مضمضة Oral B للاسنان

[Alia]

السلام عليكم

بنات منو جربتها حق اسنانها ؟

انا مدحوها لي بس ودي اعرف رايكم!! ​

 

[noty]

حبيبتي انا شاريه الزرقة

مكتوب عليها يقاوم تشكل البلاك و يساعد على الحماية ضد النخور

و اورال بي .. من افضل الماركات

 

[ii DareeN ii]

انا جربتها عقب ماسويت عمليه حق لثتي بس والله ماستمريت عليها الحين استخدم ايمو فورم زينه

 

[عروبه]

انا جربتها احسها خفيفة وما تعور ......حاااارة
بس انا مدحولى كلوروسديل بجربها ان شاء الله

 

[Alia]

حبيبتي انا شاريه الزرقة

مكتوب عليها يقاوم تشكل البلاك و يساعد على الحماية ضد النخور

و اورال بي .. من افضل الماركات

اي هذي اللي شريتها انا بعد

 

[Alia]

انا جربتها عقب ماسويت عمليه حق لثتي بس والله ماستمريت عليها الحين استخدم ايمو فورم زينه

ليش ماستمريتي؟

 

[Alia]

انا جربتها احسها خفيفة وما تعور ......حاااارة
بس انا مدحولى كلوروسديل بجربها ان شاء الله

صح تحر :d

 

[الفرحه السجينه]

انا وخواتي كلنا على اللسترين

والدكتور وصف لاختي ليسترين واهي اصلا تستخدمه

 

[Alia]

انا وخواتي كلنا على اللسترين

والدكتور وصف لاختي ليسترين واهي اصلا تستخدمه

اختي ميخالف صورته او اسمه بالانجليزي!

 

[الفرحه السجينه]

هذا الليسترين

بس حلوووو تلقينه بالصيدليات و سيتي سنتر صوب فرش الاسنان

 

[coffee]

اهلين
انا استخدم الخيط من هالماركة. بس المضمضة استخدم ايموفلور Emofluor صناعه سويسرية ولونها وردي فعاله ضد الاسنان واعناق الاسنان التي تتحسس للحلو والحامض والبارد، اللثه الملتهبه والمؤلمة، تسوس الاسنان ورائحة الفم.

 

[Alia]

مشكورين بنات والله ماقصرتوا

 

[ii DareeN ii]

ماستمريت حبوبه لان صارت حرب العراق ومع اللويه وصفارات الانذار نسيت اني مسويه عمليه ولازم استمر عقب راجعت الطبيب قالي استخدمي ايمو فورم ويا المعجون مالها لان لثتي حساسه المضمضه نفسها الي حاطتها الاخت بهالموضوع

 

[طماشه]

موضوع رائع

عيل انا أستخدم الماي والملح ههههههه

بس شكلي بجرب الايمو فلور

 

[Alia]

واي الله لا يعود ايا صفارات الانذار

بس المضمضة ماتاثر على الاسنان مع كثرت الاستخدام ؟؟؟

طماشة انا كنت بعد نفسج بس الحين تطورت ههههههههههههههه

 

[عهود الحب]

شنو فايدتهم ؟



؟

 

[الدوريف]

انا استخدمها كويسه

 

[нάγoηά cнεмίsтяγ]

والله زيـن جم سعـره ؟ . . .