مطلقه سعيده أم متزوجه ة تعيسه ة ..

[خرفنوك بغيآـآبي]

مطلقه سعيده ام متزوجه تعيسه
كثير من الناس تفضل القرار الثاني
بس هل تفضلين التعاسه على سبيل بس مايقلون مطلقه
بس انتي مستآنسه وانتي مطلقه او نقول
انها كانت تجربه فاشله
وليش دايم اذا كنتي مطلقه دايم العيب فيك يالمره و
خلاص المفروض تنتهي حياتك وتقعدين في البيت
واذا تطلقتي قبل سنه اسمعي الكلااااااام اللي يطلع عليك انتي ياانثى
بس السعاده مو مشروطه ب الزواج
ينااااااس خلونا نغير هذا التفكير المعقد الناس تتطور ونحن لازلنا تفكيرنا همجي
قاهرني هذا المجتمع بتفكيره مع المرأه
( مو المجتمع كامل لكن لكن الاغلبيه كذالك)

شرايكم السعاده ام التعاسه على سبيل بس مايقلون مطلقه
نقاش مفتوح للجميع​

 

[فلنتينو]

مطلقه سعييده


وليش الوحده تعيش عمرها بتعااسه وحزن
اهم ماعلئ الانسان سعاااده ونفسيته المرتااحه
والحيااه مو كلها رجاال واعيش تحت رحمته

واذا علئ كلام الناس بطقاااااااااق

 

[black rose BH]

اكيد مطلقة سعيده وان شاء الله الله بيعوضها بلي احسن على صبرها

واذا على كلامم الناس جذي جذي بيتكلمون سواء متزوجة او متطلقة

فآهم شي راحة البـآآل والعيش بسعاده

 

[غراوي]

والله كلامج عين العقل
اعراف تغث...
ليش المطلقه ينظرون لها نظره ان فيها شي موزين حرااااااااااام ليش جذي
بس مستحيل تغيرين نظرة هالمجتمع الغبيه يمكن انتي نفسج لا شعوريا لو باجر ولدج قالج بتزوج وحده مطلقه وعنها بنت او ولد بتقولين ليش اخذ بنت

انا اشوف الطلاق دمار كبير ومفروض مايصير الا اذا كان في مشاكل مستحيل تنحل

بس في بنات يطرون يرضون بنار الزوج لان بيت اهلها يا يكون كله مشاكل وهم وغم فتقول عالاقل هم انسان واحد وقلعته يطلع ولا يخربط كافي اني بروحي ولا ارد لبيت كله مشاكل وفوق هذا بينظرون لي نظره المطلقه التعيسه

كل بنت ولها ظروفها والله يعين الجميع ولا يحطنا يااااااااااااااارب بتجربتهم

 

[Tom ♥ Jerry]

.



اكيد مطلقه سعيده ..
السعاده احلى شي الحياه :$

 

[أحلى من الخيال]

أكيييييييييييييد
مطلقة و سعيدة​

 

[PuPa^^SWeeT]

الله لايقوووله





بس بالصيغة اللي ذكرتيها مطلقة سعييدة



بس الحمدلله بزواجي انا لنا نكبات ولنا فرحات



الحمدلله

 

[الزورق222]

تحاول المرأه ان تبحث عن راحة وسعادة سواء كانت متزوجه او مطلقة او اى لقب يذكر المهم السعادة لكن مجتمعنااا للاسف يحكم بالمظهر فقط المطلقة فى مجتمعناا ويلات الالسن فربي يعين اخواتنا المطلقات مع ان اكثر من يهاجمهااا هى المرأه التى من المفروض ان لاتضحك ولاتستهزأ خوفااا من ان تصبح مثلهاااا ..
حاولوا غيروااا طريقةاسلوبكم ونظرتكم للمرأه على فكرة الرجل ليس قاسى بحكمه على المرأه فهو رجل حكيم ويعرف ان اغلبية من تطلقت وهدم مستقبلهاا ممكن يكون 90 بالمية هو اى الرجل والاسباب معروفة لاتستحق ان تذكر فى هذا الموضوع ...
تعجبنى المرأه التى لاتلتفت لاغبياء مجتمعنا من نساء ..
متى يتغير هذا المجتمع !!! مامليتوااا من التفكير العقيم ..
مااجمل ان نعيش فى سعادة ونترك الناس فى حالهاااا ..
باالنسبة لى على حسب التعاسة فى الزواج التعاسة درجات هههههههه يمكن افضل ان اتطلق واحصل على سعادتى على ان اعيش مع رجل هو السبب فى تعاستى لكن اى تعاسة تقصدين ..( الموضوع متعلق بمستوى التعاسة )

