مشكله كبيره ومحتاجه مساعدتكم ضروري بليز

[qazlaan]

انا ام لطفله عمرها سنة وشهر وقريبا راح تدخل شهرين المشكله انها تقوم من النوم بالليل اي وقت اول ما انومها بعدها بنص ساعه تقوم او ساعه او نص الليل او الفجر تقوم فوق ٤ او ٥ مرات بس تقوم توقف وتبدا بالبكي ومرات توقف وهي مو داريه عن نفسها يكون عيونها مسكرين نايمه رغم انها شبعانه وحفاضتها نظيفه واقراعليها المعوذات قبل ما تنام انا تعبت معها اذا ليله نامت عدل وما قامت الليله الي وراها اكيد في سهر كان على بالي راح تتعدل نومها لما تبلغ عمرها سنه انا امس وقبل امس ما نمت كلش بس تبكي بزياده بالليل وديتها الطبيب هي تعبانه من الكحه والنشله وطلع عندها التهاب في الاذن وعطونا دواء بنات انا حامل بعد ٣ شهور راح اولد وقاعده احاتي الكبيره بنتي للحين ما تعدلت نومها وناطرني السهر مع المولود قولولي شنو اسوي كيف اتصرف معها كيف اخليها تنام عدل من غير ما تصحي

 

[angel_soul_1989]

رد : مشكله كبيره ومحتاجه مساعدتكم ضروري بليز

الله يسهل عليج ويعينج انا عندي بنت عمرها سنه ونص واول ماتقعد من النوم اسويلها حليب واعطيها ممتها واخلي كل شي خرمس عشان لاتقوووم وهدوووء ولاتهتمين وااايد اذا بجت سوي روحج نايمه وراح ترد تنام انا دايم اسوي جذي ويضبط معاي الدور

 

[مناوووي]

الله يخليها لج

 

[قلبي القرآن]

رد : مشكله كبيره ومحتاجه مساعدتكم ضروري بليز

الله يخليها لج
ويمكن حبيبتي اذنها ملتهبه وتعورها أو ان اذنها فيها ماي
وتدرين من شنو الالتهاب من الرضاعه لأن لما تكتمل سنه
لازم نشربهم بالكوب بعود لأن المميه تسوي بأذونهم ماي
ولازم تشرب الحليب وهي قاعده أحسن
روحي عند دكتور محمد سعيد في عيادة بوشهري
شااااااااااطر بالأطفال وراح يعرف شنو فيها بإذن الله

 

[_Pure_]

دام انها مريضه اكيد بتتعب و تقوم بالليل نطريها تتحسن بعدين اذا قامت بالليل حاولي تحقرينها و ترد تنام بس تدريجي
انا بنتي عمرها ٣ سنين لمن ولدت صارت تقوم اكثر من البيبي بس اسبوع و تحسنت نومتها و لحد الحين تقوم مره بالليل كل جم يوم لازم الله يعينا يالامهات

 

[خلود العامر]

رد : مشكله كبيره ومحتاجه مساعدتكم ضروري بليز

الله يعينج وخليها لج حبيبتى اقرى عليها اية الكرسى والمعوذات 3 مرات ودعاء اللهم اعوذ بكلمات الله التامه من كل شيطان وهامه ومن كل عين لامه 3 مرات ان شاءالله تلاقينها نايمه نوم هاديه ومريحه

 

[^noonaa^]

حبيبتي اقري عليها دايما قبل لا اتنام وخلي سورة البقره مشغله وانتو نايمين صدقيني حتى انتو ترتاحون بنومتكم

والله يخليها لج ان شاءالله