مضايقه حيل وابي مساعده

[sweet.flower]

السلام بنات
انامضاييقه حيل تهاوشت مع زوجي على مشكله تافهه واناا الحين بيت اهلي
والمشكله منه مو مني, ,, بنات انا وايد اقدره واطوف له وايد, ,صارله اسبوع يروح القهوه ومطنش وانا كله عند امي, , قدرت قلت يمكن متضايق يمكن يبي فجه, , المهم قالي انا بعوضج وبقعد معاج ويوم طلعنا تغدينا جان يردني البيت قالي لازم اروح اقهوه اسلم علي رفيجي بيسافر سكت وطوفت والمهم اليوم الثاني كنا متفقين نودي بنتي الطبيب لها مراجعه لانها مريضه قلتله انا بس بروح اعزي وارد انشالله واهوا دوامه بعيد مايوصل الا 4 المهم رحت العزا وتأخرت لانه المنطقه بعيده وضيعنا العنوان اول ماطلعت دقيت عليه بقوله سبب التأخير جان يعصب ويتنرفز علي وقالي الشرهه علي اللي ناطرج وربعي اهم قلتله شنوصار بالدنيا تاخرت شوي واحنا بنودي بنتنا الطبيب قالي مو من حقج تحرقين يومي ولاا تتصرفين وتتحكمين بالساعتين اللي تأخرتي فيهم جان رحت لربعي اخرتها قلتله انا بالبيت وينك مارد علي وحقرني اكلمه اقوله ليش ماترد حاقر وسكرته حيل تنرفزت وظليت بيت اهلي وصارلي يومين مادق ولاسأل ولاحتى علي بنته وانا حامل وتعبانه باول شهوري وفضل ربعه علينا مادري شنو الجريمه اللي سويتها اللي تستاهل هذا كله ابي الحل شلون اتعامل معاه ودي اقرصه علشان مايعيدها وعلي فكره كل مره نتزاعل ويعتذر ارضي واكبر راسي واقول مايخالف يمكن تعود وقال متي ما ارضيها ارضيهاا اناا ماااااابي وابي يحس بغلطته ساااعدوني بليز شسوي حيل محتره والله ما انام حتي اهلي مومصدقين انه هذا الموضوع علبالهم شي كبير اللي يخلينا ومايسال يومين حيل تعبت نفسيا

 

[شادن33]

واااي انا بعد محتره معاج شغله ماتستاهل الصراحه
ياعمري لما اتكلمينه كلميه وانتي واثقه موخايفه انا اكتشفت هالشي متاخر <<<< زين بعد
شنو احنا ضيعنا العنوان وتاخرنا شى مايستاهل الصراحه

 

[اسواريه]

كثري من الاستغفار ولا تضايقين نفسج انتي حااامل مو زين عليج اصبري وحاولي تكلمينه بكل ثقه

 

[الشهد كله]

المشكلة إن الريال كل ما يكبر يصغر مخه !!!!!!!

ولا بالذمة هذا موضوع عشان يزعل عليه ويخاي زوجته عند أهله يومين

شهالرجولة ؟؟؟؟؟؟

ولا ما جذب خبر عشان يشبع من ربعه ؟؟؟؟

انتي الحين قرصتيه

بس المفروض ما تتصلين عليه ولا حتى مسج

الدور والباقي على أبوج أهو اللي لازم يوقف بويهه ويعدله ويربيه !!!!!!!

إذا دق أو دز لج مسج ردي عليه قولي له أبوي يبيك

خليها بويه الرياييل ، انتي طلعي منها

عشان يتأدب وما يعيدها وياج مرة ثانية

والله يبا زين رايحة عزا ومضيعة حرقتي يومه

الله واليوم ما غير قهوة شباب !!!!!!!!!!

