مشكله صايره بكثره الحين(وش الحل لها )

[Maaax]

السلام عليكم ورحمة الله وبركاته
صباح الورد/مساء الورد
شخباركم بنات اليوم بنفتح موضوع صاير بكثره نشوفه؟؟
:eh_s(2):

:eh_s(4):بنات ما تلاحظون هالشي ولا بس انا اللي ملاحظه انا صايرين واجد اللي يكلمون خاصة المتزوجين كل يوم والثاني بعض الخوات الله يسخر ازواجهم اللي تشتكي انه بس يطالع تراب بعيونه ان شاءالله:eh_s(14): واللي تشتكي تقول انه يكلم واذا صادته:eh_s(1): قال انه يحبها وهالشي بس كذي يعني تعتقدون بعض الازواج يحب زوجته بس يكلم:eh_s(10):

وهذا اي حب وكثير نسمع انه يموت فيها بس يكلم طيب شحقه يكلم؟؟

خواتي حبيت نناقش هالموضوع


-وش الغرض اللي يخلي الزوج يطالع تتوقعون؟؟ويكلم بعد


-والموضه هذي اللي متزوج وفي بيته اخلاق صفر وبالتويتر شاعر زمانه وبالانستقرام كله منزل صوره كشخه وهالشي واجد صاير

يعني ي بنات وش تقدمون نصايح حق خواتكم اللي عندهم من هالنوعيه ربي يصبرهم اللي زوجها يطالع ولا اللي اخلاقها صفر وحلاته بتويتر ومن هالبرامج ولا اللي يقول انه يحبها اذا صادته وهو يكلم ....؟؟


خواتي نتمنى تقدمون نصايح او تجارب عشان الطموشات والمتزوجات الكل يستفيد بإذن الله
سوا مقبله ع الزواج او متزوجه

وجزاكم الله خير
حطيت الموضوع لنقاااش واتمنى محد يطلع من إيطار النقاش
:eh_s(17):​

 

[ام الدرر]

حبوبة فعلا موضوع يستحق المناقشة
اولا
الاسباب
1- انتشار الوسائل المساعده
الموبايل وتسهيلاته بلوتوث -انستغرام - تويتر - واتس اب واستغلاله من سن صغير للبنات والشباب
2- قلة الرقابة من الاهل عالبنات من تكمل 18 تسوق وتطلع مع صديقات بدون رقابة
يعني الاهل مايعرفون ولا يسالون مع منو رايحة ولا حق وين
3- قلة الوازع الديني واختفاء الحياء والحشمة من البعض سواء شباب او بنات
4- استغلال مبدا الحرية بشكل خاطيء
واسباب واااايد

الحلول
طبعا انا بعطي حلول للمتزوجين يعني بعد الفاس ما يوقع في الراس
وما يمنع انوه على قصور في تربية الاهل لبناتهم وعيالهم يعني مثلا موبايل لبنات بسن المتوسط ليش وعندها تويتر وانستغرام
مو مشكله لما اوفر بس لازم الرقابة لانهم في سن معرضين للانحراف والتوجيه الخاطئ من اي شخص

الحل للمتزوجات
الصبر يعني مو امام اول مشكلة او خيانه تشيلين قشج وتروحين لاهلج وتخرين الاولي والتالي عندهم اولا بيطيح من عينهم ثانيا بيحقد عليج

ثانيا احتواء المشكلة ومحاولة حلها بدون تدخل اطراف يعني اذا دريتي اما تواجهينه وتناقشينه بالاسباب او تغيرين من اسلوبج ومعاملتج اذا كنتي جافة بالكلام
ملاحظة تكرر الخيانه يعني الريال متعود عالشي ويمشي بدمه فالحل بايدج وحسب قدرة تحملج ام بالصبر او الانفصال
واخيرا والاهم
الدعاء حبايبي وكوني خالصة بعبادتج مع ربج عشان يجازيج
وعسى الله يهدي شبابنا وبناتنا ويسخر لهم الطيبين من خلقه ​

 

[رنيم الروح]

مشكوره ياعمري على هالموضوع بسمن وجهة نظري انه مو الكل في رجال يحبون زوجاتهم بس مايكلمون وفيه الي يحبون زوجاتهم بس يصير منه هالشي
اول شي في هالموضوع التربيه الي عاشها وثاني شي انه طبيعة الانسان عنده فضول وحب تجربه وكل ممنوع مرغوب

وان شاءالله البنات يناقشون هالموضوع للفائده

 

[ماتغير شي]

ضعف الوازع الديني

 

[عتآق الخيل]

اكيد البعد عن الله
وهذا الامر حرآآآم لاكن للاسف
الحياة الزوجيه ماهي مبنيه على هات واعطي ؟؟
اذا بندخل الدين وبأسلوب رآئع من الزوجه ونقـآشآت اسبوعيه الخ
الله يعين
يسخر لجميع الآخوآت ازوآجهم.~

 

[احلا المزايين]

