مطعم تراينجل باسواق القرين لالالالالايطوفكم

[ABoOoBA]

السلام عليكم بنات

راح ادش بالموضوع على طول

طبعا هالمطعم واصلني ايميل

واليوم رحت جربتة وااااي يمي لذيذ


تفضلووو

مطعم كويتي شبابي يديد في أسواق القرين فكرته غريبه وحلوووووووووة

أفتتح في شهر مارس 2010 ..

كل الاكل يحضر بمطعم تراينجل وزيادة على هذا والاهم الصمون ( الخبز ) يطلع من المخبز على طول على المطعم

و الماجلة تنشرى كل يوم بيومه !!

وهذا مهم حق اهل السلطااات



يعني فريش 100%





الفكرة اليديدة بالمطعم انه جميع المنتجات سواء ( ساندويش + برجر + كيك ) بالاضافة للكارتون

كله على شكل مثلثات وهالشي يعجب الكبار قبل الأطفال
صراحة لأنه شكله يشوق


تقدر تطلب :

سلطات بأنواعها - مقبلات ( ناتشوز - أصابع مازوريلا - أصابع كالاماري - أجنحه دياي - بطاط بالجبن .... ) - ساندويش - كلوب ساندويش وفي منها ميني كلوب ساندويش - برجر وميني برجر - و ستييكات



راح أحط المنيو اخر الايميل بس نشووقكم شووي





ونسيت اقووول

المطعم يوصل لجميع مناطق الكويييت ( مجاااني ) ....



والحين ناخذ جولة على الصور و نوعية الأكل اللي عندهم :

المقبلات :

ناتشوز على الطريقه الإيطاليه

أجنحة دياي بصلصة البافلو

وفي بدون عظم " Bonless

اصابع الموزورولا حده من صج !

فرايد كالاماري




بنات بليز لحد يرد عشان الموضوع يصير متكامل :dddds:

 

[الخشف النداويه]

الصور مو طالعه

 

[ABoOoBA]

البرجر :



تقدر تطلب حجم عادي و في ميني برجر للذرابه

هذي الميني برجر ( heavy )

واييييييد حلوة

( bacon ) البرجر بصلصه الباربيكيو ومعاها بيكون

hongo mini bugar

هونجو ميني برجر

مشروم مشوي( طازززززج ) مع بصل مكرمل

جكن سيزر راب

حدها خفيفه ولذيذه

نطروووووني بنات خل اكمل بعد في شوي _03BA:

 

[ABoOoBA]

السلطات الفرشششششش

الشئ الحلو ان لمه تطلبون السلطه كل شئ محطوط بروحه وعليها تاريخ الانتهاء بعد !!

سلطة الجرجير

كراب سالاد, قباقبببب,

سلطة يونانية

سلطة مكسيكية مع صلصة honey mustard

" الخردل مع العسل "

وهذي البيستو باستا, حدها قويه

 

[ABoOoBA]

الحلو :

مو مثل أي تشيز كيييك هذي عذاااااااب صج صج لذيذه

تشوكليت كيك




هذا المنيو كامل

هذا موقع المطعم :



http://www.triangle-kw.com



والمطعم له صفحة على الفيس بوك ( لربع الفيس بوك )



http://www.facebook.com/?ref=logo#!/pages/Triangle-R-Restaurant/381777702784?v=wall&ref=ts



توصيل مجاني:



25471313

55504086



جربواا وعطوني رايكم

 

[ABoOoBA]

يعطيج العافيه حبوبة على المرور

وحاولي سوي ريفريش لانهم مادري طالعين عندي

 

[الملكة كوكو]

الصور مو طالعه بس دخلت السايت ,, الله وناسة عاد يمنا المطعم بس بسألج يعني في قعدات ؟

 

[so_what]

مو طالعه الصور ، يسلمو حبيبتي

 

[Om_Ksha]

ماكو صور .. يعطيج العاافيه

 

[*لامار*]

يسلموووو

 

[أم حمودي**MALL**]

نو صور

 

[ABoOoBA]

:ssssso:وي ليييش

وحبوبة الصراحة انا مارحتلة دشيت انا رحت طلبت

بس ماجيكت على المطعم اذا في قعدة والا لا:23_asmilies-com:

يعني كنت بالسيارة وطلبت

 

[حور الروقي]

وانا بعد مو طالعه بس اذا بروح راح اطلب من عندهم

وثانكس

 

[خاطر مذبوح]

مع ان موضوعج توه يديد بس الصور مو طالعه
الظاهر موقع التحميل اللي حملتي فيـه خلل منهم
يعطيج العافيـه حبوبه و ودي اجربه دام انه يمنا حيل ..
عليكم بالعافيه

 

[♥√طمـوحي غيـر√♥]

حبوبه الصور مو طالعه حمليهم بالعملاق

 

[toot^o^mishmish]

الصور موطااالعه
موفقة ان شااااءالله

 

[*الزينه*]

ماكوصور حسافه

 

[مس دلال]

نو فوتو

 

[كميثره]

؟؟؟؟؟؟؟؟؟؟؟؟

 

[سعادتي برضى ربي]

انا طلبت منه مرتين مره جربت الهمبورقر ومره الجكن كانت تجربه حلوه ولذيييييذ