مصيبة:بنت خالتي تحب...بووووية

[كريزية]

السلام عليكم ورحمة الله وبركاته ...

قبل كل شي انا بطرح مشكلة كبيرة وجريئة شوي بالمنتدى وبليز مابي انتقاد مذموووم .. اللي بتدش تنصح وتقول كلام يفيييد الله يخليكم .... والسالفة صجية لا انا صبي ولا قاعدة االف .. ابي نصيحة تكفوووون يا بنااات

بنت خالتي من ايام الثانوي كانت تحب شي اسمه بوية ( البنت الصبيك المتشبه بالرجال ) وكان الموضوع لعب في لعب ايام الدراسة
وهذا كان حال بعض البنات معاها بعد ومن رفيجاتها , الى ان دشوا الجامعة بعضهم بطلوا هالسوالف واللي تزوجت واللي تابت ... وبعضهم للحين على سوالف بوية وليدي ومصخرة !!

والله يا بنات شقوولكم شي يلووع الجبد .. لما تكلم البوية جدامنا كانها صبي !!!! وتناديها باسمها الصبياني بعد
وتقول شلونك وشخبارك حبيبي !!!!

وكل مرة نحاول ننصحها لكن ماكو فايدة تقول احبها وتحبني ..
صارلها معاها الحين 3 سنيييين ... والله العظييييم ان علاقتهم الحين مثل المتزوجيييييين وقسم بالله
والمصيبة الاكبر لما كلمتها وسحبت منها حجي طلعت البوية عندها شقة بالسالمية وساكنة بروحها .. وبنت خالتي تجيها كل يوم وقت الفراغ في الجامعة ... وتقول احنا مثل المتزوجين ليش اتزوج او اكلم صبي ..... استغفر الله استغفر الله ,,, وطبعا اغلب سوالفهم شنو بنييب حق الصالة وشنو بنشتري من الجمعية !!!!!

مع العلم اني متزوجة واهيا تشوفني لما اكلم ريلي جدامها وجدام اهلي تقول الفررق بنيي وبينج انتي جدام الناس وانا بالخفااء ..
مرة نصحتها تروح لاخصائية نفسية عندهم بالجامعة .. وراحت واهي مقتنعة وعطتها الحل ان تغير ارقامها وتقول للبوية ان اهلها طاحوا عليها وتنساها ... وسوت هالحل يومين ورجعت مرة ثانية لها واهي تبجي وما تقدر تهدها على كلامها ...

نست اهلها نست القعدة معانا كل زوارة اشوفها 24 ساعة عالخط معاها هالبوية ولا تصكره منها كلش الا دقاااايق !!
طبعا انا اعرف التفاصيل لاني اكبر بنات الخالة .. وباجي بنات خالتي يدرون انها تكلم بوية لكن مو التفاصيل .. وكل مرة احد نصحها او نقد عليها تقول اي محترييييييين !!! محترين على المرض النفسي !!! استغفر الله ....
صارت مع البوية بكل شي .. تروح قهاوي وتشيش وتدخن وتقط الحجااب في اماكن عامة بعض المرات .. !!! استغفر الله يا رب

والخافي اعظم يا بنااات انا قلت التفاصيل المهمة وفيه بلاوي وبلاوي ما تنذكر ..

بناااات شنو الحل معاها شنو تنصحوني اقولها او اسوي ؟؟؟ وانا مابي اكلم امها اخاف تكبر المشكلة اكثر ....

 

[كربون امها]

لا والله قولي لامه احسن اهي المشكله اصلا كبيره
والذنب بيصير برقبتج اذا سكتي بنت خالتج هذي تبي من اللي يادبها
ويحبسها لان هذي ماينفع معاها لاحريه ولا احترام ولاجامعة اصلا ويكون احسن
تعلمين ريال البيت اخو اب عشان يتصرف معاها عدل والله يكون بالعون

 

[Vdieta]

اضغطي عليها بالحجي اهي كبيره يعني مو معقوله تسوي جذي
او قولي لأمها امها وابوها واخوانها وين عنها ؟؟

 

[صب القفشه]

الله يهديهاا يارب

 

[ạ7ạśêś ~]

اعوذ بالله قولي ل ابوها اخوها
يابي لها كسسر راس
الله يهديها

 

[أم ريــــما 22]

لازم تعلمين امها او اي احد كبير بالعايله هذي قضية اخلاق

 

[رق رق]

بلغي اهلها امها او اذا اتخافين ان يصير شي قولي حق ابوها او اخوها .
لازم يسوون شي ، ولا يصير مصيبه انها تفقد عذريتها ،
خل اتبوي هالشي حرام .
الله يهديها

 

[روح مووود]

وانتى للحين تشااورين ما يبيله كلام
قولى للاهل حراااااااام الى قاعد يصير
يمكن البنت تخسر شرفها
وانتى تدرين وساكته
سبحان الله الدنيا تخرررع

 

[قموشه21]

من صجج وتقولين مابي اقول لامها

خل تكبر السسسالفة خل يفهمووون موضوضعها عيب عليها .. والله ان تميتي ساكته بتكبر الموضوع والبنت تضيع عقب تتحسفين وتعضين اصابعج ندم واتقولين ياريتني وياريتني

نصيحه اخت اتخاف عليها . بلغي امها وانتي تكونين سويتي اللي عليج ..

