- إنضم
- 28 أكتوبر 2010
- المشاركات
- 329
- مستوى التفاعل
- 1
- النقاط
- 0
السلام عليكم بنات
شلونكم شخباركم عساكم بخير ..؟؟
بنات هالمشكله مأرقتيني صارلها يومين والسبب مسؤلتي بالدوام حسبي الله ونعم الوكيل عالظالم ..
بنات اهي كانت وايد زينه بس مادري اشفيها اقلبت علي مره وحده ..
السالفه ومافيها ان امس كان عيد زواجي وقبل امس دزيتلها مسج قتلها بدوام وبعدين بستأذن .. كنت مخططه اروح العمره ويا ريلي بالسياره .. وهم كان عندي موعد بعيادة الليزر ..
قلت اطلع مبجر اروح العياده وعقبها ارد البيت اصلي الظهر ونمشي انا وزوجي ..
يوم طرشتلها مسج كتبت فيه : مساء الخير استاذه اسمحيلي باجر ابي استئذان نهاية الدوام عفيه ابي ظروري ..
ردت علي وقالتلي : مساء الورد خلصي شغلج بكير والله وياج ..
عاد صج ثاني يوم داومت مبجر خلصت شغلي كله ومسيت الساعه 10 كتبت استئذاني وطلعت رحت العياده ..
توني داشه ولا اشوفها تدق ..
رديت عليها ولاتصارخ من قمة راسها ..!!
انتي وينج ليش اتجذبين تقولين ابي استئذان وماداومتي محد من البنات شافج وانا يايه من 9 ونص ماشفت << جذابه يابنات انا ماطلعت من المكتب الا 10
قتلها استاذه ورا ي سفر والحين انا بالعياده
اهي من اسمعتكلمة سفر افقدت
وتقولي انتي ماتستحين ومالج كلمه وانا مو متحملتج بالمكتب وهاليوم اعتبريه خصم مو استئذان وقدمي نقل لا اقدم فيج نقل اداري ..!!
انتي قلتي تبين استئذان نهاية دوام شحقه طالعه 10 ..؟؟
وتقولي حتى طبياتج الي حاطتهم بخليهم عذر غير مقبول ماراح اوقعهم لج
بنات حرقت قلبي الله يحرق قلبها وربي من كثر ماضايقتني طلعت من العياده رديت الدوام كتبت نقل وحطيته بالبريد وعقب ماطلعت من المكتب كنت ابجي بالسياره جان ادعم باص واتكسرت سيارتي
ومادري اشلون باجر بروح اشوفها
بنات انا ماحب الصراخ ومالي شغل باحد ولا احب اطول لساني صج اعرف ارد بس اهي كبر امي وعيالها متزوجين انا عيب علي اغلط عليها
شنو تشورون علي اني اسوي ؟؟
للعلم بنات اهي اكثر من مره اسويلها الشغل وتقولي ماسويتيه وتحلف وتتكفر اني ماسلمتها الشغل ليما يطلعون البنات ويشهدون انهم شافوني اعطيها الشغل
وذاك اليوم نفس الشي طرشتلها مسج ابي استئذان ماردت علي البنات قالولي طلعي احنا دايما جذي ندز مسج وماترد
عاد ثاني يوم تقول لا انتي مادزيتي مسج هاذا غياب مو استئذان
يوم البنات اشهدو اني دزيت المسج جدامهم جان تسكت ..
بنات حايشني اكتئاب بسبة اسلوبها معاي
تقولي مو متحملتج بالمكتب لبيش ؟؟
بنات اهي جم مره تقول حق البنات اني سريعه واخلص الشغل بسرعه واني ذكيه
واعترف اني اغيب وايد بس حالي يمن حال باجي بنات القسم كلهم يغيبون ومرضياتهم اكثر مني
اشمعنى انا جذي تكرهني ؟؟
بنات شسوي قولولي ؟؟
اخلي زوجي يروحلها يسفل فيها ويغسل شراعها ؟؟
ولا امشي اجراءات نقلي بسكات ؟؟
واذا يت كلمتني وصرخت شنو ارد عليها
اكره ان شخص يصرخ علي
والله يابنات اني عايشه بهم وضغط بحياتي وكنت بستانس بس بهاليوم الي اهو يوم زواجي وطلعته من عيني
