مشكلتي مع ولدي ابي حل

[asrar111]

مرحبا

كيفكم وشخباركم .....

بدخل بالموضوع ع طوول
انا ولدي عمره سنتين ووسبع شهور والولد متعلق مرررررره فيني لدرجه حتى الحمام وانتو بكرامه يبي يدخل معي
يعني يلاحقني في كل مكان حتى لو طلعت في بيت اهلي مايبني اغيب عن عينه

احيانا ابي اطلع مع زوجي لحالنا مانقدر حتى بسرير بنص تعبت من الحاله هاذي ابي يلهي عن شوووي قولولي شسوي

كل العيال بهالسن كذا ولا ولدي متعلق زياده عن اللزوم وابي حل:eh_s(10):

تحياتي للجميع

 

[حشمه]

رد : مشكلتي مع ولدي ابي حل

شدي عليه شوي لازم لمصلحته

اولا النوم بينكم ممنوع الولد كبر

انا انام معاه بفراشه وبداره

وبس ينام اقوم اخليه وموضوع الحمام

قفليه وقوليله عيب خليه يتعود مايحاول

يبطل الباب ومستقبلا وراه مدرسه لازم

يتعود يقعد مع الناس بدونج خليه مع

اهلج والخدامه وطلعي مع ريلج

قولي له لي صرت عاجل اشري لك هديه

وهم جربي تشغلين له تلفزيون وتعطينه

عصير وبفك تلهينه عنج وتروحين

غرفه ثانيه شوفي جم فتره اللي يبعد

شوي شوي يتاقلم اهو الحين يخاف يفقدج

مستقبلا يتعود ويدري راح ترجعين

 

[غيمه ظميانه]

رد : مشكلتي مع ولدي ابي حل

دايما البجر جذي
اانا ولدي البجر جذي والعن بعد استخفييت منه ههههههههه على قولتج الحمام ادخله واغمض عيوننه

رحت شريت العاب من بو ميه وااجد وحطيتهم بجيس وكل ما بقيت اطلع مشواار بروحي للضروره احط عنده لعبه او لعبتين وانحاش على ما ارجع الا مل من اللعبه هههههههههههه وكل طلعه لازم لعبه جديده

والله يعينج حاولي تخلينهم يجتمع مع جهاال عشان يلهى عنج شوي

 

[عيني عليه]

بناات تتوقعوون ليش البكر بالذات يكون متعلق بامه .... الغلط من الام والا شالسالفه ...

انا ولدي توه اربع شهور ... لو تشوفون شلون يدورني بين الوجوه ... وبس يشوف وجهي يصيح يعني شيليني ...

شالحل ... بعد هذا مايفهم اقص عليه بلعبه ... متعبني حييل كله يبيني حاملته ..

 

[أميرة طفولتي]

رد : مشكلتي مع ولدي ابي حل

لازم تشدين عليه شوي مو ايد بعد هم توا سنتين وشي
ومو كل مابجى قال بدش معاج او بيي معاج تخلينه
البجر دايما يكون جذي لان طول اليوم انتي معاه ومجابلته ودايره بالج عليه فمتعلق فيج وايد
سوي طريقة الاخت الي قالت عنه كافئيه بالالعاب بس مو دايما عشان لايتعود مايسوي الشي الا بلعبه

 

[الصعيريه]

رد : مشكلتي مع ولدي ابي حل

الله يعيينج ولدج ذكرني بولد إختي

انا بنتي كانت جذي بس الحين مآأتعب نفسي اذا بطلع انزلها عند عماتها وأطلع
لانه موكل طلعه اقدر اخذها معااي

 

[ام نيوفي]

مثل ما قالوا البنات والله يهديه
انا ولدي عمره سنتين و نص و كل احد يبي يطلع يبي يروح معاه و يبجي عليه

 

[دانة بعين بحاري]

رد : مشكلتي مع ولدي ابي حل

نفس مشكلتي مع ولدي عمره سنه ونص بس انا قبل اشتكي انه مايعرفني الحين ابيه يفج عني شوي بس مستحيل
الله يكون بالعون

 

[ام^تبوله]

أنا بنتي البجر جذي في البدايه كانت متعلقه بأبوها وااااااااااااايد لي درجة ان اذا بيطلع تبجي وراه واذا بيدش الحمام أنتي بكرامه بدش معاه
ولما حملت بآخر 3 شهور تعلقت فيني أنا وتركت أبوها ليلحين هي من صوب ولدي 4 شهور من صوب الله يخليهم ويحفظهم
بس سالفة ينام بينكم غلط لاتعودينا ترى اذا تعود على هالشي يكبر على هالتعود وحده معاي بالدوام مصريه تقول ولدي الصغير من كثر مامدلعته كله تنومه بينهم تخيلي لي اللحين عمره 13 ينام بينهم طبعا أنا صار فيني جذي :eh_s(12):​