شلونكم بنات
مشكلتي غريبه شوي بس مادري اذا في وحدا منكم سار معاها هالشي !!
الله يسلمكم دايماً عندي احساس ان ريلي متزوج علي او ان يبي يتزوج وحتى لما انام احلم ان يبي يتزوج !!
انا يا بنات والله ما ابالغ بس ولله الحمد جميله ومهتمه بنفسي ولبسي وحتى بيتي وعيالي
حياتي مرتبه وحتى دوامي احتمال اطلع منا بس عشان اجابل بيتي وما اقصر فيه .
بس هالتفكير مأزمني ولما اشوف ريلي راد من الدوام او طالبينا يداوم يوم سبت
يلعب ابليس براسي واقعد اوسوس مع ان ادري ان دوامه عادي عندهم يطلبون الموظفين بالويك اند
بس مع كل هذا عندي شككككك ذابحني مادري شالسبب ؟؟
وفي شغله ثانيا يمكن تتسائلون ليش متزوج عليج وماتشكين ان يخربط مثلاً !
لان ريلي نوعه ملتزم و يخاف على عرضه ودايماً لما ابين له اني شاكه
يقول لي انا عندي بنات وخوات واللي يطق باب الناس ينطق بابه
عطوني حل بنات جد نفسيتي تعبت خصوصاُ بعد ما قرر ان يسافر مع رفيجه
وهذي اول مرا من تزوجنا وحتى قبل الزواج ولا عمرا سافر مع ربعه تخيلوا !!
لاتقولون جيكي على تليفونا لان مفليتا تفلي لوول
وهم طلعات مو ذاك الزود بحكم دوامه يرد البيت الساعه 4
بس هم في شي مخليني اشك
و الله يفرجها علي وعليكم .