 

[جولينار]

حتى وان كانت المطلقه سعيدة


لابد لما تدخل غرفتها وتختلي تبكي وان كانت سعيدة بهالطلاق


لان الطلاق يكسر البنت وهذا الواقع




طبعا الحياة ماتجي للواحد ع الكيف


لا المتزوجه مرتاحه 100 % ولا المطلقه راح ترتاح 100%


في حال استحالت العشرة مع الزوج واصبحت كدر بكدر وجربت كل الحلول ولا نفعت


وقتها استخير لانه ابغض الحلال


واتوكل على الله واكون مطلقه شبه سعيدة



طبعا بعيد الشر عني وعن خواتي الله يتمم لنا حياتنا ع خير يارب

 

[الحــــياة]

اكيد مطلقة سعيده

الناس نظرتها تغيرت ونظرتهآ ارتقت

اقعد مع زوج يعل قلبي ومعاملته زفت او اخلاقه زفت ولاني مرتاحه عشان الناس ونظرتهم !!!!!!!!

ليش بينفعوني؟

لا والله مطلقة سعيده ولا اعيش بشقى طول عمري واكل نفسي بنفسي بآخر شي انا امرض واتعب وهو مافيهم الا العآآفية

الحمدالله المرا الحين مو ظايعه وظيفة وخير والحمدالله مو نفس قبل المراه راس مالها زوجها !!!

الصبر مطلوب اكيد بالحياة الزوجية بس موإلي لايطآآآق !!!

يعطيج العافية على الموضوع..

 

[دلوعة أبوهآ]

لو نتحرر شوي من تفكير آلنآس وشيقولوآ عنآ !! كآن احنآ برآحه تآآآآآآآآآآآآآآآمه

..

آلمتزوجه وتعيسه رآح تجبر نفسهآ ع هآلزوآج وتضحي بعمرهآ عشآن كلآم آلنآس وانتقآدهم !!

لكن بآلمقآبل بتكون خسرت رآحتها وكرآمتهآ وحريتهآ ..


آمآ آلمطلقه بتكون آختآرت حيآتهآ ورآحتهآ وآرتقت عن آلنآس وكلآمهم ..



" إرضآء آلنآس غآيه لا تُدرك "

 

[لحظآتَ]

الناس بكل اوضاعها متكلمة
الناس شبيسد أفواههم من الكلام يعني؟
ما يسدها الا اللي خلقهم
يعني زواجج التعيس ماراح يسد حلوقهم !


لذلك من غير شر مطلقة سعيدة ... ولا زواج تعيس وفاشل !!!
الإنسان مخلوق حُر ... متى ما استسلم للقيود والعبودية ... فهو ما يستحق هالحُرية البشرية !!!
حاله حال البهايم اجلكم الله

طبعا اتكلم عن الزواجات الفاشله اللي كلش ماينفع وياها الصبر والتغيير ...

 

[ام فواازي]

انا اقول متزوجه تعيسه لان مصيرها بترتاح مع الصبر والثقه بالله
المطقه مهما ارتاحت بطلاقها بتظل عليها قيود من اللي حولها والكل بتأمر عليها من اخوانها لو متزوجه محد له كلام عليها الا زوجها ومصيره بيرد لها مع الايام حريم اول شلون كانت حياتهم شقى وتعب ومع ذلك صبرو اما الحين ياساتر مافي وحده تصبر الرجال مايجي تفصال عالمزاج لازم الصبر
هذا رايي

 

[عن النسآ أفرق ~]

-



مطلقه و سعيده . .
اكيييد بيكون الاحسن ،
واذا عن الزوج ربي يعوضها بالجنه ان شاءالله . .
دمتي

​

 

[ʘɱ_ ᎯᏰᎾᎾᎠᎽ]

انا مع اختي ام فوازي متزوجه تعيسه بكل كلمه تقولها*