مشكله اخوي وبنت خالتي ( مولاقين لها ححل ) !

[هُدوء]

سلام عليكم

بدشش بالموضوع ع ططول

الله يسلمكم اخوي قبل سنتين كلم خالتي عشان بيخطب بنتها قالت اوك يصير خخير
بعد فتره رحنا عند يدتنا وخالت قاعده تسولف مع امي واحناوسوت سالفه انا يا ولد عمت بنت خالتي
وخطبها من عند ابوها وبنتي موراضيه وابوها قال خلاص انا طيت الكلمه لي الريايل ومقدر اردهم ..

احنا بالنسبه لنا عادي وقلنا قسمه ونصيب وكل شي ربي كاتبه ة ويمكن خيره ..
امم بالنسبه لـ. اخوي ماقلنا له قعدنا شهرين محد فتح الموضوع معه وبعدين يا عند امي ويكلمها بخصوص هالسالفه
قالت له امي والله البنت انخطبت وقالت له عن السالفه .. وقاعد يهاوش وزعل على امي وخالتي 2 شهرين ومايكلمهم
المهم رجعت العلاقات مثل ماكانت قبل .. وقال لاامي خلاص خطبي لي انا بتزوج قالت امي خلاص بدور لك وحده من البنات ، بعد شهرين نسى السالفه يا مره ثانيهةْ. وقال خلاص يممه خطبي لي بنت خالتي الثانيه ( اختها ) الصغيره
المشكله بنات بنت خالتي الصغيره عمرها 14 .. انا بالنسبه لي مابي اخوي يتزوج بنت خالتي الثانيه
لاني اكتشفت ان هالسالفه اللي قالتها خالتي لنا جذب x جذب عشان تسكتنا بس وبنت خالتي اهي بنفسها اعترفت وقالت لي هالحجي ، قالت انا استخرت اسبوعين بعدين وافقت وابوي ماكان له دخل في الموضوع بس عشان امي واحنا مانزعل ، حاولت فيها وقلت لها ليش ماتبين اخوي قالت خاف تصير مشاكل بينا وكثير اسمع مشاكل بين الخوات وبناتهم
وانا خاف تصير مشاكل بالنسبه لي مااقتنعت بحجيها ..

المهم امي كلمت خالتي وقالت لها بخطب بنتج الصغيره لولدي طبعا بعد ماتتخرج وقالت قولي لريلج اذ موافقين من الحين ولالا عشان ماننطر وبالنهايه ماكو زواج خالتي كلمت ريلها وريلها وافق وهي وافقت ولكن بتم الخطبه الرسميه بعد ماتتخرج بنت خالتي من الثانويه لانها للحينها بالمتوسط واخوي توه صغير لاحق على الزواج ..


ـــ



ني للمشكلتي طبعا بنت خالتي الجبيره اللي خطبها ولد عمتها سحب عليها يعني عمتها وولدها سحبو عليها
عمتها من يوم زوجت ولدها الكبير .. زوجته غيرت عمتها 180 درجه يعني تبي ولدها الثاني ل اختها ..

وبالفعل عمتها هالحين مقاطعتهم وماتحاجيهم من 5 شهور .. وشكلها قالت لخالتي خلاص مانبي بنتكم ؟!
بس خالتي ماتبي تقول لنا عشان رده فعلنا !

لكن خالتي تدز خالتي الثانيه لنا وخالتي الثانيه تقولنا والله انها ماتبي ( فلانه) تتزوج ولد عمتها تقول مو مرتاحه
لهم واخلاقهم هالحين بينت وماتبي بنتها تحتك فيهم خالتي القصد من كل هالكلام يعني لاتوخذون بنتي الصغيره

ام 14 خذو الجبيره ، يعني بالاول ردوا اخوي عشان ماياخذ بنتهم الجبيره وعطوها ولد عمتها

وهالحين خالتي تبي اخوي ياخذ بنتها الجبيره ،، ان اللي باط جبدي ان خالتي سوت سالفه. عن بنتها وتقول ابوها غاصبها عن الزواج طلع السالفه كلها تاليف بتاليف ؟!


