مشكله بنت عمي مع ريلها

[قمر 777]

مشكلة بنت عمي ان حمواتها يتدخلون بحياتها مع ريلها واهي تعبت وايد
تخيلوا اهي وايد طيبه معاهم وحبيبه وهديه مني وهديه مناك وكافيه خيرها شرها وحبيبه مع خالتها
بس اي مشكله تصير بينها وبين ريلها كلهم يكرهونها ويحطون عيوب الدنيا فيها ولما ريلها يصير اوكي ويرجعون لبعض يغارون ويحترون ويصيرون اوكي معاها
كل مازعلت زعلوا معاه واذا رضى يرضون تقول تعبت من هالشي لاعت جبدها وانا تعبت من شكاويها مسكينه حيل كاسره خاطري شالحل تتوقعون
ويتقول يحارقونها بالوتساب توبيكات سب فيها لما تتزاعل مع ريلها

ابي الحل علشان انصحها واقول لها هذا الحل من احلا بنات كويتيات

 

[Tom ♥ Jerry]

,



آمبيه مو من صجهم ! عقلهم مافيه عقل على قولت اختي الصغيره
خل تقعد بينها و بين ريلها تقوله انه ماله داعي اذا تزاعلت وياه
و صارت مشكله صغيره بينهم انه خواته و امه يدرون !
خل يبينون طبيعي جدامهم !

الله يعينها

 

[ديانا سبنسر]

هذي سوالف الحمولة ما تخلص يبا طااااااااااااف من امه

 

[يـاكـرهـي $:]

لا تجيب خبرهمم كلش لان الزعل مالزعل هذا بينها وبينه @@!

 

[مجهوله تايم]

وشلون يعرفووونان بينهم شي؟؟؟؟يااهوو يعلم يااهي من طيبهاا تشكي لهم ؟؟وينقلب عليهاا
لا تبين ابددددددد قدامهم تكون طبيعيه ماشي حياتهاا

 

[مجهوله تايم]

الله يكووون بعونهااا ياحليلهاا شكلهاا تخاف تواجههم

 

[عسل حدي]

ويع اشوه ماعندي حموات ولا حريم حموان البه يفكنا من مشاكل هالحموله بس

 

[Patcholli]

مشاكلهم لازم بينهم مو لازم لا اهله ولا اهلج يدرون عن شي ..!!

ووايد ناس جذي يبون الجنه مريحه ولدهم ومن يتشكى منها يقلبون عليها ويكرهونها هاذا شي منتشر وايد

اهم شي انكم تكتمون على اموركم ومشاكلكم واسراركم مهما كان اهله بيوقفون معاه

 

[i'm so happy]

اهل الزوج دائماً جذي حبيبتي غيره الغيره ثم الغيره موجوده فيهم مابي اقول كل المتزوجات بس الاكثريه يعانون من هالشي

الحل انها تكون رسميه معاهم ولا تهتم لكلامهم

 

[نـعـومـه]

ترا وايد ناس جذي اذا احد منهم زعل الكل يزعل

قبل اي شي سؤال !؟ تقولين تهاوشت مع زوجها اهله يزعلون منها !! انزين بالاساس اهله ليش يعرفون عن مشاكلهم !!

اهله لايعرفون موحلوه كل ماتصير هوشه الكل يدري

واذا اهمه جذي خلها معاهم رسمي

 

[PuPa^^SWeeT]

واهم شلووون يدرووون بالزعل بينها وبين ريلها ...





حتى ريلها يبييله تادييب مو كل شي ينقاااال

 

[رنيم الروح]

نفسي افهم الي متزوجها مين؟ الزوج ولا اهم؟ عشان يزعلون معاه
حبيبتي هذي مالها حل الا انهم مايعرفون شي عن زعلهم او مشاكلهم او متراضين وتفهم زوجها هالشي ويكونون قدامهم عادي جدا

 

[dalo0oa121]

يغارون ويحترون ويصيرون اوكي معاها

في تناقض

 

[al-musk]

مفروض هي تحط حد حق هالموضوع معاه هو له دور اساسي بهالشي

 

[فرزاشيهـ]

اي شي و شكوو هم !

الخلل من الزوج مفروض مو كل صغير و كبيره يدرون فيها

 

[دلال و غلا]

ما علمتينا منو بالضبط اللي يوصل سوالف الزعل للام و الخوات ؟!
ع العموم اكبر غلط اللي هم طايحين فيه الحين انه كل سالفه و كل مشكله او سوء تفاهم يطلع برا
ضروري ما تطلع سوالفهم هذا شي خاص ..

قولي لها تبين ترتاحين من هالمشكله لااا تخلين زوجج يسولف او انتي ابدا

 

[صمت المرافئ]

أهم شي ...
يزعلون ... بتراضون ...
لحد يدري عنهم ...
لازم تتفق مع ريلها إن مشاكلهم بينهم ...
وبينهم فقط لا يدري عنها طرف ثالث
وجذي يرتاحون ...
​

 

[زوجة عزيز]

المفروض اللي يصير بينهم محد يدري به واذا على الواتساب اتغير رقمها وماتضيفهم

 

[ثريا الكون]

هههه شهل الريال حلجه مشقوق والله يفشل كل شئ يقوله حق اهله ولا الاهل اشدراهم مو اهو دعله بو حلج

 

[اميره1980]

منو يطلع اسرارهم لبره ؟
اذا زوجها هو اللي يقول اسرارهم لاهله هذي هي المشكلة الحقيقية مو ان يزعلون منها
اسرار بيته ليش يطلعها بره و اذا زعلو مع بعض مو لازم كل الدنيا تدري هالشي خاص حيييييييييييييل