مصرف البيت واجب على الزوج لكن ؟؟؟!!

[salamq8]

السلاااام عليكم ورحمة الله وبركاته

اسال الله العظيم رب العرش العظيمم ان يعتق رقابنا من النار
ويعفو عنا انه عفو يحب العفو سبحانه،،، ويتقبل صيامنا واعمالنا وجميع
المسلمين اللهم امين امين امين .،

خواتي انا بقولكم الموضوع اللي بصراحه شلت همه بعد ماتوظفت ،،.!!!!!
لان اول سنتين زواج كنت ادرس وكان مصروف البيت يعني اغراض جمعيه لبسي كروتي التليفون مصروف شهري يعطيني زوجي ومايقصر ويعطي الخدامه كل شهر ....
لكن لككككككن بعد ماتوظفت يقول اصرفي على نفسج والخدامه عليج هذا شرطي وانا بعقد الزواج مكتوب علبه اني اكمل الدراسه واتوظف!!
المهم انجبرت اني ادفع للخدامه تعرفون الخدم نااااار تقديم ومعاش واللي يققهر انه معاشه اكثر من معاشي وعندي 3 عيال يالله يجيب اغراض الجمعيه يقعد ياجل ياجل لي نص الشهر وانا طبعا اشتري من المطعم لي ولعيالي ومرات اشتري من الجمعيه شغلات بسيطه عشان مايعتمد علي

حتى منحه الشيخ صباح جزاه الله خير لعياله ماشفت منهم ولا شي
انا بهم والله لاني مو مقصره معاه بكل شي مع انه عصبي حيل واكثر شي لا عنده اذا بغيت شي ..
شالحل يابنات تعبت لان احس اني زوجه ولي حقوق عليه ؟؟
شرايكم وهل انتم نفس الحاله ؟؟
*

 

[خالف تعرف]

شوفي تصرفين على نفسج صح انا معاه بس اذا معاشه مايلحق لا انتي ساعدي خل يحس انج مو ثقيله عليه
يعني تخيلي معاشج كله يروح عالبيت والماجله وزوجج بس عليه معاش الخدامه ماتنقهرين وتحسين انه مستقلج اهوا حاس نفس الشي
وعادي مشي حق الخدامه معاش وكل شي عليه عادي وتعودو ينزل معاشه سيده الجمعيه تجيلون حق شهر

 

[noura ooo]

واااااااجب عليه يصرف عالبيت وعليك حتى لو عندك راتب

اذا هو مايفهم بالحقوق الزوجيه قولي له انه اللي يسويه غلط ولو انها صعبه هالرجال آفة العصر
شفيهم صايرين بخلاء ولا يسرون ؟
لعنبو وين زمن ابواننا وجداننا
يوم كان الرجال يكرف ويكدح ولا يحاسب المره على لقمتها
ياخذها من بيت ابوها ويخليها تحمد الله كل ثانيه على هالزوج اللقطه

شوفي دامه كان كريم عليك والحين فجأه صار بخيل وموقف مصروفك
يمكن احد متكلم عنده وقايل له اسحب عنها المصروف

قوليله بوجه قوي ان راتبك لك انتي وبسسسسس
وهو ملزوم يصرف عليك وعلى اكلك وعلى خدامتك وعالعيال بعد والا رجال على ايش؟؟
لا حول ولا قوة الا بالله

 

[RowTow]

و عليكم السلام و رحمة الله و بركاته..


بس سؤال اختي انتي يعني ما تبين تتوظفين بس حسيتي إنج مجبره بسبب الشرط بالعقد؟
يعني هو اللي شارط و الا انتي؟

إذا انتي اللي شارطه مو لازم تمشين على شرطج تقدرين تقعدين ببيتج معززه مكرمه إذا كنتي حاسه إنج فقدتي أنوثتج بعد الشغل باعتماده عليج.
و إذا هو شرط عليج إنج تتوظفين بالعقد فهذا مو بكيفه, لأن الرجال ماله إنه يغصب مرته على الشغل. لأن الأصل إن المرا تقعد ببيتها تتستت و الرجل يصرف على مأكلها و مشربها و كسوتها مع عياله بالمعروف.

آنا توني متوظفه, و متزوجه من سنتين. و معاشي أكثر من معاش زوجي, و آنا ما عندي أي حساسيه آخذ منه أو أعطيه.
بس لو حسيت إن زوجي قلب أو صار ما يستاهل أو ما يرضى يجيب لي ماجلة البيت أو حق عيالنا (الله يرزقنا) فراح أفضل أقدم استقالتي و أقعد بالبيت.

