مطلقات و رجعتو حق رياييلكم عفيه تعالو

[جلكسيه اس 3]

السلام عليكم و رحمة الله و بركااته

بنااااااااااات الموضوع امبين من العنوان

للمطلقات اللي تطلقو وردو حق رياييلهم

ابي شنو الشي اللي داومتو عليه وخلاكم
ترجعون حق بعض مثل ادعيه او قراة قران ايه محدده
عفيه لا طنشون

والشي الثاني امانه ادعولي
ترجع الامور مثل ما كانت
:eh_s(11):

:eh_s(7):

 

[Om_Ksha]

حاولي تعالجين الامور لا تحاولين تتطلقين وتردين ،، الافضل الحين قبل لا تتطلقين

 

[سحـورة]

ياارب بهاليوم المبارك انكم ترجعون حق بعض ..
و تنتهي كل الحساسيه اللي صايرة بينكم ,
ادعي واايد وإقري البقره لمده 40 يـوم
و ان شاء الله ماتشوفين نفسج إلا وانتي ويـآه
الله يسخرلج اياه

 

[جلكسيه اس 3]

ام كشه مشكوره
اهو ريلي قدم للطلاق
بس مادري اتوقع الطلاق يطول
والله قاعده ادعي ربي عشان اليهال مو عشاني
سحوره مشكوره ياقلبي والله قاعده واقرا البقره
الله يكتب لي الخير يارب

 

[كادى الحب]

اللة يهدىة

 

[الأميرة جوري]

الله يهديه ...

 

[تعبت اداري...~]

رًبِ يكتب لج الي فيه خير وصلاح لج بدنيا والاخره
اسئل الله العظيم إذ كان لرجعوج لزوجج فيه خير لج ربيي جمعكم ببعض علي خير ان شاء الله

 

[تعبت اداري...~]

http://www.q8yat.com/t840029.html#post23729273
هذا الموضوع بفيدج وآآيد إن شاء الله​

 

[انا لحبيبي .]

طيب حبيبتي انتي كلمتيه؟؟ ولا هو رافض الكلام؟ انا بتزكر قصتك بس حكيتي انه بدو يطلق بس لسه ما طلق

ما حاولتي تكلميه؟ الله يسخرلك ياه يارب العالمين

 

[بخـــارى]

لاتذكرين الماضي جدامه بس تعلمي منه
تقربي من ربج اكثر
ان شاءالله مايطلق وترجعون لبعض يارب

 

[FeShinGoOo]

انشالله البنات يفيدونج انا مادري بس اتوقع صورة البقره ويس لهم مفعول عجيب بتيسير الامور والحفظ والتحصين وكلام الله كله خير وبركه بس هالسورتين انا جربت فضائلهم شخصياً يوم واضبت عليهم

 

[جلكسيه اس 3]

مشكورين بنات فديتكم والله يوفقكم يارب

حبيبتي والله انا ماتوقعته يكون ناوي من صج يبيعني

خلاص الحين اهلي قالو له تبي اتردها كيفك واذا ماتتبي
هم كيفك السالفه مو غصب

بخارى مو بس الماضي حتا لونرجع ماراح افتح له قلبي
يعني ينسا انكون مثل اول كنت اقوله كل شي
بس الحين عرفت انه المره الي اتقول كل شي حق زوجها
غبيه والله غبيه
وانه الريل اللي يقول واله احبج مهما صار ترا كله حجي فاضي
والله ينسا وجنا العيد ويدور له وحده ثانيه ينسا انه كانت فيوم انه ام اعياله

 

[ضحكه طفل]

الله يكتب لج اللى فيه خير لج يارب

 

[قلبي ابيض]

انا ماعمري انفصلت بس في وحدة اعزها مرت بهالتجربة وتجاوزتها ورد لها ريلها وتغير للأحسن تدرين اشلون ؟؟

بالصدقة + صلاة الثلث الاخير من الليل

 

[aṕriliå]

الله يهديكم وريسخركم لبعض

 

[جلكسيه اس 3]

مشكورين بناااااااات
بس يليت يتسكر الموضوع
لانه خلاص ريلي ما خلا كلمه ما قالها عني
للاسف
بعد كل هذا ما ابي ارجع له لان قلبه حقود
واحد متذكر كل اغلاطي و ناسي حسناتي وطيبتي
الموضوع بالنسبه لي منتهي

 

[حزن الليل]

الله يهديه لج ويسخره ياحي ياقيوم

 

[ترجمة احساس]

ياارب بهاليوم المبارك انكم ترجعون حق بعض ..
و تنتهي كل الحساسيه اللي صايرة بينكم ,
ادعي واايد وإقري البقره لمده 40 يـوم
و ان شاء الله ماتشوفين نفسج إلا وانتي ويـآه
الله يسخرلج اياه

معاها والله يهديه ويسخره لج يارب

 

[ديانا سبنسر]

الله يصبرج ويعوضج يارب

 

[اختكم بالله]

الله يهديه ويسخره لج يارب