بنات انا حدي متضايقة وصاكة الدنيا فيني كل يوم بهم المهم بقول قصتي باختصار وش الي مضايقني انا مطلقة بعد زواج 8سنوات بسبب اني مااجيب عيال حسب كلام الاطباء لي اني عقيم ورديت بيت اهلي وقلت لبوي يبه توبه خلاص مابي زواج وش الفايدة اذا مافيه عيال المهم وانا مابعد كملت العدة صار يجوني خطاب لاني بحسب راي الي حولي جميله وانا كنت ارفض وكان فيه واحد لازق لابوي لزقه ليل ونهار يطلب ايدي قاله ابوي ماتجيب عيال قال مومهم مابي الاهي وانا مابيه وهو متزوج وعنده عيال وشباب وغني واخلاق يعني لقطه بس انا شلت الزواج من بالي لاني مصدومة من زوجي الاول كيف باعني ورماني بعد ما وقفت معاه وعشت معاه على الحلوة والمرة وكل ذكرياتي معها احس اني خلاص مالي بزواج ابد المهم بعد ضغط كبير من ابوي وامي واخواني وافقت بعد ماطاح ابوي عندي يترجاني علشان اوافق علي الجال الزقة تم الزواج وطلع الرجال خوش رجال قايم فيني ومومخلي علي قاصر ومدلعني وانا احاول اتكيف مع الوضع الجديد المهم اني انا وياه البارح نسولف عن زواجنا قالي انا حبيتك وخطبتك علي الرغم من عيوبج قلت شنهي عيوبي قالي ماتدرين قلت لا قال مطلقة وكبيرة بالثلاثين وماتجبين عيال سكت ومارديت عليه وقلت له انا شكلي صغيرة وانته سبق وقلت انتي شكلج 20سنه والعيال من الله ومطلقة موذنبي ان ماتوفقت في تجربتي الاولية
شرايكم بنات في ردي كنت اقدر اقوله دامك تدري بعيوبي ليش تجي تخطبني تراي ماغصبتك ولاطقيت بابكم علشان مايحقد علي صحيح اني ما احبه بس ودي اعيش بسلام بدون مشاكل لاني تعبت زوجي الاول تعبني حيل وبس
شرايكم بنات في ردي كنت اقدر اقوله دامك تدري بعيوبي ليش تجي تخطبني تراي ماغصبتك ولاطقيت بابكم علشان مايحقد علي صحيح اني ما احبه بس ودي اعيش بسلام بدون مشاكل لاني تعبت زوجي الاول تعبني حيل وبس