آنا تزوجت عشان أرتاح, مو عشان أصرف على نفسي و زوجي و بيته و عياله بعد.

بس ما فيها شي إذا كان زوجج يستاهل تتعاونين معاه من طيبج.
غير هذا, انتي أدرى بالحال. احنا ما نقدر ننصحج بشي يخصج.
إنتي أبخص بحالج حبيبتي.
​

 

[حطمۈكہ يآقلبي]

قـــــــــــــوليــه فلــوسك ع البيت وعيالك والخدامه ​

فلوسي لي أنـــا ومااراح اقصر ترا همن انا اشتري فيهم شغلات لعيالك وشغلات لي يادوب تكفي ​

وبعدين قطي نغزات انه فلان مرته تصرف عليه وقولي انــج تعتبرينها مو رجوله قولي عيب بنت تصرف ع رجال ​

وين قاعدين احنا خليه يحس ع دمـه ​

اوما اذا طيب وماقصر معاج لاوالله خلي فلوس الخدامه لــج انتي ادفعي لها بسس ها مو كل شهر شهر مرات اذا عندج مناسبه عرس او حفله قولي له انت ادفع لها انا فلوسي بسوي فيها جي وجي <<< عرفتي علي خليه اهو اللي يدفع دايم ​

خليه يصرف عليج وع عيالج خوفج ترتخين واهو يلعب بفلوسه مع الفصع ( حشاكم )

ياكثرهم اللي جذي يخلي المرا تدفع كل شئ واهو فلوسه له ولخوياته مالت عليهم ​

 

[cat^q8]

مو عيب تساعدينه بالبيت


وترى كل الرياييل يماطلون بطلبات الجمعية هههه

انتي قبل لا تخلص اغراض البيت باسبوع ابدي قوليله نبي اغراض للبيت

لحد ما يروح

ومعاش الخدامه ماعليه ماتاثر 50 او 60 دك


اله يكون بعونج

 

[زوجة عزيز]

الله يعينج حبيبتي

 

[فوفو22]

اكثر المشاكل بين الزوجين

اذا ما صار اتفاق بين الاثنين

في الشئون الماليه

انا شايفه وضع ثلاثة ارباع المتزوجات

شايلين مصرفهم .....من رواتبهم الخاصة

شامله

(العطورات والماكياج ..واللبس...والمواجيب .. احيانا السفر .)

اما مصرف عياله وايجار البيت هذا واجب عليه

راتب الخدامه يكون باتفاقكم مع بعض

من وجهة نظري

في ظل هالظروف الاقتصاديه السيئه

ورفع الايجارات.....وارتفاع الاسعار

من الواجب التعاون مع الزوج ....في تخفيف العب عنه

ووراكم باجر مدرسين خصوصين .....ومصاريف علاج مستشفيات خاصة ....وغيره

فالتعاون مطلوب والزعل مرفوض

فوفو

 

[أم توتو]

شفتي اختي الحين حسيتي بمعاناته مسكين يوم كان يصرف عليج مو مقصر صرتي تتثيقلين انج تساعدينه زين قالج الخدامه ماقال لج البيت كله عليج وانتي بس ساعديه النص بالنص مافيها شي يعني المعاش بيروح لج ولعيالج مثل ماهو كان يسوي قبل لاتتوظفين الله يسخركم حق بعض

 

[رفيعة الشآآن]

بنات شنو معانات زوج انه يصرف على بيته

اصلا هذا دوره

ودينا الاسلامي وكله بهالدور واذا زوجة بتصرف من عندها فهذا طيب منها واحسان وليس امر واجب عليها

الله يعينج اختي

تفاهمي معاه وقوليله انا معاشي لي بروحي واذا بساعد بشي بسيط مثل موسم الاعياد او مصاريف المدارس اما شي ثاني فاهذي مسوؤليته وهو رجل وهو الي يتحمل مصاريف البيت

 

[soso-al]

ومعاش الخدامه ماعليه ماتاثر 50 او 60 دك


اله يكون بعونج

 

[دمثة]

معاشج لج بروحج ايه فقط

تبين تشاركينا بالبيت والخدامه والخ بمزاجج مو فررض عليج

الشرع والقانون يقول


وبعدين زوجج علي ماتعودينه وولدج علي ماتربينه

 

[وردة^الكويت]

الله يعينج بصرااحه

بس ان كان مضغوط مافيها شي تساعدينه

هو زوجج و شريك حياتج

 

