مشكلتي ويا امي

[sandibill]

انا امي قاسيه علي امي تكرهني تبيني بس خدامه لها اذا شافتني نايمه قالت نامت عليج طوفه اذا شافتني قاعده قالت شكنتي تسوين ليش ماتسوين جذي ليش ماتحطين ليش ماترتبين الكبت
اذا شافتني مستانسه تحب تخرب علي وناستي
كل رفيجاتي الي كانو معاي حيل خربت العلاقه معاهم بدون سبب اتهاوش معاهم وتطردهم
لمن اروح معاها مكان اتهاوش مع الناس لو واحد مرر بطريجه تقعد تزفه وتهاوشه تحسسني كاني انا وحده صايعه كاني مجرمه
وبناتها لصغار لو شنو مايسوون ماتقولهم اي شي
امي اذا انا مريضه تقعد تهاوشني ليش ماتهتمين بنفسج انا مالي خلق اوديج طبيب انا مالي خلق مرضج ذبحتيني
وتدعي علي ياعلج بالموت ياعلج بالسرطان
مع اني احاول ارضيها بكل الطرق
وعندي خالتي حقيييره حسبي الله عليها تحرش امي علي
وتظلمني وتحط بعرضي وانا بنت تقول عني هالكلام وتخلي امي تصدق
وخالتي هاذي سبب انها فرقت بين امي وابوي وخلتهم مايدانون بعض
والحين تبي تفرق بينها وبين عيالها
وانا اصرف على نفسي وساعات اذا احتاجت فلوس
ادبر لها من رفيجاتي بس عشان ماتفكر وماتضايق
واذا زعلت علي اركض اراضيها وتدزني
ليش يما انتي قاسيه علي
انا تعبت قاعده احس الم بقلبي والم براسي وكرهت دنيتي وقاعده افكر اني انتحر
بيتنا يوميا مشاكل 24 ساعه مشاكل مع كل الناس
ماني عارفه شسوي تعبت
امي شنو تبي مني بضبط
اذا تحبني تعاملني بمعروف
اذا تغار علي تعاملني باسلوب زين
اذا ماتحبني تتركني بحالي
انا احس خلاص مابقى فيني صبر خايفه ادش الطب النفسي بسببها
بس اذا مت بسببها ماراح اسامحها
لان ماشفت منها شي زين
وانا جاهل شبعتني طق والحين بناتها لصغار مدلعتهم
ولمن كبرت تشك بكل شي وانا ماعندي اي شي
والحين لو ارافج اي صديقه بعدتها عني
تبيني اخدمها ليل ونهار ومانام خدمه 24 ساعه واهي عندها خدامه وبنات غيري
عطت مجال لخالتي تحط بعرضي وماقالت لها اي شي
واعز انسانه على قلبي صديقتي الي مافي مثلها حرمتني منها
قولو لي شنو الحل معاها
تكفون ادعولي

 

[اميره1980]

لا حول و لا قوة الا بالله
مأجورة ان شاء الله
يمكن امج تطلع حره ابوج فيج انتي
بعدين انتي تقولين بناتها و بناتها يعني هذيله مو خواتج من امج و ابوج او من امج بس ؟؟
عموما اذا تقدرين تعيشين عند ابوج مو احسن من امج ؟؟ ماني شايفة اي ميزة عندها اذا وصلت للشرف استغفر الله
الله يصلحها و يهديها لج

 

[دلوعة أبوهآ]

آلله يهديهآ ويحنن قلبهآ عليكِ يآرب ..

 

[حلم ابوي]

بقوولك شغلله

اغلب امهاتنا مجتمعنا تقريبا نفس امك

تهاوش وتزف وكل شي

ترا مافي بنت عاشت حياة طول عمرها سعيده مع امها لابد هالمشاكل بين البنت وامها

ولاتقولين امي ماتحبني ولاتخلين هالافكار براسك

صدقيني من خوفها عليك وراح تعلمك هالسنين كل شي قالته امك وسووتته اكيد كان لمصلحتك
اما عن خالتك انتي بس قولي " حسبي الله وكفى "

لاتزرعين كره امك بقلبك بيجي يوم وتفقدينها وتفقدين هالشي

احتسبي كل شي لله من عصبيتها ومعاملتها

ولاتخلين الشيطان يزرع بقلبك حقد وكره ع امك

وبدال ماتقولين انتحر قولي
بقووم اخر الليل وبدعي ربي يحنن ويرف بقلب امي علي ويهديها ويطوولي بعمرها

وخلي الاستغفاار ماايفاارق لساانك

وتصبري

امك ثم امك ثم امك

الجنه تحت اقدامها لاتخسرين جنتك بسبب وسوسة الشيطان وحتسبي الاجر غيرك يتمناى امه عايشه ويرضى لو لليل ونهار تقسى عليه

نصصيحه لاتخلين لشيطان مجال ادعي واستغفري وصلي اخر الليل

وعسى ربي يفرج همك ويسعدك

 

[قَلبڪْ صًخرْ]

متاكده امج ؟

لاني اشوفج تقولين بناتها !!!!!

