مشرفة القسم ( snow angel )
السلام عليكم
البارحة مسوين عزيمة وكان مطبق البريد أحد الأطباق اللي مسويتها ونال الاستحسان
ولذلك راح اسجل طريقته لكم
.
.
مطبق البريد
مطبق غير..lol
المكونات مع الطريقة ..
نغمس البريد المزالة حوافه بالحليب المملح ثم يصف في صينية مدهونة
تفرش فوقه طبقة بطاطس المقلي مكعبات وفوقه جبن مبشور أو جبن صفايح أوأثنينهم للاستمتاع بالاجبان
ثم تفرش الحشوة فوقهم (لحم مفروم محموس مع بصل حساوي أو اي بصل مع كثير من البقل )
وبعدين تصف طبقة أخرى من البريد المغمس بالحليب وفوقها البطاطس والجبن وحشوة اللحم
وآخر شي صبي بيضتين ع الوجه .. ودخليها الفرن
ملاحظة :.
ممكن تستغنين عن حشوة اللحم في آخر طبقة
وتسكبين على الوجه بيض+حليب ((يعني على البطاطس والجبن))
صحة وعافية
هذه صورة الطبق قبل مااسكب البيض وادخله الفرن
وهذه صورته وانا اجهزه للتقديم
زين مني خذيت هالصورة على عجالة
التعديل الأخير:
