مطاعم ديزني لاند ..

[أمل المنصوري]

عندي استفسار حق اللي راحوا ديزني لاند

انا ان شاء الله بروح فرنسا بعطلة الربيع
وبمر ديزني حق اليهال
وحجزت في فندق ديزني لاند ومعاه عرض
الغدا او العشا مع شخصيات ديزني طول مدة الاقامة
بغيت اسال هل اكلهم حلال
وله لا
هل اخذ راي الفتوى ( الاكل من طعام اهل الكتاب حلال )
ريحوني .. ونصحوني
واذا لا
شنو البديل للاكل في ديزني
باريس ماعندي مشكلة فيها .. أدل المطاعم
استفسار ثاني عن لندن
منو جربت السكن بفندق MONTCALM
34, Great Cumberland Place, Marylebone, W1H 7TW لندن (اعرض الخارطة)

يصير ورا الكمبرلاند

 

[معشووقة السفر]

بالسلامه تروحين وترجعين
اعتقد بنسبة 99% ان اكلهم مو حلال
انا لما رحت ديزني بالملاهي نفسها في مطاعم واكل مو حلال طبعا وبغيت اشتري بطاط مقلي شيبس وسالتهم للامانه ردوا علي ان الزيت يقلون فيه لحوم محرمه
فيعتبر حرام اكله
اذكر اكلنا صمون فاضي وسوالف بساكيت وكنت ماخذه معاي كرواسان
دام معاج يهال انصحج تاخذين معاج شوربات سريعة التحضير او اندومي اذا يحبون او علب كاكاو نوتيلا تحشين فيه الكرواسان او تاخذين معاج اجبان ولبنه وعسل
او
تاخذين جدر كهربائي تسوين لهم شعريه وعيش او موش او خضار مفيوحه او حتى بيض مفيوح اذا ياعوا عليج بالليل
علشان اليهال ماتتوهقين معاهم
بس حلوووه ديزني عليكم بالعافيه
موفقين بالسفره

 

[أمل المنصوري]

الله يجزاح خير
وينور لج دربج .. مثل ما نورتيني

 

[ميســـا]

حبيبتي انا اقدر افيدج

انا رحت وتغديت يوم الاحد في الفيلج في الستيك هاوس

يوم الاحد بس يصير تتغدين مع الشخصيات

واكلهم منوع

والجو العام وناسه

وفندق مونت كالم في لندن يهبل حلو ونظيف وجديد بس تعرفين لندن الغرف ضيقه

بس وايد حلوووو

 

[أمل المنصوري]

يا حياتي يا ميسا
الله يجزاج خير

 

[مخدددده]

انا بدزني لاند كنت اكل بيتـزا مارغيريتا و بـاستـا وشيبس مااروح للحم والدياي عن الشكه طلبي نفسي

 

[عجايب2009]

انا خذيت بدزني نجيتس وشبس

 

[& حكاية حب موعود &]

اذكر ابدزني كنت طاايحه بالمكرونه مووووووووووووصج
ماتعجبني اي وحده بس هاذي عذاب
وعموما مطاعم واايد ابدزني منها كشكات ومنها مطاعم كبيره
ادري الرد متااخر بسس حق اللي يسال بعدين

 

[دلوعة أبوهآ]

مآدري وآلله رحت بس ماكلينآ شي من هناك