لكن .. اللي ياخذ وحده ويشرط مواصفاة معينه بالشكل .. غالبا ً يتعب و يخسر ..

أهم شي يركز على

1: الأخلاق 2: ثقافتها ( مستوى التفكير ) يعني ياما عرفة بنات تبارك الرحمن يقوم القمر ويقعدون مكانه من حلاهم ..

لكن لما يتكلمون .. تقولين الحمدلله الذي فضلنا على كثير من خلقه .. تركيزهم وكلامهم وطريقة تفكيرهم كله سطحي × سطحي

.. أنا طبعا ً ما أعمم .. وياما بنات جمالهم مقبول ومتوسط وعادي

لكن ماشاء الله تحسين فيهم جاذبيه .. لسانهم ينقط عسل .. ياخذونج بأسلوبهم وتفكيرهم وروحهم الحلوه

فـ المقصود من كلامي .. انه لايكون تفكيره بس بالشكل .. لازم يفكر بعقلية وثقافة هالبنت + أخلاقها + شكلها

ولكن مع الآسف البنت مطلقه وعمرها 29 سنه

ليش مع الاسف !! المطلقة أنثى حالها حال أي أنثى .. لكن ربي ماكتب لها تستمر بزواجها ..


الشي الثاني اذا البنت أخلاق + جمال ( وهذا شرط أخوج + وعقل


فـ توكلوا على الله


بس قبلها .. وعوا أخوكم .. وأن الحياة الزوجيه مو مظاهر وشكل خارجي


في حقوق وواجبات .. سالفة أبيها مغمضه وتتعلم على ايدي !! يحذفها من باله


مثل ما يبي بنت الناس تتقبله وماتحاول تغيير فيه ..


أهو بعد لازم ما يتزوج وبنيته أنه يعيد تربية او تعليم بنت الناس على ايده



عسى الله يهديه ويوفقه

 

[Patcholli]

استخيري قبل لاترشحينها لأخوج

 

[Abraaj]

وحده مغمضه؟ مافي الحين

اذا في مجرد فكرة عندكم ان المطلقة مو زينه .. لا تاخذونها وتظلمونها!

 

[بخـــارى]

شفيها المطلقه
دامها بنت صالحه وبتسعده توكلي لى الله
اذا البنت زينه ومطلقه عادي اخطبها لاخي او ولدي

 

[om3abod]

المطلقه مرات احسن من غيرها ... سوووي استخاره وسالي عن البنت عدل....
ويمكن تكون انظلمت حطي نفسج بمكانها اسمالله عليج من الطلاق والمشاكل... مو معقوله عشان البنت تطلقت خلاص توووقف حياتها... والله يووووفقهم ياااارب ويسخرهم لبعض ,,,, ولا تنسين الدعاء والاستخاره والله يكتب الي فيه الخير

 

[-فلانة-]

ياما مطلقات ينحطون عالجرح يبرا..أسنع منهم و أحسن منهم مافيه،
واحد من أهلي طلق مرته والله لي يومج هذا نقول حسافة عليها..
كانت ذهبة، بس أهوا مو كفو..
ولما يسئلون عن بنات للزواج نرشحها قبل بناتنا لأنها ذهب ذهب ذهب يا عسى الله يعوضها خير إن شاء الله..​

 

[لمى الهاجري]

اب اب

 

[حنان الحربيه]

المهم اخوك وش يبي

 

[الهام 2009]

اخوك شنو يبي اذا ما عنده مانع للمطلقة ... شوفوا اخلاقها واخلاق اهلها
واستخيروا وتوكلوا على الله

 

[كريستال]

وحده مغمضه؟ مافي الحين

اذا في مجرد فكرة عندكم ان المطلقة مو زينه .. لا تاخذونها وتظلمونها!

:eh_s(15)::eh_s(15)::eh_s(15):

معاهاااااااااااا لاتظلمون البنت اذا مب مقتنعين بها ومافي وحده مغمضه الحين

حتى النتف يعرفون كل شي

 

[ماتغير شي]

اب لعيونج

 

[ElN00R]

حبيبتي توكلي على الله انتي مقتنعه وتبين حد يايدج
على فكره المطلقه اكثر حكمه من البنات لانه هالمره بتمسك ريلها عدل لان مو وايد يتزوجون لي تطلقو مره بالله شلون مطلقه مرتين؟
بعدين اخوج الله يهديه خل يشوف المراهقات فتويتر شلون يلاحقون الرياييل بعدين يقول ابي قطوه مغمضه
الله يوفقه

 

[محبة1]

الله يسعدكم ع هالردود السنعه يا حلوات فديتكم

 

[محبة1]

اهم شرط انها تكون حلوه يعني بيضاء طويله رشيقه مو مليانه وبس هذي شروطه بالنظره الاولى

يقول لو بس تعرف تقراء وتكتب فقط

أسمحيلي ..

أخوج تفكيره بسيط جدا ً .. ( سطحي ) .. لانه ركز على المظهر وحذفة اشياء مهمه

انتي اذا تبين سعادة وراحة أخوج نصحيه .. قوليله الشكل بالزواج مو مقياس .. أنا ما أقول أخذ وحده مو حلوه

لكن .. اللي ياخذ وحده ويشرط مواصفاة معينه بالشكل .. غالبا ً يتعب و يخسر ..

أهم شي يركز على

1: الأخلاق 2: ثقافتها ( مستوى التفكير ) يعني ياما عرفة بنات تبارك الرحمن يقوم القمر ويقعدون مكانه من حلاهم ..

لكن لما يتكلمون .. تقولين الحمدلله الذي فضلنا على كثير من خلقه .. تركيزهم وكلامهم وطريقة تفكيرهم كله سطحي × سطحي

.. أنا طبعا ً ما أعمم .. وياما بنات جمالهم مقبول ومتوسط وعادي

لكن ماشاء الله تحسين فيهم جاذبيه .. لسانهم ينقط عسل .. ياخذونج بأسلوبهم وتفكيرهم وروحهم الحلوه

فـ المقصود من كلامي .. انه لايكون تفكيره بس بالشكل .. لازم يفكر بعقلية وثقافة هالبنت + أخلاقها + شكلها






ليش مع الاسف !! المطلقة أنثى حالها حال أي أنثى .. لكن ربي ماكتب لها تستمر بزواجها ..


الشي الثاني اذا البنت أخلاق + جمال ( وهذا شرط أخوج + وعقل


فـ توكلوا على الله


بس قبلها .. وعوا أخوكم .. وأن الحياة الزوجيه مو مظاهر وشكل خارجي


في حقوق وواجبات .. سالفة أبيها مغمضه وتتعلم على ايدي !! يحذفها من باله


مثل ما يبي بنت الناس تتقبله وماتحاول تغيير فيه ..


أهو بعد لازم ما يتزوج وبنيته أنه يعيد تربية او تعليم بنت الناس على ايده



عسى الله يهديه ويوفقه

اممممممممم ياحلوو كلامك وربي عقل وثقل وبصراحه جلست اتمتع واقراء هالكلام الذهب
تسلمين ع هالتعب والكلام المفيد جداا ربي يسعد قلبك ياحلووه