مشيمه نازله الحل ؟

[عطاء أنثى]

السلام عليكم
باختصار بعد مراجعتي لدكتورتي قالت المشيمه نازله شوي
ع عنق الرحم وانا بداية 6

سألتها المطلوب اني ارتاح ع ظهري قالت ماله علاقه نزول المشيمه من الله ماله علاقه بالحركه

انا استغربت اللي اعرفه غير




بليز منو تقولي نزول المشيمه له علاقه بالراحه ولا لا

 

[بنتي نور عيني]

حبيبتي لازم ماتتحركين كلش ولا تمشين بالمره
وتحطين تحت ركبتج مخده عشان ترتفع انشا الله
انا حماتي نزلت مشميتها بالسادس او الخامس ماذكر والله وسبحان الله ارتفعت بالتاسع
بس اهيا حييييل كانت نازله
الله يتمم عليج ويقومج بالسلامه

 

[قلبي مملكه]

انا الي اعرفه نزول المشيمه من كثر الحركه وركوب ونزول الدرج

اختي نزلت مشيمتها قالت لها الدكتوره ترفع رجلها فوق مخده وترتاح

وسبحان الله ارتفعت مشيمتها

 

[english muffin]

صح حطي مخدة
وكل يوم مثلا ساعة جذي انبطي عكس السرير ورفعي ريلج فوووق سوي زاوية قائمة
وترتفع ان شاء الله

 

[عطاء أنثى]

طيب النوم ع الظهر تضر الحامل
في ناس يقولون مايصير الحامل تنام ع ظهرها لازم ع جنب

 

[عطاء أنثى]

رفع

 

[c a t w o m a n]

انا نزلت مشيمتي من كثرة الحركة بالدوام منعتني دكتورتي عن الحركة و صار معاي سمالله عليج الطلق و انا توني بالثالث داشة الرابع

ريحي نفسج

 

[ديينا]

اهم شيء ماتجهدين نفسك وحطي تحت ريولج مخده وانسدحي اتفق مع البنات. رفيجتي مثلج وارتفعت المشيمه.
الله يسهل عليج ان شاءالله

 

[ديينا]

اهم شيء ماتجهدين نفسك وحطي تحت ريولج مخده وانسدحي اتفق مع البنات. رفيجتي مثلج وارتفعت المشيمه.
الله يسهل عليج ان شاءالله

 

[عطاء أنثى]

الله يجزاكم خير
ان شالله ترتفع عشان اولد طبيعي وبصحه وعافيه انا والبيبي

 

[الأميرة جوري]

لا له علاقه لاتحركين وايد ونامى علي ظهرج طول اليوم او علي جنب ولاتتحركين الا عزج الله للحمام وشربي برتقال فررررررش شهر وترتفع باذن الله

 

[عطاء أنثى]

الله يجزاكم خير ان شالله
ويرزقكم اللي تبونه

 

[السليلة]

انتي نفسي حبيبتي انا الحين بالسادس وخايفه بنات شنؤ اضراره

 

[محتاره بدنيتي]

السلام عليكم
حبيبتي ماله دخل ارتحتي ولا لأ انا الحين حامل وبالسابع لمن كنت بالخامس قالتلي دكتورتي مشيمتي نازله وانا نوعي ما احب اقعد وايد وكنت اشيل اغراض ثقيله واتعب نفسي واشيل ولدي بس الحمدلله بالسادس لمن راجعت عند طبيبتي ردت مشيمتي مكانها الطبيعي اهيا ابروحها ترجع سبحان الله .. وهم يمكن علشان ولاده ورا الثانيه من جذي مشيمتي انزلت بس الحمدلله ردت .. نصيحتي لج ارتاحي ودايما تسبحي ابماي دافي مايل للحروره هذا كل اللي كنت اسوي وطبعا كنت احبي وهم وانا نايمه اكون على جنبي اليمين وانا منسدحه الف نفسي على الجنب اليسار ما اقول و ألف لاء وانا على الفراش وان شاءالله ترتفع مشيمتج لاتخافين اذا الدكتوره قالتلج انها اشوي نازله عادي المهم ماتقول نازله وايد وان شاءالله خير

 

[a-a-alrajhe]

انا لما كنت فبداية السادس نزلت عندي وقلت للدكتور عن الحركه قال لا عادي تحركي بس اهم شي الجماع هالفترة هذي لاااااااا خطر ومثل ماقالو البنات كنت احط مخدة تحت فخوذي ووركبي والحمدلله رجعت مكانها الله يطمج

 

[مشتطـه]

وااااااااااي يا البنات يعورون الراس بالمبالغه

انا يوم حطيت موضوع ان فيني انفصال بالمشيمة
أمبي قالولي لازم 24 ساعه منسدحه وديري بالج ولا تتحركين ابدآ
ومن هالحجي

حبيبتي خلي عنج حجي البنات بسالفة انسدحي دايم

الحل الوحيد انج ترتاحين يعني ماتشيلين شي ولا تجندسين وصلي على كرسي

ولا تمشين وايد بس

بلا سدوح بلا بطيييييييييييخ

الحمدلله ردت مشيمتي بفضل الله الحمدلله

 

[**(فـيـلا دانـتـيـل)**]

انا ما رتفعت مشيمتي بعد الله
الا الابر ..

والله ييسر امرج ويسهل عليج ولادتج..

 

[عطاء أنثى]

مشكورين

 

[فرح79]

اختى لاتخافي انا كانت عندي المشيمه نازله وارتفعت لاتقلقي