مشكلتي ويا زوجي :(

[حبي ركاده]

السلام عليكم خواتي
بدش بالموضوع عطول وابي مشورتكم بمشكلتي
مالي الا الله ثم انتو لا تبخلون علي


توني ما صارلي شهرين متزوجه وزوجي طيب و ماشي حاله
يعني مو كامل لكن في امور تتمشى واغض البصر عنها


لكن في شغله متعبتني حيييييل و مضايقتني منه
انه يطلع من البيت ع الساعه 3 العصر
ومايرد الا 1 او 2 بالليل ومرات اكثر
طبعا انا مع حمولتي وكذا مره. بينت ان هالشي يضايقني
يقول كل شي عندج واهلي عندج واذا بغيتي شي تكلميني تلفون مو ناقصج شي
واحسن اطلع علشان تتفرغين لشغل البيت وتاخذين راحتج
بس انا والله افقده ودي اقعد معاه ونسولف
اهو يجي ينام ومايقعد الا العصر ويطلع
حياته معاي نوم فقط

طبعا طلعته كلها عند ربعه يا دوانيه يا مخيم والخ
واذا قلتله يقول تبين اخلي ربع واصعد انام لان مرات يجونه في دوانية اخوانه


شورو علي شسوي
لا وبعد مايرضى انام واخليه لازم انطره وتعبت من هالوضع
لاني موظفه وعندي دوام

ابي مشورتكم يا حكيمات

واسفه ع الكلام الملخبط بس لاني اكتب من فون
وجزا الله خير كل من ترد علي وتعطيني حل لمشكلتي

 

[Royof]

عادي مشكلتج تواجه معظم المتزوجات

اغلب الرياجيل جذي يطلع دواوين ومخيمات مايرد الا قبل الفجر بشوي هاذي مو مشكله حاولي تشغلين نفسج لا طلع راح تعودين باجر يجيج بيبي ان شاءالله

ويشغلج

 

[fofo90]

الله يعينج ويصبرج وهذي صج مشكله اول الزواج وراح تنحل مع اول ياهل ان شاءالله تحسين وقتج يضيع مع لويه الياهل وشغله يعني عادي تحملي لين الله يرزقج ويفرجها عليج ...

 

[عيني عليه]

مي تو. . بس انا يقعد ع الاربع ياكل غداه ساعه ويطلع ويحي 1او 2او 3. . وتهاوشت معاه وانذبحت. . لمن رجع طليقته لانه مطلق كان. . صار يروح يومين ويجيني يومين ... صرت اقول يالييت الوضعرالقديم يرجع .

في مخينات ودواوين ومع شباب يفييييب وقلبج مرتاح. .. احسن من انه يغيب وانتي تحترقين حرااق . دايما فكري في الوضع الاسوأ عشان تحسين بالنعمه اللي في يدج

 

[popa]

صدقيني عنده بلا
ياراعي خرابيط يا راعي خرابيط

 

[الشهد كله]

الحال من بعضه :eh_s(14):

إذا لقيتي حل قولي لي

من أول ما تزوجت لليوم

وصار لي أكثر من 17 سنة وآنا على هالحال :eh_s(16)::eh_s(16):​

 

[نـعـومـه]

قوليله يخصصلج عالاقل يوم بالاسبوع لج انتي

او يجدم الوقت يرد البيت ١٠ ١١ قوليله

وادعيله بالهدايه

 

[فيلجاويه كيوت]

لانج جديدة حاسه بهالشي عقب تتمنين يطلع لوووووووول

 

[حبي ركاده]

الله يجبر بخااطركم بناات

والله مادري شسوي معاه تعبت لانه تفكيره صعب
اذا قلتله اقعد عندي يقول بتمنعيني من الطلعه ويزعل
يقول ماكو مره تمنع زوجها يطلع
شرد عليه بالله !!


والي قالت عنده خرابيط
الله يسامحج خليتيني اوسووس حييل
شلون اعرف اذا صج له خرابيط ولا لا
������


والله حيل مهمومه ومو جنه صارلي شهرين بس

 

[قلب طفـــله]

لامب شرط عنده خرابيط شدعوه !!

