مشورتكم يابنات مشروع بيع جلابيات كويتيه في االسعوديه

[جرح يقتل]

السلام عليكم


الله يعافيكم افيدوني


ودي اجي الكويت بعد اسبوعين واشتري جلابيات اسعارها معقوله يعني بخمسين ريال - وبميه ريال - وبميتين ريال

ابي اتاجر فيها وين تنصحوني فيه اذكره مره رحت مجمع الاوقاف وعجبتني جلابيته والعربيد بعد

بس انا ودي اخذ بالجمله ممكن تدلوني على اماكن الله يرضى عليكم

وهل فيه مكان يبيع شباشب حلوه مره شفت وحده منزله شبشب كرستال يجنن تقول من السراديب
ممكن اعرف وشي السراديب هذي

 

[فديت الكويتين]

اذاالجلابيات مميزة موديلها مو مكرر جيبي

بس كبداية خودي كمية بسيطة وشوفي كيف التجارة فيها تمشي معاك ولالاء

فهمتي حبيبتي؟

الله يوفقك

 

[تعويذه الحب]

حبيبتي البلوكات فوق تلقين الجمله والشباشيب تلقين محل بحوش السالميه
اشكال والوان وموديلات والواحد على 7 دنانيير

 

[بنت النوخذا]

ممكن اعرف وشي السراديب هذي

:d

هلااااا باهل المملكه يا الله حيوه
الســــراديب ذي حقت سوق المباركيه تحت محلات الاقمشه حقين المباركيه

وانصحك
تروحين سوق الاقمشه ( البلوكات )
اخذي وصــــل قماش بيعيهم زي ما هم قماش وايد حلوين ( قماش اطفال و قماش اعراس و حفلات )

و عندك بعد البهارات الكويتيه كثير مطلوبه من اهل السعوديه

ربي يسعدك و يرزقك يا رب

حلووووه السردايب مدري ليه طرالي سوق القصمان بالحله