لا حبيبتي من صج محتاج ريال يربيه :rerrerek::rerrerek:

لأنه ريلج مع احترامي لج من صج ياهل :eh_s(4):​

 

[no0o0o0r]

حبيبتي انتي الغلطانه
المفروض من اول ما تخلينه يطلع مع ربعه
الرجال ما ينعطون وجهة
شفتي تعود ع طلعت القهوة
انا اجولج عن تجربة
الرجال ما ينعطون وجهة لازم تتحكمين في جدولهم من الأول

وهو بصراحه ماله حق يحقرج وما يرد عليج
الله يعينج حبيبتي

 

[الأميرة جوري]

قعدي معاه وصارحيه وتفاهموا واتفقوا علي شي وقت لربعه ووقت لج علشان ماتزيد المشاكل ...والله يهديه

 

[اكوس وحدة]

هذا اكيد وراه بلاء ولا في احد يترك اهله عشان اخوياه
انا من رايي طنشيه عشان يحس بغلطته

 

[قلب طفـــله]

مب صاحي الحين ربعه اهم من اهله ؟ باجر اذا طاح بمشكله هالربع ماراح يوقفون معاه ماله غير اهله عزوته

الله يعينج هدي اعصابج ومسكي نفسج وكلميه بهدوء يمكن الله يهديه ويتعدل هذا شكله عصبي ومايتفاهم !

الله يسخره لج

موفقه

 

[دلع انثه]

لا صراحه ريلج غلطان
بس بعرف اهو من زمان جذي ولا توه لان غريبه والله يعصب عشان قهوة والله احنا الحريم مساكين

 

[wujud]

الله يهديه وسخره لج

 

[$$king moon$$]

ياحياتي ليش زعلان في بيت اهلج زعلي في بيتج
الي يحرني بعض البنات كل يوم والثاني شايله شلاليلها
ورايحه تزعل عند اهلها
اهو غلطان اكيد بس لو انج قاعد في بيتج جان لان قلبه لانج جدامه

 

[Hello_kitty]

المشكلة إن الريال كل ما يكبر يصغر مخه !!!!!!!​

ولا بالذمة هذا موضوع عشان يزعل عليه ويخاي زوجته عند أهله يومين ​

شهالرجولة ؟؟؟؟؟؟​

ولا ما جذب خبر عشان يشبع من ربعه ؟؟؟؟​

انتي الحين قرصتيه ​

بس المفروض ما تتصلين عليه ولا حتى مسج ​

الدور والباقي على أبوج أهو اللي لازم يوقف بويهه ويعدله ويربيه !!!!!!!​

إذا دق أو دز لج مسج ردي عليه قولي له أبوي يبيك​

خليها بويه الرياييل ، انتي طلعي منها ​

عشان يتأدب وما يعيدها وياج مرة ثانية ​

والله يبا زين رايحة عزا ومضيعة حرقتي يومه ​

الله واليوم ما غير قهوة شباب !!!!!!!!!!​

لا حبيبتي من صج محتاج ريال يربيه :rerrerek::rerrerek:​

لأنه ريلج مع احترامي لج من صج ياهل :eh_s(4):​

انه معاها فعلا مدام اتخذتي موقف كملي للأخر لا تضعفين شنو بيصير يعني انتي مرتاحه عند اهلج
لما اهو يدق ويبادر لازم يتسنع كل هالمشكله عشان ساعتين خسرهم من وقته الثمين شصار يعني

يعرفون ياخذون حقوقهم ويتحكمون وما يعرفون حديث الرسول صلى الله عليه وسلم خيركم خيركم لإهله وانا خيركم لإهلي ..ماقال خيركم لربعه :eh_s(14):

 

[Pinky -cat]

حبيبتي انا شايفة انه موضوع ما يستاهل تكبيره وايد صج شى يضايق بس الصراحة ما يستاهل تهدين بيتج اخذيها قاعدة

ما تطلعين لان هالشى بيكبر المشاكل ويصعبها وماله داعي يصير هالشى



استغفري ربج وانشالة يارب يرد وتفاهمي معاه

 

[صادقة بكلمتي]