تبين السبب وبكل شفايفية وبعيد عن المجاملات
قال تعالى زين للناس حب الشهوات من النساء
والله تعالى ذكر النساء لان الرجل مفطور علا حب النساء
وقال صلى الله عليه وسلم حبب الي من دنياكم الطيب والنساء
اهني نتفق انها فطرة بس هاذا مو مبرر للزنا
بس الزمن تغير صار المغازل متوافر بايد الكل وسهلللل
وقل الوازع الديني عند الطرفين البنات والشباب
زمن فتن والعياذ بالله
الحل
ان الزوجة من بداية الزواج ماتجي من اقصاها
واتحب نفسها واتونس روحها واتعامل زوجها بما يرضي الله
بس مااتعلق فيه زيادة ع اللزوم
وترا بنت ابليس على قولتج اكثر شي يضايقها
لمن اتكلم متزوج بس مستقر مع زوجته
لانه اهي ودها انه زوجته تدري واتخرب حياتهم واتصير كلها مشاكل
فالزوجة الذكية اتسوي روحها ماتدري واتمشي حياتها طبيعي
لين زوجها ينقد علا روحه ويهد هالخرابيط

 

[Perfume]

مع حبيبتي ام الدرر

 

[مناير ...!]

لانهم مو كفو

 

[سماء الاحساء]

ام الدرر كلامك ميه ميه وأضم صوتي لصوتها

 

[M!SS.LOBY]

لا ما يجوز نظلم الكل بعضهم ماخذه من مبدأ الرجوله الله يهديهم ويسخر كل واحد للزوجته

 

[BubbLe87]

حب الشهوات من النساء مو مبرر عشان يخون
و الخيانة مو شي عادي
برايي البعد عن الدين طبعا
و الله يعين الي عندها ريل جذي

 

[manoooram]

ام الدرر
قالت اللي كنت بقوله

 

[خالتي قموش]

الخيانه مالها مبرر
الرجوله مو بلخيانه
هذول خرفان
مو رياييل

 

[Patcholli]

والمصيبه اذا كانت الي تكلم وحده ام عيال هاده بيتها وشغلها وتربية عيالها وتروح تخمبق

الله يستر علينا يارب من فتن هالزمن والله يهدي جميع المسلمين يارب
والله الدنيا ماتسوى والموت الفجأه زايد هالايام الواحد مايظمن عمره بسوق ولا بعرس ولا بالسياره يوقف قلبه ويموت ..!!

 

[خالتي قموش]

هذه ام العيال الل خربان بيتها
تجي تخرب بيت غيرها
بس الله فوقها
حسببي الله ونعم الوكيل

 

[قنــــــــــوت]

تبين السبب وبكل شفايفية وبعيد عن المجاملات
قال تعالى زين للناس حب الشهوات من النساء
والله تعالى ذكر النساء لان الرجل مفطور علا حب النساء
وقال صلى الله عليه وسلم حبب الي من دنياكم الطيب والنساء
اهني نتفق انها فطرة بس هاذا مو مبرر للزنا
بس الزمن تغير صار المغازل متوافر بايد الكل وسهلللل
وقل الوازع الديني عند الطرفين البنات والشباب
زمن فتن والعياذ بالله
الحل
ان الزوجة من بداية الزواج ماتجي من اقصاها
واتحب نفسها واتونس روحها واتعامل زوجها بما يرضي الله
بس مااتعلق فيه زيادة ع اللزوم
وترا بنت ابليس على قولتج اكثر شي يضايقها
لمن اتكلم متزوج بس مستقر مع زوجته
لانه اهي ودها انه زوجته تدري واتخرب حياتهم واتصير كلها مشاكل
فالزوجة الذكية اتسوي روحها ماتدري واتمشي حياتها طبيعي
لين زوجها ينقد علا روحه ويهد هالخرابيط

هالرد عجبني جدا جدا جدا ..... كلام منطقي وتصرف سليم ....

قواج الله حبوبه :eh_s(17):

 

[كلي//حلآ]

اضممم صوووتي لصووووووت احلا المزايييييين كلامهما 100%

 

[مهندسه مستقبل]

بالفعل الظاهره هذي منتشره حيل و احس 90 من ميه ينطبق عليهم
يمكن 50 من 100 لان محتاجيم اهتمام و حب فاقدينه بحياتهم
و 50 من ميه تكون علاقه مجرد صداقه بنظرهم
وفي اللي يحبون

 

[معزوفة عشق&]

فووق كل هذي الاسباب سبب واحد ::
ضعف الوازع الديني عند الناس اغلبهم صاير مستهتر بان ( الزوجه والبيت والولد )امانه يسئل عنها يوم القيامه والله لا يحب الخآئنين
لو كل واحد فينا قبل لايعمل المعصيه استشعر بعظمه الخالق كان الدنيا بخير ..
بججد الوضع صاير يخوف ..نستودع الله ازواجنا واهلنا وذريتنا

 

[Pinky -cat]

اي والله فعلا هالشى منتشر وايد اسمع عنه بس الصح انه نتعامل وياه بطريقة ذكية تخلينا نحافظ على بيتنا ونعطية شعور
انه مقصر ويانا دامه سوا جذي وطالع برا . والله يهدي الرياييل بس