[FeShinGoOo]

:/ قدمي استقالتج وقعدي بالبيت ابرك وخليه غصبن عليه يصرف

 

[opera]

ويييه مانخلص من هالسالفه


تعليق على اللي يقولون دوره ولازم يصرف وعليج وهذا حق شرعي

للتوضيح بس الشرع يجبر الريال انه يوفر للمره:
المسكن
الكسوه
الاكل

اول شي المسكن: الحمدلله قاعده بشقه واهو يدفع الايجار (وفي وضع ارتفاع الايجارات مافي مشكله انه المهر تعاون ريلها)

ثاني شي الكسوه: حق الشتا و الصيف يعني مو كل اسبوع بتروحي السوق وتعال عطني فلوس وبشتري جنطه لازم يدفعلي و ابي ميك اب وعطور (ترا كل هذا مو ملزوم فيه ) وانتي عارفه اسعار السوووق 100 دينار ماتكفي حق روحة السوق يعني همن لازم تشيل نفسج شوووي و حتى عيالج كلش مافيها مشكله اذا شريتيلهم شي عيالج بعد تتحسفين تقطين فلوسج عليهم

اخر شي الاكل: اللي اهو الماجله والجمعيه لازم اهو يدفع


بالاول والاخير كل فلس بتصرفينه بيكون لج ولبيتج وعيالج ليش متحسفه ومسويتها سالفه !!

تعاوني معاه ولا تخلين توافه الامور تأثر و ترا ياما ناس فرقتها الامور الماديه وانا اعتبرها اسباب تافهه مو عشان فلوس تزعلين

 

[tooooma]

التعااااون والتفاااهم بين الزوجين يسااااوي حياة سعيدة

 

[تبطي عظم!]

ما ادري عادي انا موظفه ومصروفي معاشي

الخدامه عليه بس قالي اذا بجيب خدامه ثانيه عليج انتي وانا ماعندي مشكله لو احتاج ثانيه

انا بقدمها وانا بعطيها المعاش لان حلوو التعاون

نجي حق الماجله لي نزل معاشه اطلبي منه مصروف الماجله ومصروف عياله

شوفي كل طفل له 50 عاد هو يعطيج اياها او ياخذها ما ادري

انا ع العموم. متفقه مع زوجي من اول عرسي ان اي بيبي يجي الـ 50 مالته يعطيني ااها مصرف له وان نقص شيء انا امه ماني مقصره بزيده

من معاشي بس هو ملزوم يصرف بالبدايه ماواافق وبعدين حنيت لين واافق لان هذا الحق مايعطيني مصروف لاني موظفه مو مشكله بس مايصرف على

عياله لا مو من حقه

 

[salamq8]

نورا. ايوالله قبل لا اتوظف كان مايقصر وانا طبيعتي مو مسرفه بس يقول كل الرجاجيل
مايعطون زوجاتهم اذا توظفو ا ومصروفها عليها وخدامتها بعد هي اللي خلت البيت تتحمل مع اني اكره الكلام هذا ،،،،..

راو تاو ،، اختي لا انا طالبه اني اكمل دراستي واتوظف وهو مو مقتنع حيل بالوظبفه وده اني مااتوظف بس معاشه قوي وتغير الله يهداه ...

حطمووك ياقلبي ،،، ياعمري هذا اللي خايفه منه والله انه يلعب بفلوسه اذا كثرت لاحول ولا قوة الا بالله . بس مصصر مابذنه ماي يقول الخدااااامه عليج ولبسج ومصروفج عليج انا ماادفع لج ولا فلس وكل ماهذا متهاوشين !!
كات وزوجه عزيزة مااااااقصرتو مشكورين

فوفو يااااااااحلاتج وحلات كلاااامج خيتوووو التعاون مطلوب والزعل ممنوع  بس احنا ساكنين بشقه ببيتت اهله يعني مايدفع اجار !!

ام نونو هذا واجب عليه يصرف علي وبعدين انا ماروح للسوق واجد ويادوبك 100 دينار بالشهر يقط علي ولا مراا ت. اقل ليما كنت ادرس!!

 

[salamq8]

رفيعه الشان ..، والله كلامج صح بس الله يعين ،،، سوسو يسلمو ..

دمثه ،،. بصراحه الخدامه للاسف فرض علي منه شسوي تعبت وانا اتفاهم معاه !!


ورده الكوت والله مو مضغوط ولا شي !
ام ابيها القعده بالبيت ممله والله ؟!!