لاتوسوسين قوليله يطلع لهم متأخر مثلا 7 حلو

 

[بقلبي انت]

عادي هالحاله مرينا فيها كلنا اول الزواج ...اهو بعتقاده ان الزواج بغير اسلوب حياته
عشان جذي قاعد علي وضعه القديم ايام العزوبيه ان مافي شي يقيده ولا يغير اسلوبه
...شوي شوي بيتغير لا تحاتين لكبرت مسؤليته ورزقكم ربي بجاهل ساعتها بتشوفينه قليل ما يطلع او
يتأخر ...
بعدين حمدي ربج انج مع حموله تتونسين معاهم انا يوم تزوجت كنت بروحي بشقه اكلم الطوف وقتها اهلي مسافرين
واهو يطلع العصر مايرد إلا اخر الليل

معلومه مو كل واحد تأخربالليل او قعد مع ربعه بالديوانيه عنده خرابيط إلي تقول هالكلام
ماعندها ثقه بنفسها واهي ابخص بزوجها اتقوا ربكم والظليمه شينه وديروا بالكم من الوساوس
تنبشون باغراض الزوج

 

[بلوبري]

اولا حبيبتي وسعي صدرج و الحمدلله ان طيب و محبوب معاج
ثانيا عادي شي طبيعي يطلع و يرد اخر الليل لان للحين ع باله ان عزوبي عاادي انتي استغفري ربي و كثره من الدعاه
انا مريت بالحاله و ليومج هذا يوم يطلع و يتاخر
انصحج تدقين عليه و تقولين اليوم بسويلك عشاه و ابيك ع 9 موجود او قبل لا يطلع عشان يحسب احسابه بالرده
الحمدلله انج مع حمولتج انا كنت بروحي للحين بروحي في شقه
اهم كلميه و سوي عشاه علميه
و لي تقول عنده خرابيط ما عنده ثقه في زوجها و نفسه
ولا تفكرين ووااايد
كثري من الاستغفار
الله يهدي ازواجنا و يصلح امورنا

 

[قلب ريلها]

سوي له مفاجات وسوي عشى رومانسي ديكورات حركات شموع ليتات يعني من هالاشياء دلعيه دززي له مسج قولي له ياليت اليوم ترجع من وقت لاني اشتقتلك خبرج الريايل يحيبون جذي اخذي افلام سهرو مع بعض يعني انتي سوي برنامج له

 

[Ro7_alwfa]

حبيبتي هالمشكله كلنا نعاني منها ومهما تكلمتي ليجبر خاطرج أسبوع وبيرد

يرجع لطبعه القديم اهم شي انتي حاولي تشغيلنه فيج مب دايما يعني

طلعه لفيلم في السينما طلعه عشا وكذيه باقي الأيام انشغلي ومب لازم تنطرينه لين ما يرد

هو مب سالفه عناد بس عشان ترتاحين وأول سنه زواج ها لطبع ما يتغير عشان يثبت بعد حق ربعه

انه هو ما تغير ومثل ما كان مافي احد يسيطر عليه وريحي راسج من الحنه وهو بيتعدل ان شاء الله

 

[رشا الهواء]

من غير شر خليه عالراحته
وصدقيني بوقت تطنشينه وعندج عادي راح يتعدل من نفسه
مادام انتي تتحقطين له يوميا وتتهاوشين يكبر راسه هذي سوالف عاديه في بداية الزواج من يصير عنده يهال يحس بالمسؤولية
الله يرزقكم بالذرية الصالحة

 

[HUSH~]

تراا اللحين بيدج كل شيييييييييييييييييييييييييييييييييييييييييييييييييييييييييي . .


هالوقت تقدرين تعجنينه مثل ماتبين قبل لا يفوت الفوت ويصعب عجانه
روتي مب ريال "












حاولي تتقربين له اكثر . .
دلليه دلعيه
مارسوا الجنس بالعصر وبوضعيه جديدة " قلب الريال الاكل والفراش "

كسبيه وسحبيه يمج بجاذبية .
ومثل ماقالت اختي اللي فوق كلميه بكل دلع وخل يخصصج لج يوم بروحج وانتي بادري بعد
يعني عزميه انتي مو لازم اهوا ، إذا ودج تطلعين قوليله عازمتك ع حسابك عشان لا يتعود اهوا بكل طلعه انتي تدفعين
وماعليج حبيبتي من الي يقولون لج خرابيط ..
مو كل الرجال نيتهم وحده اذا 100 ريال قلل قعداته بالبيت بسسببة خرابيط مو معناته انه كل الريياييل يخربطوون

 

[Combat]

احسن عشان لاتتمللون من بعض والله كثر المجابل يملل ويمكن انتي قرقة وسوالفج ماتخلص فيمل وطبيعي يروح لربعة لان يندمجون ويا بعض اكثر نفس انتي ورفيجاتج