مشكلتي

[latkt7as]

السلام عليكم

شلونكم امههااات

ابي خبرتككم بالحياه مع عيالكم بخصوص التربيه

بقولكم عن حياتي مع عيالي

ولدي البجر عمره سنتين و4 شهور وشي
ولدي الثاني عمره 3 شهور تقريبا


ببدا اكلمكم عن نفسي من تزوجت
وانا وزوجي نومنا ملخبط
لاتقولين حاولي تعدلينه ويتعدل حااااولنا شكثر
ونرد لنفس النومه
بحكم انا ماعندي شغل الصبح
وزوجي دوامه شفتات بالليل وجم مره بالاسبوع

يعني حياتنا اغلبها سهر لصبح او الظهر ونقعد المغرب او بالليل


المشكله الثانيه ولدي نومته صارت مثلنا يعني مايحب قومته الصبح
يحب ينام نومه طويله من الظهر الى المغرب

غير انه متعلق بمصاصته جربت اشياء واجد عشان يتركها
يصصصصصح من قمه راسه ويعصب وييييبجي
وانا وابوه مانتحمل طريقته لما يبجي جذي لانه يقلب لونه احمر وبعدين ازرق
وشبه يتشنج وجهه

وبطبعه اذا بغى شي تنح عليه احيانا يلين واحيانا لا

ودي اخليه مؤدب



عندي 4 شغلات ابي اعلمه عليهم بالتسلسل من 1 الى 4
1 يترك المصاصه
2 ينام بغرفته
3 يروح الحمام
4 يسمع كلامي ومايعصب ويصارخ

وولدي الثاني
ودي اصلح غلطاتي باخووه
يعني قليل لما اعطيه مصاصه كل جم يوم دقيقتين عشان بس تنظف لسانه
ودي اعوده ينام بغرفته من الاسبوع الجاي
وببدي اعلمه الحمام من سنه بالتدريج المريح


انصحوني بعد ودي عيالي يكونون احسن تربيه وافتخر فيهم

اي وبعد شلون احفظ ولدي الكبير ايات قرانيه صغيره

 

[Aloe Vera]

ماعرف عالمصاصه لان ماعمري عطيت عيالي
بس عالحمام بلشي مع الكبير من الحين
و خلي الصغير يتعلم يقلد اخوه من يصير قبل السنة او عالسنة خليه يتعلم يقعد عالمرحاض انا بنتي الثانية جذي بس قلدت اختها و تعلمت عالحمام
و النومة بالغرفة خليهم مع بعض ينامون عشان الكبير مايغار ليش اخوه ليلحين معاكم
و ماقدر افيدج بتعديل نومتكم انتي و زوجج لان هذا شي بيدكم و قراركم
انا ماعندي سهر ولا حتى في رمضان و عيالي ينامون ٧ و البيت ظلمة مافي صوت ولا حس

 

[Aloe Vera]

و انا لاحظت اذا بنتي الصغيرة عصبت و صارخت اكثر شي ينفع اني الهيها و اغير الموضوع او اطلعها من الغرفة تنسى السالفه و تطخ

 

[M!SS.LOBY]

الله يحفظهم لكم ولا تشوفون فيهم مكروه

 

[latkt7as]

فديتكم حبايبي

ادري النومه بحطهم اثنينهم

والمصاصه من امس خاشتها ويسال عنها واطنش
ويقعد يدور ويصيح

واحاول الهيه بشي ثاني

بالنسبه للحمام ماعرف شلون الطريقه
يعني البسه حفاظه واوديه كل شوي الحمام لين يتعود
واخليه بعدين بدون حفاظه

 

[ناصر حياتي]

عندي لج راي مادري يعجبج او لا
ليش ماتحاولين تدخلينه حضانه الصبح
منها يتعلم اشياء تفيده ومنها يتعلم الحمام
وانتوا يتعدل نومكم يعني فيه شي تقعدون
علشانه الصبح

 

[latkt7as]

اختي ناصر حياتي

فكرررت فيها وحيييل عاجبتني الفكرة
بس المشكله هالفتره وضعنا المادي مو شي

عندنا التزامات واجد مهمه

 

[ام الحلوااات]

السلام عليكم

شلونكم امههااات

ابي خبرتككم بالحياه مع عيالكم بخصوص التربيه

بقولكم عن حياتي مع عيالي

ولدي البجر عمره سنتين و4 شهور وشي
ولدي الثاني عمره 3 شهور تقريبا


ببدا اكلمكم عن نفسي من تزوجت
وانا وزوجي نومنا ملخبط
لاتقولين حاولي تعدلينه ويتعدل حااااولنا شكثر
ونرد لنفس النومه
بحكم انا ماعندي شغل الصبح
وزوجي دوامه شفتات بالليل وجم مره بالاسبوع

يعني حياتنا اغلبها سهر لصبح او الظهر ونقعد المغرب او بالليل


المشكله الثانيه ولدي نومته صارت مثلنا يعني مايحب قومته الصبح
يحب ينام نومه طويله من الظهر الى المغرب
مـن 10 باللـيـل الـى الـصـبـح نـومـه طـوويـلـه
نــومـيـه لا تـخـلـيـنـه الـسـهــر مــو زيـن لـنـمـو عـقـل وجـسـم الـيـاهـل
غير انه متعلق بمصاصته جربت اشياء واجد عشان يتركها
يصصصصصح من قمه راسه ويعصب وييييبجي
وانا وابوه مانتحمل طريقته لما يبجي جذي لانه يقلب لونه احمر وبعدين ازرق
وشبه يتشنج وجهه

