مطعم لطبخ الولائم انما اييييه .....

[خبيرة اعشاب]

هاي يا بنات


عاد طحت لكم على مطعم يسوس ولائم و ذبايح ...و الله رح تشكرونني عليه


انه مطعم المملكه ...لف فررع بالجليب و المهبوله ...و فررع بالرقعي جديد بس انه للحين مو مجهز

اداره يمنيه و طباخين يمنيين ...مسلمين الشي اللي يخليج ترتاحين للنظافه و الجوده


العيش كنتري اكس لارج

الذبيحه الوحده يطبخونها ب 20 دينار و ترفق معها جريش و مررق يهههبببل +معبووج +ماء صحه ........


غير هاذي و هاذيك طبخهم كانه من البيت لا و بعد احلى من طبخ البيت صدج يرففع الراس ...و انا اليوم سويت عندهم بس اني خذيت صحوني الكشخه خليتهم ينشبون لي فيهم ..و الله كل اللي حضروا عزيمتي طلبوا رقمه ....


بس حبيت اعلمكم عنه لانكم خوات و عزيزات ...و تستاهلووون


و اللي تجربه تقول رايها عاد

 

[asaayem]

مشاركة: مطعم لطبخ الولائم انما اييييه .....

تسلمين اختي ما قصرتي و عساج عالقوه

 

[ساندى]

مشاركة: مطعم لطبخ الولائم انما اييييه .....

مشكورة سولى عليج حركات تعجبنى وراح نجربة تسلمين

 

[خبيرة اعشاب]

مشاركة: مطعم لطبخ الولائم انما اييييه .....

حياكن الله ....

 

[صمت الهدوء]

مشاركة: مطعم لطبخ الولائم انما اييييه .....

مشكورة وتسلمين والله شوقتيني بس بعيد علينا اللي يسمعني يقول هذي تحب الذبايح

 

[طال السكوت]

مشاركة: مطعم لطبخ الولائم انما اييييه .....

كم رقمه اختى؟

بدالتنااااااااااااااا فااااااااشله؟اذا ندق ما يردون.....واذا ردوا ما يبردون الجبد؟

لوسمحتى اذا الرقم عندك حطيه

 

[حلوه ومزيونه]

مشاركة: مطعم لطبخ الولائم انما اييييه .....

عندهم توصيل

وطبخهم مندى والا عادى ؟؟

مشكوره اختى

 

[خبيرة اعشاب]

مشاركة: مطعم لطبخ الولائم انما اييييه .....

هاي

هذا رقمه 4317703/4317704

و يسووون مندي و قوازي و برياني و الاسماك بانواعهاااا

و في له افررع نفس ما قلت لكم بالجليب و المهبوله و الرقعي و يوصل لكل المناااطق ..و ممكن اذا عندج ذبيحه يجونج للبيت ياخذونها منج يطبخونها و يجيبونها لج في الوقت اللي تحددينه لهم بالضبط ...

و ترى نفس ما قلت لكم طبخ صدج يبيض الوجه ...و عليكم بالعافيه

 

[جكورة]

مشاركة: مطعم لطبخ الولائم انما اييييه .....

ماقصرتي سولي....


اللــــــه يعطيج العافيـــــه...

 

[العنود2]

مشاركة: مطعم لطبخ الولائم انما اييييه .....

سولي --قصدج ادفع بس 20 وعليه العيش والجريش--ومني الذبيحه زين كم صينيه--وكم ماعون جريش --والحجم

طولتها بس ابي بالتفصيل الممل --لو سمحتي--الله يعطيج العافيه -

 

[خبيرة اعشاب]

مشاركة: مطعم لطبخ الولائم انما اييييه .....

سولي --قصدج ادفع بس 20 وعليه العيش والجريش--ومني الذبيحه زين كم صينيه--وكم ماعون جريش --والحجم

طولتها بس ابي بالتفصيل الممل --لو سمحتي--الله يعطيج العافيه -

هلا

تدفعين بس 20 دينار على الذبيحه كامله ...العيش انا كنت طالبه صحن حق الرجاجيل مفطحه و صحنين للحريم ..و انا طبعا مواخذه صحوني اللي مال الرجاجيل كرسي الكبيييييييير ..و مالات الحريم هم بعد كبار
الجريش ما ادري بالضبط جم ماعون جاب لي ...بس يمكن 20 واحد و المرق جابو لي جدر كبير ( بالتفصيل الممل فيه كوسا و باميا و بطاط و قرع و لوبيا ...) و حجم مواعين الجريش كبر مالات الشوربه اللي يحطونهم المطاعم ويا وجبات العيش ...

و كرتون ماي صحه ....

و العيش اهم شي تراه كنتري اكس لارج ......

و يا بنات انا ترى بس حبيت افيدكم ...لاني كذا مره اتفشل لو اطبخ عند مطعم مو زين او عند مره تلعب لي في ذبيحتي ... مع العلم اني انا قبل كنت اسوي قوازي بس مليت من الطبخ صراحه و الحر بعد ...صارت شغله لا تطاااق ....

احسن شي اذا عندج ذبيحه وديها لهم يطبخونها و انتي عاد بدعي بالحلو و السلطات ...

 

[عالية الشان]

مشكوووووووووووووووووووورة

مشكووووووووورة


مشكوووورة


والله أنج تهبلييييييييين توني متوهقة وقاعده أدور على مطعم يسوي قوزي ولقيت موضوعج يعطيج العافية

 

[خبيرة اعشاب]

حياج الله نبع الطفوله ...

عاد لا سويتي عندهم علمينا شنو صار وياج ؟؟

يوم الخميس الي طاف سويت عندهم نص ذبيحه ( صحنين فقط ) ب 10 مع المرق و الجريش و ماي لصحه ...........

ادمنتهم صراحه

 

[أم جوري]

السلام عليكم ورحمة الله وبركاته

مشكورة ام خالد

تصدقين ذاك اليوم مريت عليهم عندنا بالمهبولة قلت ليش ما اجربهم بس مدام نصحتينا فيهم بجربهم

 

[لؤلؤية]

مشكووووووووووووووره

 

[واحشنى موت]

مشكوووووووووووووووووره

 

[سنابل]

يزاج الله خير اختي ما تقصرين

مادري أنتي مجربة الخليج و لا لا.. بس كل مرة نطلبه اذا صارت عزيمة ، خوش قوزي عنده

 

[همسات ليالي]

يعطيج العافيه

صج

الله يزاج خير

وعسى افراحكم دايمه

 

[b6o6a]

مشكوره ...

 

[روزالكويت]

يابعد قلبي والله ميرسووووووووو