مشي الحامل مضر او مفيد؟

[dana1986]

السلام عليكم

انا في الشهر الخامس ووايد اطلع وامشي هل يسبب ضرر للجنين ولا عادي
لانه قالولي مو زين تحوسين يسبب ولادة مبكرة !!!!

:yaaaaaarb:

 

[انوثة من حرير]

رد : مشي الحامل مضر او مفيد؟

حبيبتي توج بالخامس لا تكثرين مشي ينصحون بالمشي من الشهر الثامن والله يسهل عليج

 

[انوثة من حرير]

رد : مشي الحامل مضر او مفيد؟

اختي ماانصحج بالمشي الحين موزين عليج راح يتعبج بالشهر الثمن امشي على قد ماتبين

 

[om_dodo]

عسى الله يثبته وتوكلى على الحي القيوووم

 

[om batool]

امشي نص ساعه او اقل

 

[الأميرة كيرارا]

كانت الدكتورة تقولي مايضر بس عاد مو وايد أحوس
الله يقومج بالسلامة

 

[@ام يوسف@]

رد : رد: مشي الحامل مضر او مفيد؟

اب للرفع

 

[أم حمودي**MALL**]

امشي بس بالمعقول
ولا تجهدين نفسج

 

[ام دليار]

رد : مشي الحامل مضر او مفيد؟

أمشي بس عشر دقايق
بشهر الثامن صيري أمشي نص ساعة
وبتاسع شدي حلك
يارب تقومي بسلامة

 

[*فدك*]

اذا لا سمح الله فيج نزيف او دم لا ارتاحي

اما اذا مافيج شي,,امشيييييييييييي عااااااااااااااااااااااااااااااااااااااااادي واحسن لج يقوي عضلات الرحم والريل ومافيه اي ضرر
هذا كان كلام دكتورتي لما كنت اقولها ببدايه جملي اني بالجامعه وامشي وايد واحوس كانت تقولي عادي واحسن
بس اهم شي بس تردين من الحوسه مدي ريلج ريحي

 

[ساشا]

لا ضرر ولا شي اصلا دكاترة امريكا ينصحون الحامل تمشي ابتداء من الشهر الرابع يعني اول ماتكملن الثالث انطلقي مشي
وسباحة خفيفة
وريحي بالشهر الثامن وردي امشي مكثف بالتاسع

 

[Diva-Q8]

رد : مشي الحامل مضر او مفيد؟

انا مثلج ماشالله علي وايد امشي ومشيتي سريعه مو تمشي بعد ساعتين متواصل عادي ماحس بعمري بالسوق

وقالولي الحريم الكبار مو زين لا تمشين وايد لا تقومين بفزه وبسرعه كل شي سوي بهدوء بس دكتوري قالي من بعد الثالث مارسي حياتج طبيعي لا تفكرين ان الحمل عائق ولا مغير حياتج

المهم ان مافي مشاكل ولا الم بالعكس المشي يقوي عضلات الحوض في وايد شغلات ينصحون فيها حريم اول بس تره غلط واحنا عيبنا ما نسأل بس انطبق

والله امشي دامج للحين خفيفه وانا بعد بمشي وانتلاقه بخط مشاة البحر بالشهر التاسع انا معاج انشالله ههههههههههه

 

[De3La^85]

احسن لج انا دكتورتي تقولي امشي وتحركي لا تقعدين

وانا كله محابله التلفزيون ولا حركه ولا شي الحين انا بالسادس كل ما امشي خطوتين احس ريولي تخدر واتعب بسرعه

فنصيحه امشي وتحركي عادي بس لا تجهدين نفسج يعني اذا تعبتي قعدي

 

[" ام حمود "]

الحـين تعب وتتعبين يعني امشي ساعه او نص ساعه وقعدي وارتاحيء .. بالثامن امشي ع قد ماتبين والله يسهل عليج حبووووووبه

 

[فراشة الربيع؟؟]

والله انا من ادخل الشهر الرابع امشي عادي مثل مشيي بدون حمل والحمد لله اذا الله كاتب له الثبات بيثبت والعكس
ياقلبي امشي عادي بالعكس المشي مفيد جدآ وخاصة للحامل اذا ماكنتي تعاني من تهديدات اسقاط او ولادة مبكرة عادي

 

[dana1986]

شكرا حبايبي ريحتوني وايد لانه قاغدة اجهز واثث فلازم امشي واحوس شوي

 

[أم عبود 2011]

رد : مشي الحامل مضر او مفيد؟

اخذي راحتج حبيبتي والبنات وفوا وكفوا