مشكلتي مع وزارة العدل الرقعي

[elcadbury]

السلام عليكم ورحمة الله وبركاته

انا مطلقه صارلي من 4 سنين ومحد تقدم لي الا مرتين مره طلع الريال سمعته شينه وثاني واحد قبل شهر.. الثاني ريال سمعته وايد زينه وعمره مناسب لعمري بس مو هذي المشكله.. انا امي وابوي منفصلين وابوي من احنا صفار راح تزوج وصار مايسأل عنها واذا رحنا له يسويلينا مشاكل اهوا وزوجته وصرنا مانروح لعندهم ودايماً اي شي يحرق قلب امي يسوييه اهل ابوي مايرضون على امي وليلحين علاقتهم مستمره مع امي اكثر من13 سنه بعد الطلاق والله يديم المحبه.. ابوي بوقف نصيبي من غير سبب مايبي يزوجني عناد بامي واهل ابوي واهل امي كلموه بس مو راضي يزوجني انا ثيب واقدر اتزوج بروحي بس فحص الزواج بوزارة العدل مايطلعونه لي الا ابطاقة ابوي الاصليه واحنا ماعندنا الا صوره من البطاقه وماعندي احد يساعدني يطلعها لي وانا ماارضى اشتكي على ابوي مابي الناس يتكلمون عني واصلا السالفه بطول شهور وانا مابي الريال يروح من ايديني منو تقدر تساعدني بنات كل يوم ادعي الله يحنن قلب ابوي علي ويسهل علي هالزواج منو تعرف ناس بوزارة العدل بقسم الزواج

من فرج كربه عن اخيه المسلم فرج الله عنه كربه من كربات يوم القيامه

 

[{هتًان}]

افضل حل انج تكلمينه بنفسج

والله يسخره لكم يارب

 

[elcadbury]

كلمته والله وبجيت من حرفة قلبي والله حتى ايده بستها ولا حن قلبه علي

 

[أو عبوش]

لاحول ولا قوه الا بالله


اب




ربي يقرب نصيبج لج



وانتي مطلقه يعني ما اظن يقدر يمنعج


بس لانج بنت اصل ماتبين تجرجرينه بالمحاكم


الله راح يعطيج على قد نيتج


وإن اجتمعوا عَلَى أن يضروك بشيء لم يضروك إلا بشيء قد كتبه اللَّه عليك،

وإن اجتمعوا عَلَى أن يضروك بشيء لم يضروك إلا بشيء قد كتبه اللَّه عليك،


​

 

[elcadbury]

حبيبتي مشكوره تسلمين
انا اقدر اتزوج من غير موافقته بس الفحص الطبي مايطلع الا ابطاقة ابوي وانا ماعندي بطاقته بس عندي صوره من البطاقه

 

[ام كوثر2007]

كلميني علي الخاص حبيبتي وان شاءالله احاول افيدج ..

 

[سفيره الكويت]

كلميه اذا ما حن قلبه اشتكي عليه وقولي مانع يخليني اتزوج طول عمري وبعد ماتكسبين القضيه تزوجي شتسوين بعد اذا عقل ابوج

صغير

 

[elcadbury]

مو حلوه بحقي اشتكي على ابوي جدام الناس


اخت ام كوثر ماقدر اكلمج ع الخاص مشاركاتي قليله في طريقه ثانيه اكلمج فيها ؟

 

[ام كوثر2007]

عطيني اسم القسم حبيبتي اللى بالرقعي اللى تبين واسطه فيه ..

 

[elcadbury]

اعتقد اسمه ادارة التوثيقات الشرعيه
جزاج الله خير ان شاء الله بميزان حسناتج

 

[* بنت المطر *]

وشلون تزوجتي قبل 4 سنين !! زين خلي واحد من خوالج يروح وياج ويكلمهم ويقولهم مشكلة ابوج

 

[ابي اصير ممثلة]

مو شرط خلي احد من اعماج يطلعه من بطاقته بعد عمامج يعتبرون يلون امرج

 

[ام كوثر2007]

ان شاء الله ارد لج خبر قريب حبيبتي ..

 

[قاهره عذالي]

روحي سوي الفحص بمستشفى خاص
ولا راح يطلبون لج بطاقة ابوج
الظاهر الحكومه تطلب

انا كان فحصي بمستشفى العرف خذوا مني 70 دك
وبس ببطاقتي المدنيه
ما اطلبوا لا بطاقه مدنيه حقت ابوي ولا حقت امي
بس 10 ايام يالله طلعت النتيجه الخاص يطولون
توكلي على الله وسوي فحصج بالخاص

 

[elcadbury]

بنات انا اهلي حاولو مع ابوي من كل النواحي اهل ابوي واهل امي..
بس سالفة شلون تزوجت قبل ٤ سنين ولد صاحب ابوي الي خطبني وابوي قاله عني وغصبني
لاني كنت توني كامله ١٨ سنه بس صبرت وقلت هذا نصيبي بس صارت مشاكل وانفصلت

 

[elcadbury]

وعمامي مايقدرون يزوجوني لانه ابوي موجود حتى اخوي العود مايقدر
ومايصير الفحص اسويه بأي مستشفى خاص لازم من ادارة التوثيقات
بوزارة العدل اطلع فحص الزواج واسويه بالمراكز الي اهم يقولونها" مستشفى
الصباح " وهالحجي مو تأليف دشي ع موقف وزارة الصحه الفحص الطبي قبل
الزواج مكتوب فيه هالكلام..
ومشكورين بنات لانكم منفاعلين مع مشكلتي عسى الله يفرج همكم

 

[elcadbury]

مشكوره اختي ام كوثر ناطرتج ويعطيج العافيه

 

[سمراءوافتخر]

الله يفرج همج ويسهل زواجج عاحلا غير اجل يا رب يا كريم ويرزقج الذرية الصالحة المعافاه يا رب يا كريم

 

[sawaleh]

مساج الله بالخير عووشه تعالي خاص بس انا مايفتح عندي الخاص اذا عندج ايميل او اي شي عشان اتواصل معاج وقولج شي مهم بالسالفه هذي

 

[elcadbury]

مساج الله بالنور اختي انا بعد مااقدر لانه مشاركاتي قليله






نكي بالتويتر @3woshaq8