 

[Queen N]

لا حرام لاتقولين لاهلها من الحين خوفج يسوون فيها شي :eh_s(2):

كلميها انتي باسلوب جاف و شدي عليهاا شوي بالكلام بيني لها انج مضايقة من تصرفاتها
وان الي تسويه غلط ولازم توخر عن هالطريج :eh_s(4):
و ان الشي هذا يهز عرش الرحمن !!!
اذا ما نفع من اول مرة قولي لها بالمرة الثانية اذا وخرت عن البوية بنفس الوقت
راح تكلمين امها

و ان شاء الله يفيد وياها

 

[قموشه21]

كـوين حبيبـتي.. اهي كلمتهـآأآ ومانفـع انا صصراحه حيـل محتـره وخايفـه علي البـنـت..

شوفي ان علمت امها امها بتتصرف من بعيـد بدون ماتعلم اخوها وابوهـآأآ

انا هذا راايي ومادري بالنهاية راي صاحبه الموضوع..َ

 

[cute lulu]

امبيه الله لا يبلانا استغفرالله

اشفيج قولي حق امها شحقه نااطره ترا الموضوع ما ينسكت عنه لا حول ولا قوة الا بالله

 

[سارونه الامورة]

نصيحه علمي امها ولا احد من اهلها ينتبه لها ترى والله بكذا تنفعينها ماتضرينها واهي بعدين بتحسسسسف بسس خليها تحسف

واهي ماسوت شيء كبير يعني تفقد شرفها < لاسمح الله

قولي لامها بسسرع وقت ترى الوقت مو من صالحها يضيع وتاكدي للكل شيء نهايه فانا خايفه تكون نهايتها شينه مع البويه فضيحه او فقد شرف فنصيحه علمي امهااا تكفيييين علمي امها

والله يهديها

 

[Queen N]

كـوين حبيبـتي.. اهي كلمتهـآأآ ومانفـع انا صصراحه حيـل محتـره وخايفـه علي البـنـت..

شوفي ان علمت امها امها بتتصرف من بعيـد بدون ماتعلم اخوها وابوهـآأآ

انا هذا راايي ومادري بالنهاية راي صاحبه الموضوع..َ

ادري حبوبة كلامج صح بس هم خل تحاول معاها مرة اخيرة
و تقول لها اذا ما بطلتي هالسوالف بعلم اهلج
جوود الله يهديها وتسمع
احسن من تقولهم الحين و يسوون شي بالبنت :eh_s(2):

 

[حساس القلب]

الله يهديها

 

[khawla&tito]

مادري شقول

البنات ماقصرو

 

[كريزية]

بنات انا حاولت اكثر من مرة اكلمها وانصحها ماكو فايدة عبالها محترة منها او مقهورة لانها تحب وانا متزوجة بدون حب ... تقول لقيت الحب بحياتي وان البوية راح توخر عنها لو بنت خالتي جاها نصيبها ... بس انا ادري ان بنت خالتي ماتبي تتزوج مع العلم ان تقدمولها اثنين خلال فترة الجامعة ورفضت تقول تو الناااس

رفيجاتها كلهم بويات وليديات بالجامعة مسوين شلة مادري شلون تجمعوا ..
ولو بقول لامها اخاف تصير مصيبة اكثر وتسوي سوالف اهيا لسانها طويل حتى
مع اهلها . والبوية كذا مرة تيي بيتهم توقف بالشارع تبجي لو بنت خالتي زعلت منها او صكرت جهازها او ماردت عليها .. يعني المشكلة من البوية ومن بنت خالتي ..

استغفر الله وايد وايد شغلات صارت وقاعدة تصير وانا مو متحملة وضعها جذي
ولو بقول لامها شنو النتيجة بتكون ؟؟؟ يمكن شي سلبي اخاف تسوي بروحها شي ولا تفكر تنحاش ما استبعد اي شي والله ..

 

[mf6nt el3lat]

ما عمرها فكرت بعذابها بجهنم ياااربي ، الله يهديييهااا يااارب
اذا مرا كنتوا بالزواااره قووولي بحط لكم اغنيه بمسجل جديييده وحلووا وخليهم يتجمعووون حوولج كلهم وانتي حطي شريط لعذاب البويات والمتشبهييين والسحااق قوولي يووووه بالغلط وقولي خلاص بنسمعه وخلي تسمعه شوووفي فيسها تغير ولا عاادي فيها رجا ولا لا ؟!

 

[Queen N]

كلمي البوية قولي لها توخر عن بنت خالتج
واذا ما سمعت الحجي مالج الا انج تقولين لاهلها

ماكو الا هالحل

 

[mf6nt el3lat]

قولي اصحي احترر على شنوو ياحظي على هوااانج الله كرررمج بفطرتج السليمه ترووحين تقلبييين الموازييييين لييييييش ، ياربي الله يهديييييهاااا