مشكله سخيفة لكن مجبورة اخذ رايكم فيها

[طعنـــة غـــدر]

السلام عليكم ورحمة الله وبركااته ،،


من 3 اسابيع جتنا موظفة جديدة وفيه بنااات من تحت لي تحت عليها واهي مطنشة انا اشووفها اعتقادي تطنيشها لانها جديدة وثانيا لانهم تافهات ويوم عادي ويوم نفسية معاها البنات هذيلا انا من قبل حاطه حدود بس بينا شغل ,,,

اللي خلاني اكتب هالموضوع انهم بالبداية عاديات معاها يوم عرفوا انها من عايله فلان قلبوا عليها وحش فيها و يطرشون وحدة منهم علشان تسولف معاها ولازم يعرفون عنها كل شيء خاصه ان اهلها معروفين مناصب و عندم خير تبارك الرحمن ..


بعد هالمقدمة ممكن الوحدة تحقد وتغار من وحدة عشااان تنتمي لعايله فلان او مرت عليج وحدة جذيه وليش تتبع اخبارها مو تكرها ,,

 

[طعنـــة غـــدر]

هيلوا وينكم يا بنانيت

 

[أم فـرح الحلوه]

ااغيره والحسد تخليها تحسد وحتا ما تحس ان هالبنت احسن منهم شي وانتي ماعليج ترا اذا حشو اليوم باجر بيوصلها الخبر وهي صاده لان عارفه هالاشكال ونصيحه بالدوام اذا جذي خلي كل شي بحدود او راح تعانين وماعليج من احد الا نفسج واي كانت عايلتها محد مستفيد غيرها يعني ياانها تنقل او تطيرج انتي بواسطه وع بالج ماراح تعرف طبع هالبنات لا راح تعرف مو بطبيع ما يجوز عن طبعه والله يعينج وترا مافي مشكله

 

[طعنـــة غـــدر]

حبيبتي عسى ربي يشافيج ويعافيك يااارب ودووم تكونين بصحة وعاافية

البنت اسم الله عليها حلوة واهم بعد مو ناقصين لكن لاحظت عشان عايلتها مداحرينها مداحر واهي ماشاء الله عليها مطنشة تطنيش وترا مو اول وحدة تغار منها حتا وحدة بس سبحاان الله طلعت بعثة دراسية

حبيتي مشكورة ونورتي قلبي

 

[brettey]

ويييه يعني مو بس دوامي في عاهات لووول
يامعوده طاااااف

 

[أم فـرح الحلوه]

الله لا يبلانا مايغار الا اللي حاس بالنقص انتي اذا سلمتي برإسج منهن ماعليج من احد لان العوبه عوبه وع قولة بريتي العاهات واجد

 

[ام كوثر2007]

اعتبره شي طبيعي بالدومات


بس اللى مو طبيعي انه حتي المنتدياات صارت فيها هالحركااات والمداحر بينهم وبين بعض


بالرغم انه محد يعرف الثاني ومجرد كتابه


لكن المشكله انه الحريم لا تيمعوا بمكان صارت اكبر مشكله ...

 

[ReDLOve]

تدرين انا توني موظفه يديده و عندي نفس المشكله بالاول وياي زينين

و الحين يكرهوني و حش من وراي و هم يدزون وحده تسولف وياي

و فيهم طبع اهو مجمموووعه اذا صارو مع بعض حتى سلااام ما يلتفتون علي بس اذا وحده بروحها تسلم و توقف تسولف!!!!!

و قاموا حتى رفيجتهم الى دايما اقعد وياها حليوه بس مالهم شغل بخرابيطهم كرهوها و السبه انا !!!!!!!!!!!! و لا يسولفون وياهاا وانا موجوده يقطون نقزات علي انا !!!!!! انا كالعاده اضحك اسوى روحي غبيه مافهم بس علشان ابتعد عن المشاكل

وانا لي يومج هذا مو عارفه ليش و شمسوية و خلووني افكر على كل وقت شفيني و شمسوية لهم معنى والله الشغل اشتغل عنهم و اشيل عنهم وايد اشياءء و كل يوم امر اسلم و ادري يكرهوني !!!!!! بس مابي المشاكل وياهم

