مشكله عويــصه

[عبطو9وه]

السلام عليكم بنات

شخباركم انشالله الكل تمام

عندي مشكله وياليت تفيدوني

عندي اخت صغيره عمرها 8 شهور تقريبآ

ومشالله اهي جمييييله
واحلى مافيها عيونها ..
وكل من شافها طار فيها
هذي احلى بنت شفناها وماكو احلى منها ومن هالكلام ..

قبل يومين نامت عندي ومافيها اي شي ولما قعدتها الصبح ..
كانت صدمة حياتي
عيونها فيها حول ,, ولما راجعنا عند الدكتور مبارك العجمي
قال فيها حول كاذب مدري شنو علاجه ؟؟
اهو قال ان ماله علاج ويروح مع الوقت
وانا مدري ليش احس انه حسد لان كل من شافها مدحها انتو شنو رايكم ؟؟
المشكله اني احاتيها وطول يومي افكر فيها

​

​

 

[Tom ♥ Jerry]

.


الله يشفيها ان شاء الله

 

[خلطات المذهله]

الله يكون في عونكم

تحياتي

 

[Tulips]

لا حول ولا قوة الا بالله

الله يشفيها لكم يارب

حبيبتي واضح انها عين .. حاولو تتذكرون منو شافتها قبل ما يصير معاها جذي وتاخذون من اثرها وحتى انتو توضو و سبحوها بماي الوضوء مالكم

ودام جذي اختج حلوة ماشالله لاتطلعونها للناس الا وانتو قارين عليها ومحصنينها بالاذكار مايصير هذي ياهل ماتتحمل

والله يشفيها لكم

 

[لمى الهاجري]

شوفوا عشان تبعودن العين عنها سبحوها بسدر وملح وشربوها ماي زمزم ولا تطلعونها للناس

 

[فطوم 84]

حبيبتي ارقيها انتي لانه الرقيه الشرعيه تشفي لووديتيها لشيخ بتخاف وبتحس انه فيها شي ارقيها انتي جيبي ايات وادعيه الرقيه وجيبي ماي واقري عالماي وخليها تشربه وغسلي فيه عيونها واذا عندج ماي زمزم خل تشرب وغسلي عيونها ونصيحه مدامها حلوه كل ماتبي تطلع من بيت حطي ايدج علي راسها واقري المعوذات وسورة الكرسي وقولي اعوذ بكلمات الله التامه من كل شيطان وهامه ومن كل عين لامه"لانه هاذي كلام قاله النبي عليه الصلاة والسلام برقيه الاطفال ضروري حبيبتي لاتنسين لانه واضحه محسوده "سويً كل اللي قلته لج وانشالله تشوفينها متشافيه

 

[عسل سل]

الرقيه قبل كلل شي لان على كلامج كان الكل طاير فيها

 

[معزوفة عشق&]

ارقوها وخلي امك تاخذها بحضنها وتقرا عليها اذكار الصباح والمساء واغسلو عينها بماء زمزم مقري عليه
ومافيها الا كل عافيه وخير يااارب

 

[لمى الهاجري]

هاي تجمع بنات دشوه http://www.q8yat.com/t1017144.html

 

[غـرامـي أنـت]

الله يشفيها ان شاءالله

حبيبتي ودوها شيخ يرقيهاا

 

[&&&&&&&&]

علاجها القرآن

وديها لشيخ يقرأ عليها

​

 

[chee$e cake]

حبيبتي الله يشفيها يارب

و الله شقولج مو مدح و ما ابي اخرعج بس انا وحده من الناس و انا صغيره كانت عيوني مكحلة من الله وواسعة و الحمدلله انا

كل من شافني قال حلوه ما امحلج لوول بس بوضح لج المهم صار عمري 10 سنين يمكن و اختفى الكحل اللي كان بعيني

و الحمدلله على كل حال كبرت و كنت اروح عرووس و اكشخ و البس و جذي و الحين سدحوني لوول صار فيني سكر بس مو مثل

الناس يعني تخيلي من اول مره عالي حيل و وصلت لشبه المضاعفات لحقوا علي اخر شي و اكتشفت و الحمدلله و كانوا الدكاتره

يقولون لي لازم تعالجين و لا تدشين غيبوبه استغفر الله بس الحمدلله الحين عرفت و قمت اخذ العلاج و الله كريم

اهم شي الذكر و كل يووم اقري عليها قران و اول ما تكبر حفظوها ادعيه لازم على طوول تقوول و نصيحه من اختج لا تودونها

كل العروس و الله محد حسدني غير هالعرووس و الناس و الله يحفظهاا يارب

 

[_كلي دلع_]

الله يشفيهآآ ..^

 

[خاصة جدا]

الله يشافيها ان شاء الله

 

[حنان الحربيه]

الله يشفيها
ارقيها
واخذي من اثر الناس للي مدحوها
وحبيبتي عادي اذا سمعتي احد يمدحه انت ردي بسلوب مزحه قولي اذكري الله
ترا احيانا تطلع العين من صاحبها من غير مايقصد

 

[غموض الورد]

صباح الخير اولا

حياتي ما تشوف شر يا رب

واضح انها عين

و اقري عليها المعوذات و ارقيها كل يوم و اقري ع ماي و امسحي فيه ع وجهها

والله انا ما صدقت اني اقوم من فراشي توقعت بموت بس الحمدلله ع كل حال من قرت علي امي وقرا علي شيخ

الحمدلله صرت احسن من اول

واتمنى اكون افدتج

 

[سكر العيوون]

الله يشفيها-اقرو عليها وغسلو عيونها بماي مقرى-الناس على كل شي تحط عينها وماتذكر الله

 

[طموح لايتوقف]

االله حفظ الرسول صلى الله عليه وسلم من العين لأن العين ترى أحيان في لحظتها تقتل صاحبها وكلنا ععارفين أن الرسول صلىىاالله عله وسلم أنسحر وهذا يوضح خطورة العين أكثر من السحر لأن العين تدخل الرجل القبر والجمل القدر عليكم برقيته وتحصينها بالأذكار الشرعيه لأنها تحفظ ابن آدم ععموما مشكلة أختك مو عويصه ولهاا حل ودام طمنكم الطبيب لاتشلين هم أنتم راجعوا المستشفى وأقروا عليه رقية العين وسبحوها بسدر وملح

 

[q8yah]

ياربي هالناس مأتخاف ربها الله يكفيها شر عيون هالناس ويحفظها لكم ياااااارب