انتم شرايكم ، انا عارفه ان امي لو قالت السالفه ل اخوي بيوافق يتزوج الجبيره لانه نفسه فيها وزعل لانه مااخذها

لاتقولون تركوا بنات خالتج ودورو غيرهم ؟!

اخوي قايل بعظمه لسانه .. انا مابي غير بنات خالتي ابي بنت اخلاقها مثل اخلاق امها

قوليلي شسوي .. ويَ ليت تكتبون ردودكم مو تدشون الموضوع وتشوفونه وتطلعون

ابي ردودكم .. ولو صار معكم هالشي شنو راح تسوون ؟!

*

 

[أنثى بلذة العسل]

لووووول

احس مافهمت السالفه لان الشخصيات وااايد وتلخبطت بينهم :ggdw:

الله يوفقه ببنت الحلال اللي تسر خاطره ( اللي بتكون وحده من بنات خالتج لوووووول :krkrkr:​

 

[اخق وحده]

لو هو اخوي ماخطبت له منهم ابد دورت غيرهم بحاول اقنعه ماياخذهم لانه بتصير مشاكل بين الخوات لو أخذ وحده منهم

 

[هُدوء]

^^
حاولنا فيه بس ماإكو فايده ..
يقول مابي اتزوج الا من بنات خالاتي هاذيلا
لان خالاتي الباجيات ماعندهم بنات كلهم صغار ححيل او متزوجات
ويقول مابي ناس مانعرفهم

ـــ

ي ليت اللي تبي ترد تقرا الموضوع كله والي تقول ااشخصيات واايد
هههه حسستيني كاتبه قصهْ لووووول ؟! يعني كلها بنات خالاتي واخوي

 

[ســتارز]

انتم فهموا اخوكم السالفة كلها

قولوا له انها لما خطبها ولد عمتها وافقت وكان عذرها انها ماتبي زواج الاقارب لانه يجيب مشاكل للاهل

يعني البنت حكمت عقلها !!! عقلها

واللي يحب مستحيل يسوي اللي سوته

الله يهديه ويوفقه مع بنت الحلال واذا من بعيد افضل

 

[q8dvd2000]

شالسالفه مافي بالديره الا خالتج وبناتها ؟؟؟؟؟؟؟
واخووج جم عمره اساسا اللي خاطب بنت بالمتوسط وعمرها 14 سنه ؟؟؟؟؟؟؟

 

[الشامخة بوطنها]

انا من رايي بعددد قولي السالفة لااخوج ولة حرية الاختياار بسسس انااا مالوووم خالتج ماتبي القرب عشاان لاتصير بينهااا وبين اختهااا مشاااكل وانااا عن تجربة احسس فية زواج الاهل يقرب وفية الي يقطععع صلة الارحاااام الله يكتب الي فية خيرررر

 

[هُدوء]

^^
بس البنت مارفضت اخوي عشان زواج الاقارب وماتبي تصير مشاكل ؟
رفضت عشان شي ثاني

بعدين انا قلت البنت ام ١٤ لي صار عمرها ١٧ بتتزوجها ! مو هالحين

 

[حجيه هيونه]

امممممممم

الحل تتكلمون اخوكم بصراحه

والبنت ام 14 لاحقة على الزواج وباجر بيجيها الى يحبها ويبيها


هم صعبه اخوج ياخذ وحده وقلبه مع الثانية



بعدين هذا كله من تحت ر اس الام البنت مالها شغل

 

[* Snow White *]

سبحان الله صج قسمه ونصيب، جنها مكتوبه له من الاول لول
خل يروح يخطب بنت خالته الكبيره وياخذها دام اهوه يبيها لان الريال اذا اختار الوحده اللي يبيها راح يرتاح
لاتغيرون رايه، اهوه اللي بيتزوج مو انتو .. خلوه ياخذها
وبعدين الصغيره وايد صغيره لاحقه عالزواج يعني تتزوج عمرها 17؟ هم وايد صغيره ..

