مش عارفه ؟ :(

[مجننتهم أنا]

السلام عليكم ورحمة الله وبركاته ..


شخباركم كويتيات :eh_s(10):؟


أخبار الحوامل والولد ربي يسسر عليهم ..


صراحه مادري وين مفروض ينكتب موضوعي ........


انا متزوجه صار لي شهرين واحين باقي على دورتي 5 ايام ...

مافيني صبر لين ما تجي وتتأخر احس ب أعراض أول مره احسها ي رب يكون حمل اول شيء والي متعبني هو ألم اسفل ظهري وقبل فترة كنت احس الدورة بتنزل حتى كنت اقول ل ريلي خلااص شكلها بتجي ولاتجي ونوم مو طبيعي نوم 12 ساعه ومرات اكثر وعادي اذا نمت اليوم كله ماحس ب شئ وكله دوخه احس الدنيا تدور فيني وابي استفرغ ......

بطني كله منتفخ وطالعت لي حبوب ب جبهتي انا تطلع لي حبه بس وقت الدوره ومو كل شيء لا احين كذا وحده ووو اشم روايح غريبه ب الاكل وكل مكان ؟؟


مادري ممكن اكون حامل ولا .؟؟.​

 

[قَلبڪْ صًخرْ]

توج ياقلبي
لاتفكرين بالحمل نصيحه
كل مافكرتي بتيييج
اخذي نصيحة وحده مجربه
وادعي
رب لاتذرني فردا

 

[مجننتهم أنا]

اي والله صاجه بس شسوي الناس كل ماشافوني يتحجون ها مافي شيء بالطريج ..
واقعد أفكر ..

 

[غرام القمة]

الله يرزقج ويرزقني

 

[الـــغـــلآ]

الناس مو من صجهم توج لج شهرين و قامو يسألون

صج ما يملي عينهم شي

نصيحه لآ تفكرين حيل

و ترا اذا بتبقين جذي ف انتي قاعده تضيعين احلى ايام عمرج عشان النااس

استانسي انتي عروووس

و الله يكتب لج اللي فيه الخير ..

 

[مجننتهم أنا]

وال اي توني عروس احس قدمت ..
بليز ابي جواب ل سؤالي

 

[مذهــلــه]

انا مع قلبك صخر

كل مافكرتي بالموضوع مايصير

طنشي الموضوع ولاتفكرين وان شالله ربج يرزقج

كثري من الاستغفار والصلاه والصدقه بنيه الحمل والرزق

 

[اميره^_^بحلآها]

الله يرزقج ي قلبي
ومالج شغل بالناس توج عروس

 

[آشوآآآق]

ههههههههه ياحياتي هذول الناس مايتغيرون


عادي انا نفسسج بس انتي مبكر يسألونج والارزاق بيد الله

ولو بتفكرين بكلام الناس بتتعبين طنشي واستانسي وان شاءالله الله يرزقج ويرزق الجميع ياارب

 

[مجننتهم أنا]

طيب حبايبي ..
ابي وحده تقولي الاعراض هذي حمل ولا لان زوجي قالي لو مو حمل بوديج الطبيب يمكن عندج فقر دم ..وكله تدوخين

 

[&هند&]

كل الي تحسين فيه احتمال كبير يكون حمل بس انتي حللي تحليل حمل هرموني وان شاء الله حامل

 

[فجوره]

ممكن حامل وممكن لا

لانه ساعات الوحده من كثر ما تفكر بالحمل وتحاتي تجيها مثل
أعراض الحمل

 

[Mimia89]

اول ما قريت المقدمة قلت انا متى كتبت الموضوع لوووول
انا صارلي شهرين بعد جم يوم اكمل الثالث و باقيلي ٥ ايام عالدورة
بس مافيني اعراض يمكت لان عدلت نومتي و بعدت عن البادر و المشروبات الغازية
بس احيانا عوار خفيف اقول هذا عوار الدورة ليش قربت
و مثلج هم ابي احمل و الكل يبي البيبي لاني الجنه الوحيده الكل متشفق
يالله ارزقنا الذرية الصالحه المعافا

ننطر و نشوف

 

[Mimia89]

اول ما قريت المقدمة قلت انا متى كتبت الموضوع لوووول
انا صارلي شهرين بعد جم يوم اكمل الثالث و باقيلي 5 ايام عالدورة
بس مافيني اعراض يمكت لان عدلت نومتي و بعدت عن البادر و المشروبات الغازية
بس احيانا عوار خفيف اقول هذا عوار الدورة ليش قربت
و مثلج هم ابي احمل و الكل يبي البيبي لاني الجنه الوحيده الكل متشفق
يالله ارزقنا الذرية الصالحه المعافا

ننطر و نشوف

 

[مجننتهم أنا]

ي قلبي ميمي ربي يرزقنا الذريه الصالحه ونولد ب شهر واحد ...
ربي يكتب لج اللي فيه الخير

 

[اخت خالتهم]

اتوقع انج حامل باذن الله
تعيري على ريلج وحللي هرموني ببين باذن الله وبشرينا
يارب من مواليد شهر سبعه

 

[مجننتهم أنا]

ان شاء الله ي رب دعواتكم

 

[قشطـــة]

شهرين يالهوتي لحقه على العيال وهيصه وليصه
توج عروس ماتهنيتي بزوجج ولا تهنى فيج الله يهديج مالج شغال بناس
افرحي توج عروووووووس عيشي حياتج صدقيني هذي ايام ماتتكرر في حياة الوحده تعيشها
والعيال بعدين يجون إن شاءالله

بس اذا حابه تسوين فحص عادي يبين الحين بس اخذي فحص كليربلو


والله يرزقج ويرزق الجميع إن شاءالله

 

[Tina FJ]

حبيبتي
الحمل بيظهر بتحليل الدم من الاسبوع السادس
يعني بحساب الحمل من ايام اخر بيريود
اذا تاخرت
استني شوي
وبعدها روحي سوي تحليل
وربي يرزقك بالزريه الصالحه

 

[Mimia89]

اللهم اميييين