مطلقه محتاجتكم بشغله؟؟؟؟؟

[ابعد واستريح]

اول شي تقبل الله صيامكم وقيامكم والله يكفر ذنوبكم يارب بنات رفيجتي مطلقه من سنتين ومتقدم لها الحين واحد عمره30وشهادته متوسط ويشتغل بشركه خاصه واهي ترا اصغر منه وتشتغل اهي مو راظيه عشان شهادته كلش مو عاجبها وانا اقول خل تسال انتوا حبيباتي كويتيات شرايكم*

 

[شادن33]

وي ما عندها سالفه الريال أخلاق وافعال
وخليها اتشوفه وتكلمه يمكن يطلع مثقف عقله كبير مايهم الشهاده
يا ما ناس جامعين عقلهم صغير ما يعرفون شي وتافهين
الله يوفقها

 

[سوسو الأموره]

ايه والله صاجه اذا كان الرجال زين وماينعاب وصلت صلاة استخاره خلاص توكل على الله
وهي مراح تزوج شهادته
اهم شي يسئلون عنه اذا كفوو توكل على الله وتاخذه
والله يوفقهاا ويكتب لها الخير

 

[رتو الكيوت]

خلي الشهاده ع جنب راتبه يفتح بيت ؟

 

[semaasem]

خل تستخير

 

[Judy . abbot]

وشنو بسويلها الشهاده اذا الريال طلع مو زيين ؟؟!
حبيبتي انا اعرف شكثر بنات شهاداتهم جامعيه وريايلهم متوسطه
والحمدالله عايشين مرتاحين
اذا معاشه زين ويفتح بيت وريال ونعم فيه خل توافق

 

[انثى عاشقة]

مو مهمة الشهادة اهم شي اخلاقه ودينه
والله يوفقها ​

 

[$$king moon$$]

اهم شي الدين والاخلاق

 

[Al-RoRo77]

اذا الريال خايف ربه وسمعته زينه وراتبه ممتاز ليش لا ؟
خل تستخير قبل كل شي

 

[om-3azo-83z]

الريال مو بشهادته
لا تتكبر و توقف نصيبها على شهاده اذا خايفه ختسوي استخاره
بس لا توقف نصيبها ترا شباب هالايام معجزه اذا طلع واحد من بينهم يرضى بالمتزوجه على راسهم ريشه ما يعجبهم العجب

 

[*درر*]

مراااحب
والله رفعت معنوياااتي صديقتك يااارب توفقهاااا وتسعدهاااا وتجعله عوض سعد لهااااا
ههههه أهو ولا غيره
خل تستخيررر وتدعي ربي
وبعدين إذااا إخلااق شنوو شهاااااده و وضعه والله
والله مااتنفع أخذت الشهاااده ولا المنااصب خذت
واأحد معبي شهداأات من ببرئ وفي الآخر شنووو
فااااأسد أخلاقياااا حمد لله افتكيت منه و المعوض لله خل تستخيرررر ولاتشير نظرتهاااا مااديه ترى اهم شيء دين وخلاااق

 

[أنسأنة غير]

 

[انت غلاي]

اولآتستخير
ثانيآ اذا عيبه بس الشهاده مااحس انه سبب يقنع انه ترفض
والله يوفقها ويكتب لهاالخيره

 

[ام سالم وايه]

خل تصلي الاستخاره وتسأل عنه واهم شي الاخلاق والصلاه من اتاكم من ترضون خلقه ودينه فزوجوه

 

[شذى الحب]

الدين ثم الاخلاق

 

[استبرق الكندري]

الشهاده مهمه ما اقولج مو مهمه .. بس خلينا نرجع حيل لي ورى شنو كانت شهادة الرسول صلى الله عليه وسلم

الرجل افعال .. ياما ناس شهادات وعفسه وحمدالله والشكر ما يعرف الله وين قاطه .. قوليلها تستخير لربها والله راح يبيلها اذا ينفع ولا لا ..

وخلونا نرتقي بفكرنا ..

 

[سفيره الكويت]

والله اذا الريال زين تاخذه ليش لا بعدين رواتب الشركات الخاصه حلوه مع دعم العماله بس اهم شي تدرس الريال شالفايده تاخذ واحد شهاده ويطلع بخيل او نصاب او راعي مشاكل

 

[رآآحٺ آيآمڪْـ]

مدررَي شقولج َ

بس آلشهآده مهمه َ وخلى آهلهآ يسآلون عنهةه َ

آذآ آهله وآهو زينين توكل على آلله ومعآشه زين َ ويقدر يفتح بيت َ
وآهم شي َ تستخير يـإلغلآ ​

 

["Om 3AzOoZ"]

اهي يمكن تكون حساسه بزواجها لانها طالعه من تجربه وتبيي يكون كل شي مثل ما تبي عشان تعيش مرتاحه وينجح هالزواج والله ياقلبي قوليلها تصلي استخاره والريال اذا معاشه زين ويقدر يفتح بيت وسمعته زينه وراعي دين خل تتوكل على الله. الله يوفقها.

 

[dantella]

اذا من البدايه مومقتنعه في لاتنغصب عليه
باجر عند اول مشكله بينهم بتقول كله منكم