مو خواتج ؟؟؟؟


الام مكانتها عظيمه لو تكفخنا ليل ونهار
نتحمل


بس الخاله وقفيها انتي عند حدها
ذكريها بقذف المحصنات الغافلات
ذكريها بعذاب ربي عليها وسخطه

الله ينتقم لج منها

 

[روحين في رـوح]

عسـى أن تكرهوا شيئا وهو خيرا لكم

حبيبتي وراء كل قسوه سبب انتي اقعدي مع امك احكي معها احكيلها ليش هيك بتعاملني كأني بنت البطه السوده ليش ماتحني ئلبك علي انا شو مئصره معك




ممم مابعرف احكي معها احسن ما تزرعي الشك بقلبك الام ما تتكرر حتى لو كانت قاسيه


وبالنسبه لخالتك مابتعرفي تخرسيها بكلمتين انتي دافعي عن نفسك وتخلي كل واحد يلزم حده


لازم تكوني واثقه من حالك بس تحكي




والله يجيب الي فيه الخير ويحنن ئلب امك عليكي

 

[بكيزة هانم]

مثل ماقالوا هذا حال امهات كثار ..ما تقدر تتحكم باعصابها وتحط حرتها بالحلقة الأضعف

لكن الصبر مفتاح الفرج ..

طنشي ولا تحتكين فيها واهيا معصبة

 

[بكيزة هانم]

ايه والاستغفار دايم ...يقلب الحال من الى

 

[بنووته تكاانه]

آلله يهديهآ ويحنن قلبهآ عليكِ يآرب

 

[sandibill]

مشكورين الي ردو علي وجزاكم الله خير
انا قلت بناتها اهم خواتي من امي وابوي بس الي قاهرني ان اهم مايسوون اي شي كل شغلهم وتعبهم علي
وخالتي هاذي حبيبة امي
امي مقصه عندها وماترضا عليها من ناحيتها وعلي انا شجاعه
امي عصبيه وخلتنا كلنا عصبيين ماني عارفه شالحل معاها شلون اتعامل معاها

 

[هناء - Hana]

الله يهديها؛*

 

[ماسكرا كويتيه]

شوفي حبيبتي امج ماراح تتغير لان هذا طبعها خليها كما هي ولا تفكرين انج اتغيرينها .. فكري بمستقبلج وشلون تفيدين روحج .. لا تحاولين تضرينها لان هذا شي مايجوز .. ولا تفكرين فيها وايد لان العمر قاعد يمشي فيج ولازم تتعلمين اشلون اتوصلين نفسج للاحسن .. ادعولها دائما بخير لانها امج مهما كان .. هذا بلاء من الرب على العبد ولا يرفع البلاء الا هو .. نصيحه مني اختي شوفي مستقبلج احسن من اي شي ​

ولا تعتبرين هذا الشي يحرج او يفشل .. هذا موجود في اغلب البيوت .. والله المستعان

 

[Smchoocha]

المشاكل موجوده في كل بيت و كل مكان
امج حاولي تبرينها و تساعدينها لانها بالنهاية امج و مالج غيرها
خالتج سكتيها حاولي توخرين عنها زفيها لا تخلينها تخرب علاقتكم

 

[dalo0oa121]

انا امي تكرهني وماتهتم فيني وكله منقعتني بالبيت ومافي طلعات
ومافي دلع مع اني ماستاهل

 

[ميريام فارسQ8]

مافي ام ماتحب بنتها صح تزفج وتدعي عليج بس صدقيني ترا تحبج وخالتج وخري عنها شكلها حاقده وتبي تخرب علاقتج بينج وبين امج

 

[دلوله 111]

الله يكون بعونج
وكل ما أمج تضايقج رددي : لا حول ولاقوة الا بالله​

والله يفرجها عليج

 

[كتكوته نورة]

الله يعينج

 

[#laloo]

الله يعينجعامليها باسلوب عدل حتى لو زفتج ولو مديت يدها بعد
هاذي امج شتسوين حاولي تقعدين وياها تسولفين تستغلين غياب خالتج
وداومي على الاستغفار

 

[غـرامـي أنـت]

الله يعينج شبتسوين بعد تبقئ امج

الجنه تحت اقدام الامهات تحملي حبيبتي

 

[al-musk]

الله يعينج
بس الاكيد انها تحبج بس طريقة التعبير والتصرف يمكن غلط
ولازم تتحملينها لانها امج وشخص مفروض عليج مو بختيارج وهم لازم تدعين لها وتبرينها والله كريم

والله يهديها