مطلقة مستحيل تاخذها

[بسبوسة بالعسل]

شلونكم بنات
منو صار معاها هالشي كانت متزوجة وتطلقت وكانت مظلومة
وشافها ريال بس عمره ماتزوج ويبيها بس كان رد آهلة
ليش تاخذ مطلقه انت بعدك اخذلك بنت بيوت :rgewrg::rgewrg:
وهل انتو ترضون اتزوجون عيالكم وحدة مطلقة
وقبل لاتجاوبون حطو نفسكم مكان المظلومه:bbbiu:
يالله نبي ردودكم:ggdw:

 

[Model Look]

حبيبتي انا عارفه احساسج

بس اغلب الامهات يبون لولدهم اللي عمره ماتزوج بنت مو متزوجه من قبل

تكون تجربتها الاولى معاه

وتبين الصراحه من حقه وامه يمكن ترفض المطلقه مو عشان عيب فيها

وترا حتى مطلقين امهاتهم تلقين يحاااولون يزوجونهم بنت مو متزوجه من قبل !!

فمابالج بمو متزوج اساسا ً

 

[بسبوسة بالعسل]

حبيبتي مشكوره على مرورج
انه الحمدلله متزوجة هالموقف صائر مع حماتي مسكينه

 

[فلنتينو]

شووفي حبيبتي للاسف المجتمع مايرحم وقاسي
والمرأه المطلقه انا انظر لها مظلوومه اجتماعيا
ماتقدر تاخذ ولد وحتي لو بيخطبها الناس اللي حووله مثل ماقلتي
انت ولد ليش تاخذ مره سبق لها الزوااج
فأغلبية الناس اذا مو كلهم يرفض انه تزوج ولدها مره مطلقه

 

[بسبوسة بالعسل]

حبيبتي اعرف وحدة مطلقه ٣ مرات وحذت واحد مومتزوج

 

[فلنتينو]

8
8
8
نصيبها
انا رفيجاتي 2 مطلقات اخذوو مو متزوجين

 

[بسبوسة بالعسل]

صح
يعني موعيب ولاحرام
ليش هالنظره

 

[* ملكني الخوف *]

اعرف وحده مطلقه عندها ٤ عيال صغار من٢ الى٤ سنوات اعمار عيالها تزوجت ولد الله يهنيها بس ملكه جمال ماشالله

 

[miss-toota]

انا اشوف انه هالشي عادي

والزمن الحين غير عن قبل الحين صارت المطلقه عادي تاخذ واحد مو متزوج

بس قبل كان تفكير الناس متحجر شوي ...

 

[بسبوسة بالعسل]

الله اهنيها
هل اهل الزوج اكلمونها لهم علاقه فيها

 

[غلاي رورو]

عاتي حبيبتي انا اختي كانت مطلقه وعندها ولد عمره 6 سنين ماشاءالله وقبل 3شهور تزوجت واخذت ولد مو متزوج وماشاءالله مستانسه معه بس والله كلام العالم مايرحم انها مسكينه تسمع كلام ورمي حكي من الحريم الله يكون بعونها يارب

 

[* ملكني الخوف *]

بالعكس ترا الحين اكثر المطلقات مطلقينهم ظلم عسى الله يرزق كل مطلقة مظلومه بالزوح الصالح ياااارب

 

[بسبوسة بالعسل]

حبيبتي حتى الحييين لانه هالموضوع صاير عندنا من يومين
يبيها واهله رافضين

 

[بسبوسة بالعسل]

غلاي رورو
الله أعين اختج
وصدقوني هالحريم الي يتكلمون لو وحده صاير ابنتها جذي ماتكلمت

 

[* ملكني الخوف *]

الله اهنيها
هل اهل الزوج اكلمونها لهم علاقه فيها

شوفي حبيبتي اهل الزوج سواء بنت ولا مطلقه لازم في مشاكل الا اذا كانت الوحده تعرف شلون تعاملهم بالطيبه وغيره يعني تاخذ قلوبهم هاذا شي ثاني

 

[بسبوسة بالعسل]

حبيبتي مشكوره

 

[ازمه وتعدي]

ثنتين يصيروووون لى حيييل

وحده منهم عندها 5 صبيان وبنت تزوجت ولد مو متزوج قبلها ويااابت منه 4 بنات وولد ماشالله تبارك الله

والثانيه تزوجت واحد وتطلقت منه ما تبيه والذانى هوو ما كان يبيها ويابت منه ولد وتطلقت وهاااااذى هى تزوجت ابو بناتها ولد مو متزوج قبلها اى بنت يعنى اهووو رقم 3 بحياتها وقعدت عن الخلفه مو قادرة تحمل ومع ذلك مااشاء الله تبارك الله عايشين والحمد لله مااعندهم ذيك المشاكل

صج الاهل معارضين لكن تااااالى رضوو بعد ماصار في يهال

الله يوفق كل بنت ويحقق لها اللى تبيه

واللى تتشمت بالمطلقه ما تضمن انها تكوون بيوم من الايام مكان هالبنت وتنرفض من اهله

خاافو الله

ياااربي شكثر نقسى على بعض بالحجى والتفكير

بعض حريم قلبها اقسى من الصخر وتقط الكلمه ولا تحسب حسابها​

 

[بسبوسة بالعسل]

صح كلامج
مومن شوي اكثر اهل النار من النساء

 

[aldanaha]

انا اعرف مطلقات خذوا شباب مو متزوجين مساله نصيب
بس مالج غير الدعاء والله يهدي اهله ليش
انا اشوف مافيها اي شي

 

[أحلى البشر]

شوفي حبيبتي انا مطلقه ومظلومه والحمدلله على كل حال عسى الله يعوضنا خير بازواج صالحين

اما سؤالج الثاني بخصوص لو عندي ولد ماتزوج من قبل اكيد بزوجه بنت ماراح اقبل انه ياخذ مطلقه اما لو اهو مطلق كيفه ياخذ مطلقه