وبطبعه اذا بغى شي تنح عليه احيانا يلين واحيانا لا

ودي اخليه مؤدب



عندي 4 شغلات ابي اعلمه عليهم بالتسلسل من 1 الى 4
1 يترك المصاصه
اذا طـلـبـهـا غـمـسـيـهـا بـمـاي فـيـه مـلـح واايـد وغـسـلـيـهـا جـدامـه بـاالـمـاي مـاراح يـجـوز لـه الـطـعـم واذا شــكــى انــتــي كــرهــيــه فـيـهـا بـااسـلــووبــج خــلـيـه يـعـافـهـا لــيـن يـقـطـهـا مـن خــاطــره بـاالـزبــالـــه
2 ينام بغرفته
خــلــيـه يـنـام وتـظـاااهــري انــج بـتـنـامـيـن مـعـاه بـغـرفـتـه لــيـن يـرووح بـسـاابـع نــومــه وبـعـديـن روحـي داارج وطــلــي عـلـيـه كــل شــوي والـثـانــي شــرط يـكـون دارج صـوب داره واتــركـي الابـواب مـفـتـوحــه بـيـنـكـم
3 يروح الحمام
عــمــر ولــدج مــنــاســـب لـتــعــلــيـم الــحــمـــام وظــروورري ظــرووورري تـقـطـيـن الـحـفـاظ بـاالـبـيــت ابــدي مـعـاه كــل عــشـر دقـايـق وبـعـديـن كـل ربـع سـاعـه وديـه الـحـمـام حـتـى لـومـافـيـه شـي الـمـهـم يـتـعـود صـــج بـتـعـبـيـن ويـاه بـس تـحـمـلـي واللــه يــعــيـنـج
4 يسمع كلامي ومايعصب ويصارخ
اذا صــارخ هــديـه بـااسـلـوبـج وطــوولـي بـالـج عـلـيـه وكـلـمـيـه بـهـدوء وحـاولـي تـغـيـريـن جـوه لـحـظـتـهـا ويـنـسـى اللـي بـراسـه وقـولـي لـه الاولاد الـحـلـويـن مـايـصـارخـون عـلـى امـهـم واذا اسـتـجـااب لـج كـافئـيـه بـشـي يـحـبـه وشـووي شـووي راح يـنـجـذب لـج وسـمـع كـلامـج
وولدي الثاني
ودي اصلح غلطاتي باخووه
ولـدج هـذا مـازاال صـغـيــر
انـتــي اتـعــبي مـع اخــوه الـكـبـيـر وعـلـمـيـه الـصـح مـن الـغـلـط
والـشـيـن مـن الـزيـن لــيـن مـاتـربـيـنـه عــدددل
سـاعـتـهـا الـصـغـيـر راااح يـتـعـلـم تـلـقـائــيــآ مـن الـكــبـيـر
مـن لـعـبـهـم وجـلـسـتـهـم وسـوالـفـهـم مـع بـعـض رااح يـقـلـده بـكـل شـي ويـسـمـع لـه اكـثـر مـنـج
يعني قليل لما اعطيه مصاصه كل جم يوم دقيقتين عشان بس تنظف لسانه
اذا بـسـم اللـه عـلـيـه مـو مـن الـنـوع اللـي يـبـجـي وااايـــد
ولا يـفـقــد الـمـصـاصــه لا تـعـطـيـنـه ايـاهـا واذا عـلـى تـنـظـيـف لـسـانـه كـافـي عـلـيـه تـعـطـيـنـه رضـعـة مـاي بـعـد رضـعـة الـحـلـيـب بـسـاعـه وتـرتـاحـيـن مـن الـمـصـاصـه ومـشـاكـلـهـا
ودي اعوده ينام بغرفته من الاسبوع الجاي
حـطـيـه مـع اخـوه بـدار وحــده وطـلـي عـلـيـهـم
وببدي اعلمه الحمام من سنه بالتدريج المريح
ســنـه بـدرري وااايـد
الـسـنـتـيـن عـمـر مـنـاسـب للـطـفـل يـتـعـلـم اي شـي تـبـيـنـه مـنـه
انصحوني بعد ودي عيالي يكونون احسن تربيه وافتخر فيهم

اي وبعد شلون احفظ ولدي الكبير ايات قرانيه صغيره

قـبـل الـنـوم وانـتـي مـعـاه بـاالـدار اقـرئـي لـج سـوره قصـيـره وظـلـي رددي فـيـهـا جـم لـيـلـه واطـلـبـي مـنـه يــشـاركـج قـراءتـهـا عـقـب تـظـاهـري بـنـسـيـانـهـا عـشـان يـذكـرج هــو
واللــــه يـصـلـح لــج عـيـالــج ويـفـرحـج فـيـهـم يــااارب

طــووولــت واايــــد بــس اتـمـنـى اكــــووون افـــددتــــــج

 

[latkt7as]

حبيبتي ام الحلوات ماقصصررتي فديت روحج