مطبخي مفتوح ع الصاله..، ساعدوني:(

[همسه@@]

السلام عليكم
شلونكم؟ ان شاءالله بخير

أنا بصير عروس بإذن الله الشهر الجاي
وعرفت ان مطبخ شقتي مفتوح بالكامل ع الصاله
ولا نقدر نسكرة طبعا
وانا اكره مالي ريحة الطبخ في البيت..،
بغيت تساعدوني اذا عندكم افكار او شغلات تقلل من انتشار الريحه اثناء الطبخ
أنا سمعت ان الوحدة تشغل شمعه !! ماادري عن هالمعلومة؟

 

[همسه@@]

وينكم بنااات

 

[الـحـ الاول ـب]

حطي شفاط وما اعتقد ان في شي احسن من الشفاط
وممكن تبطلين الدريشه
وبنفس الوقت اشتري جهاز ايرويك البخاخ وخليه يشتغل
وهم بعد شغلي فواحه وشموووع

وقبل كل شي بما انج عروس يعني مو طابخه من اول اسبوع
حاولي تثبتين ريحه البخور والخلطات بشقتج
بس اختاري الخلطات الحلوه والقويه نفسي ومهما تسوين تبقى ريحه شقتج الاوليه

مثلا انا كنت كلا ابخر من بخور معاريس ومعمول القرشي اللي بـ 25
وعود مبخر من اجمل وخلطاتي انوع طبعا لاشبيتي البخور ابدي رشي الخلطات
بس قبلهم والبخور شغال انتي تكونين تمسحين الارضيات يعني دام الارض رطبه بتمسك بالريحه

ولليوم هذا لي سنتين من عرسي كل يوم لامسحت الارضيات شببيت بخوري ورشيت خلطاتي
انا احط اكثر من وحده بنفس الوقت بس طبعا لاسافرت والا رحت اهلي طبعا قبل لا اروح اكون مبخره شقتي
بس لارديت ما اشم الا الريحه الاوليه والحلو ان كان الصبغ بشقتي توه رطب فمسك بالريحه

واسفه على الاطاله بس حبيت افيدج

 

[noynoy]

نفس حالتي
و الريحه تقعد لي باجر
انا ابطل الباب و ابخر و اعطر و تخف الريحه بس ما تروح لان ماكو شفاط
يبيلي شفاط كبيييير

 

[aldanaha]

رد : مطبخي مفتوح ع الصاله..، ساعدوني

لخلصتي من الطباخ يمه قفشع فانيلا وحطيها بجدر عنون وخليه يفور اتروح الريحه بس الشفاط العود تييربو انا شريته وايد ريحني

 

[لؤلؤية]

رد : مطبخي مفتوح ع الصاله..، ساعدوني


8

8

نفس اللي باقوله

حطي شوية فانيليااااا على جدر ماي صغير
وحطيه على النار وقصري عليها
تصير الشقة ريحة فانيليا

او حطي دارسين بدال الفانيليا

 

[ام العبايه]

رد : مطبخي مفتوح ع الصاله..، ساعدوني

ركبي شتر وسدى الفتحه ...............

 

[همسه@@]

مشكورين ويعطيكم العافيه
ماقصرتوا

 

[قمر الكويتية]

رد : مطبخي مفتوح ع الصاله..، ساعدوني

حبيبتي إختي مطبخها يم الصاله بس مو مفتوح عليها وعشان تفتك من الريحة شرت شفاط كبير مستطيل يوضع أعلى الشوله شرته بقيمة تقريبا25 دينار من الغانم والغانم يو بيتها وركبوه لها وعلموها عليه ووايد إرتاحت من ريحة الطباخ
وأنا ما أطبخ في مطبخي مع إن مطبخي كبير وبعيد عن الصالة ومركبة فيه الشفاط عادي بس إذا صار عندي غلي أو طباخ بيتي وايد تصير ريحة طباخ و حتى إني فكرت أركب نفس إختي بس إن شاء الله مستقبلا
لأن ماشاء الله مريح و إختي تطبخ في مطبخها وما تشمين ريحة الطباخ
و أخيرا يارب يوفقك بالزواج ويسخر لك زوجك ويهنيك ويسعدك

 

[فديت قلبه]

سيم .. سيم..

بس انا شغاله مو ملحقة على البخور والخلطات والكومفورت والكلونيا للمساح

 

[ice mo0oca]

رد : مطبخي مفتوح ع الصاله..، ساعدوني

حبيبتي انا بعد مطبخي عالصالة انتي خلي مكان الجولة صوب الدريشة وحطي شفاط صدقيني الريحة بتطلع اول باول (هذا مطبخي شوفي مكان الجولة وين)

 

[الباسمه]

لازم شفااااااااط