مصر <<< احتاج اسماء فنادق و اسواق حلوة

[أعرف قدر نفسي]

السلام عليكم


اذا الله كتب بروح مصر لاول مرة

احتاج اسماء فنادق سنعه

مجمعات راقيه

واسواق القى فيها مواعين و اقطان حلوة


و شنو اجيب صوايغ او هدايا

 

[أم حمد 4]

حبيبتي انا كل سنة هناك بالنسبة للمجمعات وايد حلوة مثل سيتي ستار جنينة مول تبين رحيص خان الخليلي الاحياء الشعبية مثل باب اللوق وايد اسوقة انا توة رادة كان عتدهم ارض المعارض شي ماعيتهم الشراشف كاة روعة

 

[dodo3]

انا مثلج بعد روحتي بالعيد بس ابي احد ينورني عن الفنادق انا حجزت بفندق سميراميس بس ابي اعرف اذا نظيف او لا اهو 5 نجوم وغالي حبتين بس ابي احد ينورني عنه اكثر

 

[أم حمد 4]

يمدحوت سوفتيل الجزيرة على النيل

 

[واحشنى موت]

رد : مصر <<< احتاج اسماء فنادق و اسواق حلوة

احلى مجمعات عندهم ستى ستار واركاديا مول وجنينه مول تقريبا هذيلا اللى حلوين وتلاقين فيهم كل شى
والفنادق غراند حياة والفور سيزن .... ونصيحه اذا رحتى لا تأكلين من مطاعم عاديه لانى أكلت كشرى
ومن مطعم يقولون زين وتوهقت قعدت اعانى 3 ايام مغص ولوعة جبد توبه :lkmnkl:

 

[مڷح ينثر »!~]

رد : مصر <<< احتاج اسماء فنادق و اسواق حلوة

مجمع ستي ستارز وشارع طلعت حرب وشارع فؤاد وشارع قصرالنيل وروكسي و موسكي ..
والعتبه للجمله مثل الكريمات والمكياج واغراض التجميل بالجمله .. طبعا تكون ررخييصه ..
اما الفنادق هيلتون رمسيس .. ماريوت .. انتلر كونتننتر .. موفينبيك .. 4 seasons ..
في بعد مجمعين >> رويال سنتر و ستي مول ..
واذا تبين دراريع وصوغات مكان اسمه كرداسه حق الدراريع والدشاديش .. كلها سيااح ..
مممممممممممم .. مااذكر بعد بس اتمنى اني افدتج بهالمعلووماات ..

 

[منانا]

انا قعدت اخر مره بالفور سيزون الي فيه المول رووووووووووووووعه انصحج فيه يمج اغلب المطاعم الي على النيل كنا نروح فرايديز مشي 3 دقايق بينا

واذا تبين سايق رخيص وممتاز دزيلي عالخاص واعطيج رقمه خوش ريال يزاه الله خير


والاسواق عندج المجمعات البنات ماقصروا او الاسواق الي بجامعة الدول هذا الي ببالي والاسماء راحت عن بالي اذا تذكرت اقولج


والمطاعم انصحج وبشدة تروحين مطعم السرايا عالنيل حده عجبني ومطعم الباشا يمه حلو اكلهم وبروجرامهم بعد هذيل طبعا بالليل عشا وحفلة


تروحين وتردين بالسلامه

 

[برونزيه شقرا]

رد : مصر <<< احتاج اسماء فنادق و اسواق حلوة

انا سكنت بجراند حياة كان قمه بالرقي
كانت 12 يوم عسل والفندق عالنيل شي شي شي ومطاعمه مو طبيعيه وعندهم سفينه تطلع عالغدا وتطلع عالعشا
وبسسسسسسسسسسسسسسسسس

 

[7abebat elq8]

رد : مصر <<< احتاج اسماء فنادق و اسواق حلوة

سوفيتيل الجزيرة وايد حلو

 

[masrawya]

رد: رد : مصر <<< احتاج اسماء فنادق و اسواق حلوة

سوفيتيل الجزيرة وايد حلو[

مبارك عليكم الشهر
احلى شى بمصر الطلعه بالليل على النيل
فى فندق السيتى ستارز والفور سيزون وجراند حياه
والمجمعات احلها سيتى ستارز

انا بعااد سفرتنا بالعيد
نشوفكم على خير بمصر
واى مساعده بمصر حاضررررين


للتواصل

[email protected]

 

[^^المهره^^]

والله بالنسبه للفنادق وايد
في جراند حياة والفورسيزن اللي قباله
وفي هلتون رمسيس بس ما انصحج فيه بالمواسم يصير وايد زحمه
واذا تبين فندق لابج وهادي و هم مكانه حلو كل شي يمه و جباله ماكدونالد كبير و فيه العاب لليها جان معاج يعال وصيدليه تهبل كل شي فيها والفندق يديد و حلو وادارته كويتيه الاداره مو العماله وخمس نجوم طبعا
وعندج فندق بعد يدييييد لنق احدث فندق في مصر الحين
اسمه فيرمونت نايل سيتي
هذا شي فوق الخيال
فخم ورااااقي و المول ماله يعتبر احلى مول في شارع الكورنيش اسمه ابراج نايل سيتي انا وااايد احبه
راقي حده
سينماته يديده تهبل ومطاعمه و كافيهاته حلوه
فيه ستاربكس وكاسبر اند جامبينيز وكتفيهين بعد ماعرف اساميهم و محلاته كلها حلوه
بالنسبه حق ساميراميس حلو بعد مو شين ومجددينه بس وايد شباب و لووويه لوبيه وايد كبير انا احس ان لوبيه مطار من كثر ماهوا لويه
بس غرفه زينه و كبيره وشرحه

اتمنى اني فدتج

 

[^^المهره^^]

امبي بدلياتي مو صج

 

[منانا]

والله بالنسبه للفنادق وايد
في جراند حياة والفورسيزن اللي قباله
وفي هلتون رمسيس بس ما انصحج فيه بالمواسم يصير وايد زحمه
واذا تبين فندق لابج وهادي و هم مكانه حلو كل شي يمه و جباله ماكدونالد كبير و فيه العاب لليها جان معاج يعال وصيدليه تهبل كل شي فيها والفندق يديد و حلو وادارته كويتيه الاداره مو العماله وخمس نجوم طبعا
وعندج فندق بعد يدييييد لنق احدث فندق في مصر الحين
اسمه فيرمونت نايل سيتي
هذا شي فوق الخيال
فخم ورااااقي و المول ماله يعتبر احلى مول في شارع الكورنيش اسمه ابراج نايل سيتي انا وااايد احبه
راقي حده
سينماته يديده تهبل ومطاعمه و كافيهاته حلوه
فيه ستاربكس وكاسبر اند جامبينيز وكتفيهين بعد ماعرف اساميهم و محلاته كلها حلوه
بالنسبه حق ساميراميس حلو بعد مو شين ومجددينه بس وايد شباب و لووويه لوبيه وايد كبير انا احس ان لوبيه مطار من كثر ماهوا لويه
بس غرفه زينه و كبيره وشرحه

اتمنى اني فدتج

حبيبتي شسمه الفندق الي تقولين ادارته كويتيه ؟؟

من بدليااتج مادري اذا قلتي اسمه ولا لا ... هههه وهم ابي اعرف باي منطقه