مشكله عندي وابيلها حل اروح دكتوره نفسيه ولي ماله داعي

[بلسم الجروح]

السلام عليكم ورحمة الله وبركاتة انا مشكلتي مع بنتي مسكينه عمرها عشر سنوات بخامسه ابتدائي وتبول علي نفسها وفيها رعشه بيدينها اذا مسكت كوب الحليب لازم ينتثر منها استيعابها ضعيف والمدرسات كلهم يشتكون من سؤ خطها ومن عدم انتبها وحركيه وايد ومشاغبه والله المستعان لاتقولون كلميها قعدي معاها ماكو فايده حتي الحرمان والعقاب ماكو فايده الطيب ماكو فايده الله يعيني عليها يارب:eh_s(2):

 

[عونك يارب]

الله يششششآفيهآ يآرب
والله غلاي مادري ، إن شآء الله البنآت يفيدونج
والله يحفظ لج بنتج ويشفيهآ ويوفقهآ ..

 

[أريـــام.19]

وديها الطبيب شوفي شمنه الارتعاش واسالي عن علاج لمشكله البول
بالبيت خليها تتدرب على الكتابه ادري راح تمل وتزهق احسن شي اشتريلها لوحه صبووره
وعلقها بالطوفه راح تستتانسس راح تحب الكتابه
تلقينها كل شوي ماسكه القلم تشخبط​

والله يشافيها يارب ​

 

[* شوية أمل *]

كتبتلج كلام شطول ورآح


في حملة حق التبول الا ايرادي سجلي بنتج فييه ,, ولاتخافين التبول الا ايرادي عادي كل اخواني فيهم ولما كبروو رااح

الله يشافيها

 

[بلسم الجروح]

مشكورين الله يجزكم خير واتمني الباقي يعطوني رايهم انا وديتها المستوصف وقالولي سويلها تحاليل والحمد الله كلهم زينين والله يعطيكم العافيه علي الردود

 

[حدى عنيده]

شوفي حبيبتي اكيد بنتج تعاني من شي انتي ماتعرفينه دوري علي السبب وبتلاقينه في عدة اسباب اساليها طمنيها وعطيها الامان الكامل وقوليله اي في شي مضايقج قوليلي ومحد يقدر يسويلج شي يمكن من الخدامه او من احد مضايقها دايم اساليها وطمنيها وصدقيني بتسوللفلج وبتقولج عت اللي فيها
انابنتي باول روضه واول ايام كانت تقومني علشان اوديها ومع الايام قامت اتعذر ان بطنها يعورها وبعدها قامت تاكل اضافرها وماكنت ادري شنو السبب وكنت اقول بنتي طقوها بعين لانها تحب الروضه بس مع الايام قمت اخذها واطلعها معاي واسولف معاها بكثرهلين قالتلي ان ابلتها كانت توقفها وتزفها وتقولها اذا قلتلي لامج اطقج انتي وامج والله عقب ماعرفت شلونانام رحت وخذيت بنتي وديتها عند الناظره خليت بنتي تقولها كل السالفه ويابت المدرسه وانكرت وقالت لا انا احب اليهال بس الحمدالله اطلعت هالمدرسه عليها شكاوي وايد هذا اللي عرفته من الناظره والله سمعت المرسه كلام بالعظم وعقب قلت لبنتي ها ماما ارتحتي اللحين محد يقدر يكلمج بس عقب نقلت بنتي روضه ثانيه واللحين بدت اشوي اشوي اتاقلم حسبي الله ةنعم الوكيل حبيبتي بنتج اتعاني من مشكله حوالينج بس ماتشوفينها الله يبصرجويدلج ويرح قلبج وتشوفينها

 

[نور خانوم]

حالة بنتج نفسيه لازم تودينها دكتور يشوف حالتها الرعشه والتبول لا ارادي والاستيعاب البطييئ دليل على حاله نفسيه

 

[أعشقه]

بعضهم يكون السبب عندهم نفسي
الاهم من كل ذا وذاك وديها مستشفى عند اخصائي نفسي
وشوفي ليه هالرعشه والتبول اشوي اشوي بتطيب منه
بس خليك معها بالهووون وحاولي تكافئينها اذا سوت شي زين

 

[Tom ♥ Jerry]

,


اكيد لازم تدخل نفسي و رعايه خاصه



لو استلزم الامر وديها مدرسه خاصه بعد :**
الله يشفيها ياررب
اهم شي ما تسكتين عنها لانه سكوتج يكبر المشكله

 

[بـ سـ كـ وتـ ة]

حبيبتي مابي أخوفج بس لازم اتحطين جدام عينج كل الاحتمالات ... يمكن بنتج يكون فيها لا قدر الله ديسليكسيا أو بطء التعلم

وفي هالحالة ممكن تتعلم بس في مدارس خاصة بحالتها

أو يمكن فيها نشاط مفرط يؤدي إلى عدم التركيز ... وهالحالة ممكن تخف بمكملات غذائية مثل الحديد مثلا ونظام غذائي قليل السكريات والنشويات