و كلامهم كله واسطتج و اهلج وووو و!!!! وانا ابتسم و قلت لهم تبون شي من عيوني بس ابي اصد عن هالحركات ماكو فايده خلاص يأست منهم و خليتهم على راحتهم

 

[الزورق222]

اعتبره شي طبيعي بالدومات


بس اللى مو طبيعي انه حتي المنتدياات صارت فيها هالحركااات والمداحر بينهم وبين بعض


بالرغم انه محد يعرف الثاني ومجرد كتابه


لكن المشكله انه الحريم لا تيمعوا بمكان صارت اكبر مشكله ...

هههههههههههههههههه حتى المنتديات وصلت الغيره فيها معلومة جديدة من نون النسوة ..
عقل المرأه اكبر عاهة فيهااا وللاسف مالها حل ..اهم حل لهالنوعية هو حرق اعصابهم بالتطنيش ..

 

[الهنوؤوفـ]

أنا اقول اي وحده تعاني من أشكال هالناس قبل ما تطلع من البيت تدعي الله يحفظها من شر الناس وتقرأ على عمرها

ليش الناس تحسد عالوظيفة عالمنصب عالعايلة عالمال وغيره واللي مقسم الارزاق رب السموات ما هاي الانسانه المسكينة اللي قاعده تحسدي عليها

هاي الناس صدق قلوبهم مريضة وتحتاج معالجة اول شي التقرب الى الله

انصح الاخوات اللي ينحسدون انهم لا يفكرون ابدا انتي اللي بتكسبي حسناتهم وخلي فبالج (من تكلم فيني من وراي ما تغلى عليه ذنوبي)

لا اله الا الله محمد رسول الله

 

[Patcholli]

الحمدلله مامرو علي هالنماين

 

[لحظآتَ]

يمه بنات أحس خوفتوني من عالم الشغل والدوامات

الكل قاعد يخرعني من الحين لإني ان شاء الله قريب بتخرج ...

الله يعين يارب ويفكنا من شر هالنوعيات الخايسة ...

 

[حجيه هيونه]

ماشفت شي جذي بس بصراحه احنا بزمن اتوقع كل شي يصير

 

[طعنـــة غـــدر]

مشكورين حبايب ع الردود ترا انا بعد اول مرة اشــــــــوف ومصدومة منهم حيل يعني جمال زواج معاش نقول معقولة تغار لاكن عشان اسم العايلة ترا كل واحد يفتخر بنتمائة مهما كان ...
red love لايكون اني اللي معاي عموما الله يعينج والبنتية اللي عندي وااااااااااضح انها تستغبي وبالعكس عاجبتني وتصرفها عين العقل
لحظاات الله يرزقج بمكان ترتاحين فيه ويرزقج بصحبة صالحه يارب .. عالم الدوامات متعب جدا اللهم المعاش الحلو والا رفيجاتي كلهم برا الدوااااااااام

يسلموا بنانيت على الردود

 

[سفييره الكويت]

هذيل عقولهم على قدهم وشنو يعني بنت فلان والنعم بالكل لكن ماقعد افرق عشان هذي بنت فلان بصراحه

اغبياااء

 

[Tom ♥ Jerry]

.,


الغيره و الحسد موجود بالمجتمع
و خاصه عند الحريم

الله يهدي الجميع يارب :*

 

[دلوعة أبوهآ]

آلله يعين ..
آلناس صارو يخوفوآ والله

 

[روانتي 12]

سلآم عليكم . .

لان أغلب ناس تبي توب .. للأسف . . وتبي رزه و الهاي فاي . . هذا اهم شي عندهم بحياتهم

ما اقول مو حلو هالشي . . حلو لكن في ناس تبالغ للأسف . . يمكن البنات إللي ويآج بدوآم . . من نوعيه هذي . .

 

[فلنتينو]

جليلات حياا

 

[dalo0oa121]

بصرااحة انا مريت بهالنوعية اللي يشوفون نفسهم ويتمون بمجموعة وانا بروحي
لكن الله نصرني عليهم من بعد الدعاء والاستغفار