الله يهديه ويسخره لج صج في بعض الريايل للاسف ما يغير الزواج واليهال فيهم شي لكن الدور عليج الحين حبيبتي لا تعطيه فرصه وتعلميه على زعلج ابيت ابوج ردي بيتج اووووووووووووول واهم شي ثاني شي علميه ان له بيت وزوجه وبنت اهو مسؤول عنكم وعن احتياجاتكم كوني قوية لا تضعفين لا تسامحين ولا تاخذين موقف كبير على اي شي تافه عطيه دروس بس بالهون والعدال ولا تنسين انج حاااااااااامل اللي ابطنجيتشرب كل مشاعرج السلبية وحزنج وياثر فيه حرام ماله ذنب ردي بيتج وقعدي معاه خوفيه بس بدون تهديد قوليله بثقة ان انت مو مال بيت ويهال شحقة تزوجت ما تبيني ولا تبي تتحمل مسؤوليتني عطني من كيفك مصرفهم ومصرف لي وللخدامة وحطلي سايق يكون لهم البديل ان احتجنا انروح طبيب ولا اطلع العب بنتك وووو وانت روح الدوام وربعك حسسيه بالذنب وخوفيه بس لان بصراح اشوف ريايل اشباه ريايل ما يفيد معهم للاسف الكلمة الطبية يظلمون بنات الناس معاهم وبدال ما تاخذ النصيب السنع اللي يسعدها يجي اللي يجيب لها الهم وعلى شي تافه ربع ديوانية بر شنو هذا ليش ما يخافون الله ليش يتزوجون من الاساس يبا خلج ابيت ابوك واظلم نفسك بروحك مو كوكش يهال وامهم الله يهيديهم بس ولا تطلعبن من بيتج حتى لو طق راسه بالطوفه ومرده بيطخ والله يهديه وان ما فاد معاه خل ابوج يكلمه بس انتي ابدي معاه بالاول

 

[فاقده حنان ابوه]

قعدي تفاهمي معاه قوليله وقت لي وقت حق ربعك عطني حقي مو كل وقتك لهم
الله يهديه لج

 

[غدووور الكويت]

خلي ابوج يسأله ليش ما ياج يومين واهو يتفاهم معاه بهدوء ويحسسه انه وراج ظهر

 

[الصعيريه]

الله يهدييييه
صــراحه موو حاله شي يغث ويقهــر
شنوو هالربع اللي مآخذين كل وقتـه ..؟!!

خلي أبوج ولا واحد من أخوانج يتفاهم معااه
ولااازم يلقون حل
مثل ماربعه لهم حق انتي لج حق
ومهماا صاااار المفروض مايبدي ربعه عليج وعلى وبنته


الله يهديه ويصلح حاله ويسخره لج

 

[ام كوثر2007]

حبيبتي انتي الغلطانه
المفروض من اول ما تخلينه يطلع مع ربعه
الرجال ما ينعطون وجهة
شفتي تعود ع طلعت القهوة
انا اجولج عن تجربة
الرجال ما ينعطون وجهة لازم تتحكمين في جدولهم من الأول

وهو بصراحه ماله حق يحقرج وما يرد عليج
الله يعينج حبيبتي

اهوا متزوج والا داش الجيش ؟؟؟؟؟ شنو تتحكم بجدوله وين قاعدين ؟

حبيبتي هذا ريال ما تقدرين تحكرينه .. وكثر الدق يفج اللحام

حبيبتي صاحبه الموضوع انتي ابخص بريلج .. في رياييل عقولها صغيره مثل اليهال خصوصا ببدايه زواجهم .. للحين مو متعودين علي مسؤوليه بيت ومرا وعيال

انتي الحين قاعده ببيت اهلج بسبب سخيف خلاص نطريه لين يدق ويحس بغلطته

وكنتي تقدرين بيومها تتحاشين المشاكل وتخلين العزا بيوم ثاني وتودين بنتج ..

وكنتي تقدرين بعد انج تتحاشين المشاكل وتودين بنتج الطبيب بنفسج مو ضروري وجوده ..


في امور وايد كنتي تقدرين تسوينها عشان تتحاشين المشاكل بس انتي ما تصرفتي بحكمه وعقل

ولا تتخيلن انه ربعه اهم منج انتي وبنتج . بس طبع الرياييل جذى سالفه الدواوين والقهاوي صار شي بدمهم يستانسون يقعدون مع ربعهم وجنجفه ولعب .

من حقه انه يرفه عن نفسه مو معقول من الدوام لي البيت ومن البيت لي الدوام اهو مو حرمه عشان يكون هذا روتينه ..

محد يحب انه يتقيد .. دام اهو مو مقيدج ولا حابس حريتج انتي المفروض تسوين نفس الشي

لا تتحكمين وتحاسبينه علي شى يونسه مثل روحته للدوانيه والقهاوي .. لانه مثل ما قلت لج هذى متعتهم ..

وان شاءالله الله بيهديه لج هذا بو عيالج لا تقرصينه ولا يقرصج .. مرده بيردج البيت ماله غناه عنج نتي وعيالج . تعوذي من بليس ترا هذا زواج مو عداوه عشان تقرصون ببعض الله يهديج ..

وطمنينا عليج وماا تشوفين شر .​