ويمكن مجرد مرحلة وتعدي

الأفضل إنج تعرضينها على اختصاصي لأن هالحالات ممكن تداركها إذا كان في كشف مبكر

وبالنسبة حق التبول اللا إرادي ممكن يكون السبب عضوي وممكن يكون نفسي

أعرف وايد ناس استمر معاهم التبول اللا إرادي بسبب ضعف ظهرهم وهالحالة بروحها اتعالج ان شالله مع الوقت

يعني مثلا تكون فقرة أصغر من باجي الفقرات ومع الوقت تكبر وتنحل المشكلة

ونفس الشي إذا مشكلة نفسية في اختصاصيين ممكن يساعدونج

وان شالله ما فيها إلا العافية ... ممكن تكون مجرد مرحلة عمرية صعبة واتجاوزونها بسهولة

 

[ذوق الرياض]

الحمد لله أنتبهتي لها بدري روحي الطبيب أذا مافيها شيء بتتطمني , واذا فيها شيء لاقدر الله العلاج سهل في السنوات الأولى

 

[اللغز الغريب]

البنات كفوا وفوا ما شاء الله عليهم

 

[بلسم الجروح]

حبيبتي مابي أخوفج بس لازم اتحطين جدام عينج كل الاحتمالات ... يمكن بنتج يكون فيها لا قدر الله ديسليكسيا أو بطء التعلم

وفي هالحالة ممكن تتعلم بس في مدارس خاصة بحالتها

أو يمكن فيها نشاط مفرط يؤدي إلى عدم التركيز ... وهالحالة ممكن تخف بمكملات غذائية مثل الحديد مثلا ونظام غذائي قليل السكريات والنشويات

ويمكن مجرد مرحلة وتعدي

الأفضل إنج تعرضينها على اختصاصي لأن هالحالات ممكن تداركها إذا كان في كشف مبكر

وبالنسبة حق التبول اللا إرادي ممكن يكون السبب عضوي وممكن يكون نفسي

أعرف وايد ناس استمر معاهم التبول اللا إرادي بسبب ضعف ظهرهم وهالحالة بروحها اتعالج ان شالله مع الوقت

يعني مثلا تكون فقرة أصغر من باجي الفقرات ومع الوقت تكبر وتنحل المشكلة

ونفس الشي إذا مشكلة نفسية في اختصاصيين ممكن يساعدونج

وان شالله ما فيها إلا العافية ... ممكن تكون مجرد مرحلة عمرية صعبة واتجاوزونها بسهولة

مشكوره فديتج والله ان توقعاتج الواحد يحتار فيها بس واحد شكيت منه الي هو فيها نشاط مفرط يؤدي لعدم التركيز لانه البنت حيل حركيه وعلي طول تبي اللعب وتحب الالعاب وكرة السله ولو يحصلها تدخل الجمباز بعد الله يعيني عليها بس الحلو الي فيها اجتماعيه وعندها صديقات ولو يطردونها عادي تراظيهم باي شئ لو تشتري لكل وحده شغله من ابو ميه حرام والله تكسر الخاطر

 

[سارونه الامورة]

البنات ماقصروا​

 

[الريم الساهر]

ياحياتي الله يخليها لج ويصلحها دايم ادعي لها حبيبتي بنتج ما فيها الا العافيه ومثل ما قلتي نشاط زايد بس اذا حابه تتطمنين وديها للطبيب عشان ترتاحين

 

[مفسرة الاحلام]

بنتك فى شي مضايقها هو الى مسبب لها هالتبول والرعشه شوفي وش المشكله اخذيها فى حضنك وكلميها ولاتحسسينها انك تحاولين تستجوبينها صدقيني هي بتقول لك كل شي

بالنسبه للخط عااااااااادي بعدها صغيره انا شخصيا لما كنت في سنها خطي كان زي الزفت وماتعدل الا وانا فى اخر المتوسطه


بنتك يبغالها تعززين الثقه فيها شجعيها ولا تحطمينها وقولي لها انا معك ان شاء الله تنحل كل مشاكلها


والبنات ماقصرو وبعد لو تودينها شيخ يقراء يكون احسن لانه مو طبيعي رعشه وعدم تركيز وتبول لا ارادي كلها تجتمع الا وقد تكون بحاجه لرقيه شرعيه وترى القران الكريم شفاء يعني لاتتهاونين فى هالنقطه

والله يشفيها ويعافيها

 

[انونا]

حبيبيتي مثل ما قالوا البنات كلميها وعطيها الامان
ولازم يوم تعطينها الامان تكونين قد هالشي لان اذا ما شافت نتيجه منج تسوؤ حالتها


وديها طبيب نفسي وهذا اخر حل علشان حرام تفتحيلها ملف وهالملف عمره ما يتسكر
ترا فتح الملف مو شي هين خاصة حق الولد