بس حرام عمتها اللي بتزوج ولدها اخت مرت ولدها الكبير لول اكبر غلط انه اخوان يتزوجون خوات ويع الله يعينهم
موفقين

 

[هميان]

الخطبه اذا تدخلو فيها الحريم تنعفس سبحان الله واذا رجاجيل اتصير سهالات
ليش لانه الحريم كلامهم واجد

انا اشوف لو ياخذ الكبيره احسن له اولا لانه يبيها واعتقد سنها مناسب لزواج بس الاهم هي رايهاا بعد

والصغيره توهاا تدرس خلوهاا لاهيه بدراسته لاتحطون في بالها الزواج من اللحين وواجد ينطرون 3 سنين

 

[Nmnoum]

الكبيرة

 

[Qatar girl]

كم عمر الولد ؟؟


ولو تبون الفكة من المشاكل يا تصبرون سنتين ثلاث

او تشوفون غير هالخالة

ولو صبرتوا شوي احسن بيتغير رايه

عيل وحده باعته وبعدين يوم شافت ان ولد العمه سحب عليها قامت ترجع له!! بتعيش بمشاكل وباين من البداية امها ما بدت ولد اختها على ولد عمة البنت

استخيروا عدل

 

[لمى الهاجري]

خل يستخير ويكلم ريل خالته

 

[ما كو اسم]

انا بعرف ولد خالتها من الاقارب وولد عمتها مو من الاقارب ؟؟؟!!!!!!!!
بعدين واضح ان اخوج صغير انا اقول صرفوا نظر لمدة جم سنه لمن يكبر اخوج واللي الله كاتبه راح يصير

 

[((نبض الغلا))]

،.
،.
انا اقول قولوا لاخوج السالفة كلها من البداية وبنفس التفاصيل وخلوه يستخير ، وشوفوا شيقرر ؟!!
وبالنسبة لسؤالج لو كنت مكانكم ؛: ماراح نخطبها لاخوي كلشش ، خالتي على عيني وراسي بس احسهم مو جادين ومو راغبين 100٪


والله ييسر لكم الخير يارب 

 

[Lourdez]

حبيبتي خل ياخذها و لا تقولون له السالفه و اللف و الدوران اللي صار مبين خالتج ام البنت اهي اللي ماتبي هالزواج و معاها حق خايفة تصير مشاكل و لا طلاق لا سمح الله تنقطع علاقة الخوات لانه اعرف عايلة جذي لما تطلقوا انقطعت علاقه الخوات و صارت مشاااكل و تخيلي نروح عرس لهم ما يسلمون على بعض يعني خوات و بينهم العيش و الملح و العشرة الطويلة و اخر شي نهايتهم جذي .. المهم دام اخووج حاطها براسه خلاص خل ياخذها و الخيرة فيما اختاره الله مبين انه اهي من نصيبه ما شاء الله

 

[meen_ana]

شنو مزعلج خلاص ياخذ الكبيرة دام ماصار لها نصيب وهي بخاطره حرام يظلم اختها الصغيره

 

[متواضعة]

الله يسر لكم

 

[صادقة بكلمتي]

واللهه حبيبتي عن نفسي دام اخوج نفسه بالكبيرة توكلوا على الله من البدايه ولا ينطر اختها ان له نصيب فيها الكبيره وزوجوه يمكن الله كاتبها له علشان جذي خربت السالفه مع ولد عمتها والخيره فيما اختاره الله خل امج تستخير وتاخذها واللي منكم خير على خير حرام دام يبيها من الاول واعذروا خالتكم ما تعرفون شنو ظروفها وتفكيرها كان والله يكتبلكم الصالح ويوفق اخوج ويستر عليهم وتفرحون فيهم اميييييييييييييييييييييييين:yaaaaaarb: